Revised Common Lectionary (Complementary)

¹³ Saˈ xcˈabaˈ li Dios li naqˈuehoc yuˈam, la̱in nintzˈa̱ma cha̱cuu nak ta̱ba̱nu la̱ taklanquil. Ut nintzˈa̱ma ajcuiˈ cha̱cuu saˈ xcˈabaˈ li Jesucristo li quichˈoloban xya̱lal chi ma̱cˈaˈ xxiu chiru laj Poncio Pilato. ¹⁴ Ut la̱ taklanquil, aˈan aˈin: chaba̱nu chixjunil li taklanbilat cuiˈ xban li Ka̱cuaˈ. Ti̱cak la̱ chˈo̱l ut ma̱cˈaˈak a̱kˈusbal toj retal ta̱cˈulu̱nk cuiˈchic li Ka̱cuaˈ Jesucristo.

Lokˈoninbilak taxak li Dios anakcuan ut chi junelic

¹⁵ Nak tixtau xkˈehil li Dios tixcˈutbesi cuiˈchic chiku li Jesucristo. Li Dios, aˈan kˈaxal lokˈ ut junaj ajcuiˈ. Aˈan li Rey li kˈaxal nim xcuanquil saˈ xbe̱neb chixjunileb li rey li cuanqueb saˈ ruchichˈochˈ. Ut aˈan ajcuiˈ li Ka̱cuaˈ li kˈaxal nim xcuanquil saˈ xbe̱neb chixjunileb li cuanqueb xcuanquil. ¹⁶ Li Dios yoˈyo chi junelic. Ma̱cˈaˈ xticlajic ut ma̱cˈaˈ rosoˈjic. Aˈan cutan saken chi junelic ut ma̱ ani naru na‑oc riqˈuin xban nak kˈaxal lokˈ. Incˈaˈ ilbil ru chi moco na‑ileˈ ru saˈ ruchichˈochˈ. Chikaqˈuehak taxak xlokˈal ut chikalokˈonihak taxak xban nak kˈaxal nim lix cuanquilal anakcuan ut chi junelic. Joˈcan taxak.