Revised Common Lectionary (Complementary)

50 దేవాధి దేవుడు యెహోవా మాట్లాడాడు.
    సూర్యోదయ దిక్కు నుండి సూర్యాస్తమయ దిక్కు వరకు భూమి మీది ప్రజలందరినీ ఆయన పిలుస్తున్నాడు.
² సీయోను నుండి దేవుడు ప్రకాశిస్తున్నాడు. ఆ పట్టణపు అందము పరిపూర్ణమైనది.
³ మన దేవుడు వస్తున్నాడు, ఆయన మౌనంగా ఉండడు.
    ఆయన యెదుట అగ్ని మండుతుంది.
    ఆయన చుట్టూరా గొప్ప తుఫాను ఉంది.
⁴ తన ప్రజలకు తీర్పు చెప్పుటకు పైన ఆకాశాన్ని,
    క్రింద భూమిని ఆయన పిలుస్తున్నాడు.
⁵ “నా అనుచరులను నా చుట్టూరా చేర్చండి.
    వారు బలియర్పణ ద్వారా నాతో ఒడంబడిక చేసుకున్నారు” అని ఆయన అంటాడు.

¹² ఎందుకంటే మీరు చేసిన అనేక పాపాలగురించి నాకు తెలుసు.
    మీరు నిజంగా కొన్ని ఘోరమైన పాపాలు చేశారు.
మంచిపనులు చేసే ప్రజలను మీరు బాధించారు.
    చెడు చేయటానికి మీరు డబ్బు తీసుకుంటారు.
    బహిరంగ ప్రదేశాలలో పేదవారిని మీరు నెట్టివేస్తారు.
¹³ ఆ సమయంలో తెలివిగల బోధకులు ఊరుకుంటారు.
    ఎందుకంటే అది చెడు కాలం గనుక.
¹⁴ దేవుడు మీతోనే ఉన్నట్లు మీరు చెపుతారు.
    అందుచే మీరు మంచిపనులు చేయాలేగాని చెడు చేయరాదు.
అప్పుడు మీరు బతుకుతారు.
    సర్వశక్తుడగు యెహోవా నిజంగా మీతోవుంటాడు.
¹⁵ చెడును ద్వేషించు. మంచిని ప్రేమించు.
    న్యాయస్థానాలలో న్యాయాన్ని పునరుద్ధరించండి.
అప్పుడు యోసేపు వంశంలో మిగిలినవారిమీద దేవుడు,
    సర్వశక్తిమంతుడు అయిన యెహోవా కనికరం కలిగి ఉండవచ్చు.

¹⁶ అందువలన ప్రభువును, సర్వశక్తిమంతుడును అయిన దేవుడు ఈ విషయం చెపుతున్నాడు:
“బహిరంగ ప్రదేశాలన్నిటిలోనూ ప్రజలు విలపిస్తారు.
    ప్రజలు వీధులలో రోదిస్తారు.
    ఏడ్చేటందుకు ప్రజలు కిరాయి మనుష్యులను నియమిస్తారు.
¹⁷ ద్రాక్షాతోటలన్నిటిలో ప్రజలు విలపిస్తారు.
    ఎందుకనగా నేను అటుగా వెళ్లి మిమ్మల్ని శిక్షిస్తాను.” అని
    యెహోవా చెపుతున్నాడు.
¹⁸ మీలో కొంతమంది
    యెహోవాయొక్క ప్రత్యేక తీర్పు రోజును చూడగోరుతారు.
అ రోజును మీరెందుకు చూడగోరుతున్నారు?
    యెహోవా యొక్క ఆ ప్రత్యేక దినము మీకు చీకటిని తెస్తుందేగాని, వెలుగును కాదు!
¹⁹ ఒక సింహపు బారినుండి తప్పించుకుపోయే వ్యక్తిపై
    ఎలుగుబంటి మీదపడినట్లు మీరుంటారు!
ఇంటిలోకి వెళ్లి, గోడమీద చేయి వేయగా
    పాము కరచినవాని మాదిరి మీరుంటారు!
²⁰ కావున యెహోవాయొక్క ప్రత్యేక దినము
    చీకటిని తెస్తుంది గాని, వెలుగును కాదు. అది దుఃఖ సమయంగాని, సంతోష సమయం కాదు!
    ఆ రోజు మీకు వెలుగు ఏమాత్రమూ లేని కారు చీకటిగా ఉంటుంది.

²¹ “మీ పవిత్ర దినాలను నేను ద్వేషిస్తాను!
    నేను వాటిని అంగీకరించను!
    మీ ప్రార్థనా సమావేశాలపట్ల నేను సంతోషంగా ఉండను!
²² మీరు నాకు దహనబలులు అర్పించినా, ధాన్యార్పణలు పెట్టినా,
    నేను వాటిని స్వీకరించను!
మీరు సమాధాన బలులుగా అర్పించే బలిసిన జంతువులవైపు
    నేను కనీసం చూడనైనా చూడను.
²³ మీరు బిగ్గరగా పాడే పాటలను ఇక్కడనుండి తొలగించండి.
    మీ స్వరమండలమునుండి వచ్చే సంగీతాన్ని నేను వినను.
²⁴ మీ దేశమంతటా న్యాయం నీళ్లలా ప్రవహించేలా మీరు చేయాలి.
    మంచితనాన్ని ఎన్నడూ ఎండని నీటి వాగువలె ప్రవహించేలా చేయండి.