Revised Common Lectionary (Complementary)

⁸ Aban li Dios quixye re li Cˈajolbej:
    La̱ nimajcual cuanquilal, at Dios, xakxo̱k chi junelic kˈe cutan. Junelic saˈ ti̱quilal nacattaklan.
⁹     Li ti̱quilal nacuulac cha̱cuu ut li ma̱usilal xicˈ nacacuil. Joˈcan nak sicˈbil a̱cuu inban la̱in li nimajcual Dios. La̱in la̱ Dios. Kˈaxal numtajenak li sahil chˈo̱lej xinqˈue a̱cue la̱at chiru li xinqˈue reheb chixjunileb la̱ cuech aj cˈanjelil.

¹⁰ Li Dios quixye cuiˈchic re li Cˈajolbej:
    La̱at, at Ka̱cuaˈ, saˈ xticlajic cayi̱b li ruchichˈochˈ ut riqˈuin ajcuiˈ a̱cuukˈ cayi̱b li choxa.
¹¹     Eb aˈan teˈosokˈ aban la̱at cua̱nkat chi junelic. Chixjunil aˈan teˈkˈelokˈ joˈ li tˈicr.
¹²     Junak tˈicr na‑osoˈ ut najalman. Joˈcan ajcuiˈ nak ta̱osokˈ li ruchichˈochˈ ut li choxa.
    Aban la̱at incˈaˈ nacatjaleˈ. Cua̱nkat ban chi junelic kˈe cutan.