Revised Common Lectionary (Complementary)

6 యెహోవా, కోపగించి నన్ను గద్దించవద్దు.
    కోపగించి నన్ను శిక్షించవద్దు.
² యెహోవా, నా మీద దయ ఉంచుము.
    నేను రోగిని, బలహీనుడిని నన్ను స్వస్థపరచుము. నా ఎముకలు వణకుతున్నాయి.
³     నా శరీరం మొత్తం వణకుతోంది.
యెహోవా నన్ను నీవు స్వస్థపర్చటానికి ఇంకెంత కాలం పడుతుంది.?
⁴ యెహోవా, మరల నన్ను విముక్తుని చేయుము.
    నీవు చాలా దయగలవాడవు గనుక, నన్ను రక్షించుము.
⁵ చనిపోయిన వాళ్లు, వారి సమాధుల్లో నిన్ను జ్ఞాపకం చేసుకోరు.
    సమాధుల్లోని ప్రజలు నిన్ను స్తుతించరు. అందుచేత నన్ను స్వస్థపరచుము.

7 నేను కలత చెందాను! ఎందుకంటే, నేను సేకరించబడిన వేసవి కాలపు పండులా ఉన్నాను.
    పండిపోయిన ద్రాక్షాపండ్లవలె ఉన్నాను.
తినటానికి ద్రాక్షాపండ్లు మిగలలేదు.
    నేను కాంక్షించే తొలి అంజూరపు పండ్లు లేనేలేవు.
² అనగా విశ్వాసంగల జనులంతా పోయారు.
    ఈ దేశంలో మంచివాళ్లంటూ ఎవ్వరూ మిగలలేదు.
ప్రతి ఒక్కడూ మరొకడిని చంపటానికి వేచివున్నాడు.
    ప్రతి ఒక్కడూ తన సోదరుని కపటోపాయంతో పట్టటానికి యత్నిస్తున్నాడు.
³ ప్రజలు తమ రెండు చేతులతో చెడ్డపనులు చేయటానికి సమర్థులైవున్నారు.
    అధిపతులు లంచం అడుగుతారు.
ఒక న్యాయాధిపతి న్యాయస్థానంలో తన తీర్పును తారుమారు చేయటానికి డబ్బు తీసుకుంటాడు.
    “ముఖ్యులగు పెద్దలు” మంచివైన, న్యాయమైన నిర్ణయాలు చేయరు. వారేది చేయదలచారో అదే చేస్తారు.
⁴ వారిలో అతి మంచివాడు సహితం ముండ్లపొదవలె ఉంటాడు.
    వారిలో మిక్కిలి మంచివాడు సహితం ముండ్లపొద కంటే చాలా కంటకుడై ఉంటాడు.

నీ ప్రవక్తలు ఈ రోజు వస్తుందని చెప్పారు.
    నీ కావలివాండ్ర దినం రానేవచ్చింది.
ఇప్పుడు నీవు శిక్షింపబడతావు!
    ఇప్పుడు నీవు కలవరపడతావు!
⁵ నీ పొరుగువానిని నమ్మవద్దు!
    స్నేహితుని నమ్మవద్దు!
నీ భార్యతో సహితం
    నీవు స్వేచ్చగా మాట్లాడవద్దు!
⁶ తన ఇంటివారే తనకు శత్రువులవుతారు.
    ఒక కుమారుడు తన తండ్రిని గౌరవించడు.
ఒక కుమార్తె తన తల్లికి ఎదురు తిరుగుతుంది.
    ఒక కోడలు తన అత్తపై తిరుగబడుతుంది.

⁷ కావున సహాయంకొరకు నేను యెహోవాతట్టు చూస్తాను.
    నాకు సహాయం చేయటానికి నేను యెహోవాకొరకు నిరీక్షిస్తాను.
    నా దేవుడు నా మొర ఆలకిస్తాడు.