Revised Common Lectionary (Complementary)

² “हे याकूबका छोराहरू, तिमीहरू सँगै आऊ,
अनि तिम्रा बाबु इस्राएलले भनेको सुन।

⁸ “हे यहूदा, तेरा दाज्यू-भाइहरूले तेरो प्रशंसा गर्नेछन्।
    तैंले तेरा शत्रुहरूलाई ध्वंश पार्नेछस्।
    तेरा दाज्यू-भाइहरू तेरो अघि नतमस्तक हुनेछन्।
⁹ यहूदा तँ सिंह जस्तै छस्।
    मेरो छोरा, तँ त्यो सिंह जस्तो देखिन्छस् जो आफूले मारेको जनावरमाथि उभिंदा देखिन्छ।
तँ जब आराम गर्न ढल्किन्छस तँ सिंह जस्तै देखिन्छस्,
    अनि कसैले तेरो विरोध गर्ने साहस गर्दैन।
¹⁰ यहूदाको परिवारबाट राजाहरू हुनेछन्।
राजत्वको प्रतीक यस परिवारबाट हराउने छैन,
    जब सम्म एकजना वास्तविक राजा आउनु हुँदैन।^[a]
तब उनको आज्ञाहरू पालन गर्न र उहाँलाई सेवा पुर्याउनु धेरै मानिसहरू आउनेछन्।
¹¹ उनले उसको जवान गधा सबभन्दा असल दाखको बोटमा बाँध्नेछ।
    सबभन्दा असल अङ्गुरको रसमा उनले आफ्नो लुगाहरू धुनेछ।
¹² उसका आँखाहरू मद्यलेगर्दा राता हुनेछन्,
    र उसका दाँतहरू दूधलेगर्दा सेता छन्।

¹³ “जबूलून समुद्रको किनारमा बस्नेछ।
    समुद्रको किनार जहाजहरूको निम्ति सुरक्षित ठाउँ हुनेछ।
    उसको भूमि सीदोन शहरसम्म विस्तृत रहनेछ।

²¹ “नप्ताली स्वतन्त्र दगुर्ने मृग जस्तै हो।
    अनि उसका शब्दहरू मृगका पाठा-पाठीहरू भन्दा सुन्दर छन।

²² “यूसुफ अत्यन्त सफल भएको छ।
    यूसुफ फलले लादिएको बोट जस्तै वसन्तमा बढने बोट जस्तै
    अनि यस्तो बोट हो जसका हाँगाहरू भित्तामा चढ्छन्।
²³ धेरै मानिसहरू तिनको विरोधी भए
    अनि तिनीसित युद्ध गरे।
काँडहरू लिएका मानिसहरू तिनका शत्रु भए,
²⁴ तर दक्षता र बहादूरी अनि बलियो धनुले गर्दा उसले लडाँई जित्यो।
याकूबको परमेश्वर गोठालाबाट साहस र शक्ति प्राप्त गर्नेछन्।
²⁵     आफ्ना बाबुका परमेश्वरबाट उसले शक्ति पाउनेछ।

⁶⁸ “इस्राएलका परमप्रभु परमेश्वरको प्रशंसा गर।
    कारण उहाँले आफ्ना मानिसहरूलाई सहायता गर्नु भयो,
    अनि तिनीहरूलाई स्वतन्त्रता दिनुभयो।
⁶⁹ परमेश्वरकै सेवक दाऊदका बंशबाट
    उहाँले हामीलाई शक्तिशाली मुक्तिदाता दिनु भएको छ।
⁷⁰ उहाँले भन्नु भएको थियो कि उहाँले यी सब गर्नु हुनेछ।
    धेरै अघिनै उहाँका पवित्र अगमवक्ताहरूबाट उहाँले यी सब कुराहरू भन्नु भएको हो।
⁷¹ उहाले हामीलाई शत्रुहरूदेखि,
    अनि हामीलाई घृणागर्ने शक्तिहरूदेखि जोगाउनु भएको छ।
⁷² उहाँले हाम्रा पुर्खाहरूलाई दया गर्नेछु भन्नु भएकोछ।
    उहाँले पवित्र करार पनि स्मरण गर्नु भएकोछ।
⁷³ उहाँले हाम्रा पुर्खा अब्राहामको अघि शपथ खानु भएको थियो की
⁷⁴ उहाँले हामीलाई हाम्रो शत्रुहरूको पन्जाबाट स्वतन्त्र राख्ने शपथ लिनु भएकोछ,
    औ हामीलाई निर्भयपूर्वक उहाँको सेवामा राख्नु हुनेछ।
⁷⁵     जब सम्म हामी जीवित रहन्छौ हामी पवित्र अनि परमेश्वर अघि सही मार्गमा रहनेछौं।