Revised Common Lectionary (Complementary)

⁹ కనుక సహాయం కోసం నేను నీకు మొర పెట్టినప్పుడు నా శత్రువులు ఓడింపబడతారు.
దేవుడు నాతో ఉన్నాడు ఇది నాకు తెలుసు.

¹⁰ దేవుడి వాగ్దానం కోసం నేను ఆయనను స్తుతిస్తాను.
    యెహోవా నాకు చేసిన వాగ్దానం కోసం నేను ఆయనను స్తుతిస్తాను.
¹¹ నేను దేవుని నమ్ముకొన్నాను అందుచేత నేను భయపడను.
    మనుష్యులు నన్ను బాధించలేరు.

¹² దేవా, నేను నీతో ప్రత్యేక ప్రమాణం చేసాను. దాన్ని నెరవేరుస్తాను.
    నా కృతజ్ఞతార్పణ నేను నీకు యిస్తాను.
¹³ ఎందుకంటే మరణం నుండి నీవు నన్ను రక్షించావు.
    నేను ఓడిపోకుండా నీవు కాపాడావు.
కనుక బ్రతికి ఉన్న మనుష్యులు మాత్రమే
    చూడగల వెలుగులో నేను దేవుని ఆరాధిస్తాను.

“ఆయా రాజ్యాధినేతలు వస్తారు.
    యెరూషలేము ద్వారాల వద్ద వారు తమ సింహాసనాలను ప్రతిష్ఠించుతారు.
యెరూషలేము నగర గోడలమీదికి దండెత్తి వస్తారు.
    యూదా రాజ్యంలోని అన్ని నగరాలపై వారు దండయాత్రలు చేస్తారు.
¹⁶ అప్పుడు నా ప్రజలపై నా తీర్పును ప్రకటిస్తాను.
    వారు చెడు నడతగల వారగుటచేతను, వారు నాపట్ల విముఖులైనందువల్లను నేనిది చేస్తున్నాను. నా ప్రజలు నన్ను విడిచిపెట్టారు.
ఇతర దేవతలకు వారు బలులు అర్పించారు. వారి చేతితో వారు చేసిన బొమ్మలనే వారు ఆరాధించారు.

¹⁷ “యిర్మీయా, నీవు మాత్రం సిద్ధంగా ఉండు.
    ధైర్యంగా నిలబడి ప్రజలతో మాట్లాడు.
నిన్ను ఏమి చెప్పమని అంటానో అదంతా వారికి తెలియజేయి.
    ప్రజలకు నీవు భయపడవద్దు.
నీవు ప్రజలకు భయపడితే,
    వారిముందు నీవు భయపడటానికి తగిన కారణం కల్పిస్తాను.
¹⁸ నేను మాత్రం ఈ రోజు నిన్నొక
    బలమైన నగరం మాదిరిగాను,
    ఒక ఇనుప స్థంభం వలెను,
    ఒక కంచుగోడ వలెను బలపరుస్తాను.
దానివల్ల ఈ రాజ్యంలో ప్రతి వాని ఎదుట
    నీవు ధైర్యంగా నిలువగలవు.
    యూదా రాజుల ఎదుట,
    యూదా నాయకుల ఎదుట,
    యూదా యాజకుల ఎదుట,
    మరియు యూదా ప్రజల ఎదుట నీవు ధైర్యంగా నిలువగలవు.
¹⁹ వారంతా నిన్నెదిరిస్తారు;
    కాని నిన్ను ఓడించలేరు.
ఎందుకంటె నేను నీతో ఉన్నాను;
    నేను నిన్ను ఆదుకుంటాను.”
ఇది యెహోవా నుండి వచ్చిన సందేశం.