Revised Common Lectionary (Complementary)

¹¹ “అయితే నీకు కష్టాలు వస్తాయి.
    అది ఎప్పుడు జరుగుతుందో నీకు తెలియదు. కాని నాశనం వచ్చేస్తుంది.
    ఆ కష్టాలను ఆపుజేసేందుకు నీవు ఏమీ చేయలేవు. నీవు త్వరగా నాశనం చేయబడతావు.
    నీకు ఏమి జరిగిపోయిందో కూడా నీకు తెలియదు.
¹² నీ జీవితాంతం నీవు కష్టపడి పనిచేశావు.
    ఉపాయాలు, మంత్రాలు నేర్చుకొన్నావు.
కనుక నీ ఉపాయాలు, మంత్రాలు ప్రయోగించటం ప్రారంభించు.
    ఒకవేళ ఆ ఉపాయాలు నీకు సహాయపడతాయేమో!
    ఒకవేళ నీవు ఎవరినైనా భయపెట్టగలుగుతావేమో.
¹³ నీకు ఎంతెంతో మంది సలహాదారులు
    వాళ్లు నీకిచ్చే సలహాలతో నీవు విసిగిపోయావా?
నక్షత్ర శాస్త్రం తెలిసిన నీ మనుష్యులను వాళ్లు బయటకు పంపిస్తారు.
    నెల ప్రారంభం ఎప్పుడో వాళ్లు చెప్పగలుగుతారు.
    ఒకవేళ నీ కష్టాలు ఎప్పుడు మొదలవుతాయో వాళ్లు చెప్పగలుగుతారేమో.
¹⁴ అయితే ఆ మనుష్యులు కనీసం వాళ్లనే వాళ్లు రక్షించుకోలేరు.
    వాళ్లు గడ్డిలా కాలిపోతారు.
    వాళ్లు త్వరగా కాలిపోయినందుచేత రొట్టె కాల్చుకొనేందుకు గూడ నిప్పులు మిగులవు.
    వెచ్చగా కాచుకొనేందుకు మంటగూడా మిగలదు.
¹⁵ నీవు కష్టపడి సంపాదించిన దానంతటికీ అలా జరుగుతుంది.
    నీవు చిన్న పిల్లగా ఉన్నప్పట్నుంచీ నీతో వ్యాపారం చేసిన వారు నిన్ను వదిలివేస్తారు
ప్రతివాడూ వాని వాని దారిన పోతాడు.
    నిన్ను రక్షించేందుకు ఒక్క మనిషి కూడా ఉండడు.”