Revised Common Lectionary (Complementary)

⁷ तुमन बहुंत बढ़िया चलत रहेव। सच ला माने बर तुम्‍हर रसता म कोन ह बाधा डारिस? ⁸ ए किसम के सिकछा परमेसर कोति ले नइं होवय, जऊन ह तुमन ला बलाथे। ⁹ “थोरकन खमीर ह जम्मो गुंथाय आंटा ला खमीर कर देथे।” ¹⁰ परभू म मोला भरोसा हवय कि मोर ले अलग तुम्‍हर अऊ कोनो आने बिचार नइं होही। जऊन ह तुमन ला संका म डारथे, ओह चाहे कोनो होवय, अपन सजा ला पाही। ¹¹ हे भाईमन हो, कहूं मेंह अभी घलो खतना करवाय के परचार करत हवंव, त फेर काबर मोर ऊपर अब तक अतियाचार करे जावत हवय? ओ स्‍थिति म, कुरुस म मसीह के मिरतू के बारे म परचार करे म कोनो बाधा नइं होही। ¹² बने होतिस कि जऊन मन तुमन ला भड़कावथें, ओमन जाके अपन-आप ला नपुंसक बना डारतिन।