Revised Common Lectionary (Complementary)
दाऊदको एउटा भजन, जब तिनी यहूदाको मरुभूमिमा थिए।
63 हे परमेश्वर, तपाईं मेरो परमेश्वर हुनुहुन्छ।
अनि म तपाईंलाई अत्यन्तै परिश्रमकासाथ खोज्दछु।
मेरो प्राण र शरीर तपाईंको लागि पानी नभएको सुख्खा जमीनमा पनि
तपाईंकै निम्ति तिर्खाउँछ।
2 हो, मैले तपाईंलाई तपाईंको मन्दिरमा देखेको छु।
मैले तपाईंको शक्ति र महिमा देखेको छु।
3 तपाईंको स्नेहपूर्ण करूणा जीवनभन्दा श्रेष्ठ छ।
मेरो ओंठले तपाईंको प्रशंसा गाउँदछ।
4 हो, म तपाईंको प्रशंसा तपाईंको नाउँमा,
म मेरो दुइ हात जोडेर जीवन भर प्रशंसा गर्नेछु।
5 मानौं मैले उत्तम खाना खाए जस्तो मनभरि तृप्ति हुनेछु।
अनि मेरो प्रफुल्लित ओंठले तपाईंकै गुण गाउँनेछ।
6 म ओछ्याउनमा ढल्कि रहेको बेलामा पनि तपाईंलाई नै सम्झिरहनेछु।
मध्य-रातमा पनि म तपाईंलाई सम्झिरहने छु।
7 तपाईंले साँच्चि नै मलाई साथ दिनुभयो।
म खुशी छु कि तपाईंले मेरो रक्षा गर्नुभयो।
8 मेरो प्राण तपाईंमा अल्झिन्छ,
अनि तपाईं मेरो हात समाउनु हुन्छ।
9 कतिपय मानिसहरूले मलाई मार्ने कोशिश गरिहेछन्,
तर तिनीहरू नाश हुने नै छन्।
तिनीहरू आफ्ना चिहानहरूमा जानेछन्।
10 तिनीहरू तरवारले मारिनेन्छन्।
जङ्गली कुकुरहरूले तिनीहरूका मृत शरीरहरू खानेछन्।
11 तर राजा आफ्ना परमेश्वरसँग खुशी हुनेछन्,
अनि वचन दिएका ती मानिसहरू पनि परमेश्वरकै आज्ञामा गुण-गान गर्नेछन्।
किनभने उहाँले ती सम्पूर्ण झूटाहरूलाई परास्त पार्नुभयो।
7 परमप्रभुले “याकूब गर्व” नामक आफ्नो नाम प्रयोग गर्नु भयो र शपथ लिनुभयो:
“म उसको कर्म कदापि भुल्ने छैन।
8 किनभने यी कार्यहरूको कारण सम्पूर्ण भूमि काम्नेछ।
यस देशमा बस्ने प्रत्तेक मानिस
मृत्यु भएको मानिसहरूको निम्ति रुनेछन्।
मिश्रको नील नदी जस्तै सम्पूर्ण भूमि उठ्नेछ र तल झर्नेछ।
भूमि यता उता फ्याँकिनेछ।”
9 परमप्रभुले भन्नुभयो,
“म सूर्यलाई मध्यदिनमा अस्ताउने बनाईदिनेछु
अनि पृथ्वीको दिनको उज्यालोलाई अँध्यारो बनाईदिनेछु।
10 म तिमीहरूको चाडको दिनहरूलाई शोक मनाउने दिनहरूमा
र खुशीको सबै गीतहरूलाई दुःखको गीतमा परिवर्तन गरिदिनेछु।
म तिमीहरूलाई वस्त्रहरू शोक लगाएका बनाउनेछु
र टाउको खौराउनेछु।
म तिमीहरूले जन्माएको
एउटै मात्र छोरो मर्दा शोक गरे जस्तै पारिदिन्छु,
अनि यो तिक्त दिन हुनेछ।”
परमप्रभुको वचको एउटा डरलाग्दो अनिकाल आउँदैछ
11 परमप्रभु भन्नुहुन्छ,
“हेर, त्यो दिन नजिकै आउँदैछ,
जब म देशमा अनिकाल ल्याउँनेछु।
मानिसहरू रोटी र पानीको निम्ति
भोकाउने वा तिर्खाउने छैनन्।
तर मानिसहरू परमप्रभुको वचनको निम्ति भोकाउने, तिर्खाउने छन्।
12 तिनीहरू परमप्रभुको वचन सुन्नु देशमा मृत्य सागर देखि
महासागर सम्म यता-उता जानेछन्,
अनि देशको उत्तर भाग देखि पूर्व सम्म, मानिसहरू
परमेश्वरको वचनको निम्ति यता-उता गर्नेछ,
तर तिनीहरूले पाउने छैनन्।
13 त्यस समय सुन्दर युवक र युवतीहरू
तिर्खाले मुर्छा पर्नेछन्।
14 तिनीहरूले सामरियाका मूर्तिहरूद्वारा शपथ खान्छन्,
तिनीहरूले भन्छन्, ‘दानको मुर्तिहरूद्वारा
अथवा बेर्शेबाको मुर्तिहरूद्वारा।’
तर यी मानिसहरू लड्नेछन्,
र कहिल्यै पनि उठ्ने छैनन्।”
20 दाज्यू-भाइ दिदी-बहिनीहरू हो! केटाकेटीहरूले जस्तो नसोच। नराम्रा कुराहरूमा बालकहरू जस्ता होऊ। तर आफ्नो विचारमा तिमीहरू परिपक्व मानिस बन। 21 व्यवस्थामा लेखिएको छः
“विभिन्न भाषा बोल्ने मानिसहरू लिएर,
अनि विदेशीहरूकै ओठ चलाएर,
म तिनीहरूसित बोल्छु।
तथापि तिनीहरूले मलाई सुन्दैनन्।”(A)
प्रभु त्यसै भन्नुहुन्छ।
22 यसैकारण विभिन्न भाषामा बोल्ने वरदान विश्वास नगर्ने मानिसहरूको प्रमाण हो, विश्वास गर्नेहरूको होइन। अनि अगमवाणी तिनीहरू निम्ति हो जसले विश्वास गर्छन्, विश्वास नगर्नेहरूलाई होइन। 23 मानिलेऊ, मण्डलीका सारा सदस्यहरू एक ठाउँमा भेला भएका छन् अनि तिमीहरू विभिन्न भाषाहरूमा बोल्छौ। यदि कतिपय मानिसहरू जसले बुझ्दैन अथवा त्यहाँ कतिपय विश्वास नर्गेने मानिसहरू सभामा आउँछन्। ती मानिसहरूले तिमीहरूलाई बौलाहा भन्ने छैनन्? 24 तर मानिलेऊ तिमीहरू सबे अगमवाणी बोल्दैछो अनि कुनै विश्वास नगर्ने मानिस भित्र पस्छ वा कुनै अबुझ मानिस भित्र पस्छ। त्यस मानिसलाई उसको पाप देखाइन्छ, अनि तिमीहरू सबैले बोलेका कुराहरूबाट ऊ जाँचिन्छ। 25 त्यस मानिसको हृदयका गुप्त कुराहरू प्रकट हुँदछ। तब त्यो मानिस झुक्नेछ अनि परमेश्वरको आराधना गर्नेछ। उसले भन्नेछ, “साँच्चै, परमेश्वर तिमीहरूसितै रहेछन्।”
© 2004, 2010 Bible League International