Revised Common Lectionary (Complementary)

तीमुथियुस अऊ इपफ्रुदीतुस

¹⁹ परभू यीसू म मोला आसा हवय कि मेंह तीमुथियुस ला तुम्‍हर करा जल्दी पठोहूं, ताकि जब मोला तुम्‍हर खबर मिलय, त मेंह घलो आनंदित होवंव। ²⁰ मोर करा ओकर सहीं अऊ कोनो नइं ए, जऊन ह सही म तुम्‍हर मामला म रूचि रखय। ²¹ काबरकि हर एक झन अपन खुद के खियाल रखथें, यीसू मसीह के बारे म नइं। ²² पर तुमन जानथव कि तीमुथियुस ह ए साबित कर चुके हवय अऊ जइसने एक बेटा ह अपन ददा संग सेवा करथे, वइसने ओह मोर संग सुघर संदेस के काम म सेवा करे हवय। ²³ एकरसेति, जतेक जल्दी मोला ए मालूम होही कि मोर संग का होवइया हवय, मेंह ओला तुम्‍हर करा पठोय के आसा करथंव। ²⁴ अऊ मोला परभू म भरोसा हवय कि मेंह घलो जल्दी आहूं।