◀ All Reading Plans / Revised Common Lectionary (Complementary) / Psalm 107:1-3 23-32 (God stilled the storm); Job 37:1-13 (Elihu extols God’s power); Luke 21:25-28 (The roaring of the sea and the waves) (Nepali Bible: Easy-to-Read Version)

Prev Day

June 22, 1991

Next Day

Use the calendar to view readings from this devotional.

June 1991
Su	Mo	Tu	We	Th	Fr	Sa
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Return to today's reading

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.

Duration: 1245 days

भजनसंग्रह 107:1-3

पाँचौं भाग

(भजनसंग्रह 107–150)

107 परमप्रभुलाई धन्यवाद चढाओ, किनभने उहाँ उपकारी हुनुहुन्छ।
    उहाँको प्रेम सधैँ रहन्छ।
²यसैले ज-जसलाई परमप्रभुले बचाउनु भएको थियो,
प्रत्येक मानिसले भन्नु पर्दछ कि परमप्रभुले बचाउनु भयो।
    परमप्रभुले तिनीहरूका शत्रुहरूदेखि तिनीहरूलाई बचाउनु भयो।
³परमप्रभुले आफ्ना मानिसहरूलाई विभिन्न देशहरूबाटसँगै भेला गर्नुभयो।
    उहाँले तिनीहरूलाई पूर्व र पश्चिम, उत्तर र दक्षिणबाटसँगै भेला पार्नु भयो।

भजनसंग्रह 107:23-32

²³कतिपय मानिसहरू जहाजमा तरेर समुद्र पारी पुगे।
    तिनीहरूका कर्मले नै तिनीहरूलाई महासागर पार तार्यो।
²⁴ती मानिसहरूले परमेश्वरले के गर्न सक्नु हुन्छ भन्ने कुरा देखे।
    तिनीहरूले समुद्रमा गर्नु भएको उहाँको अद्भूत कामहरू देखे।
²⁵परमेश्वरले आज्ञा गर्नुभयो, अनि प्रबल बतास बहन थाल्यो।
    छालहरू उच्च भन्दा उच्च हुँदै गए।
²⁶ती छालहरूले तिनीहरूलाई उठाएर आकाशमा पुर्याए
    अनि गहिरो समुद्रमा झारिदिए।
    तूफान एकदम भयङ्कर थियो ती मानिसहरूको साहस हराएर गयो।
²⁷तिनीहरू धरमरिरहेका थिए अनि मातेको मानिस सरह पछारिए,
    माझीको रूपमा तिनीहरूको कुशलता बेकार भयो।
²⁸तिनीहरू सङ्कटहरूले घेरिए, यसैकारण तिनीहरूले परमेश्वरलाई गुहार मागे।
    अनि उहाँले ती सङ्कटहरूबाट तिनीहरूलाई बँचाउनु भयो।
²⁹परमेश्वरले समुद्र तूफानलाई रोक्नु भयो।
    अनि छालहरूलाई शान्त पार्नुभयो।
³⁰माझीहरू खुशी भए किनभने समुद्र शान्त थियो।
    अनि परमेश्वरले तिनीहरू जहाँ जान चाहन्थे त्यहाँ जोगाएर लैजानु भयो।
³¹उहाँको प्रेम र मानिसहरूको लागि उहाँले सृजना गर्नु भएको
    आश्चर्यकामहरूको निम्ति परमप्रभुलाई धन्यवाद देऊ।
³²महासभामा परमेश्वरको प्रशंसा गर।
    बूढा-प्रधानहरू सँगै भेला भएको बेला उहाँको प्रशंसा गर।

अय्यूब 37:1-13

37 “चट्याङ् र आँधिबेहरीले मलाई भयभीत पार्छ,
    छातीभित्र मुटु ढुक-ढुक गर्छ।
²सबैले सुन! परमेश्वरको आवाज चट्याङ् जस्तो सुनिन्छ।
    परमेश्वरको मुखबाट आउने मेघ गर्जन सुन।
³परमेश्वरले आकाशको वारपार आफ्नो बिजुली चम्काउनु हुन्छ
    अनि यसले सम्पूर्ण पृथ्वी नै चम्काउँछ।
⁴बिजुली चम्केपछि परमेश्वरको गर्जन आवाज सुन्न सकिन्छ।
    परमेश्वर अद्भूत आवाजले गर्जनु हुन्छ।
जब बिजुली चम्कन्छ परमेश्वरको आवाज गर्जन्छ।
⁵परमेश्वरको गर्जन आवाज चमत्कारमय हुन्छ।
    उहाँले महान कर्महरू गर्नु हुन्छ जुन हामी बुझ्न सक्तैनौं।
⁶परमेश्वरले हिंऊलाई भन्नुहुन्छ,
    ‘पृथ्वीमा झर’
अनि परमेश्वरले बर्षालाई भन्नु हुन्छ,
    ‘पृथ्वीमाथि खनिईं।’
⁷परमेश्वरले सृष्टी गर्नु भएका सबै मानिसहरूले,
उहाँले के गर्नु सक्नु हुन्छ थाहा गरून् भनी उहाँले
    त्यसो गर्नु हुन्छ, त्यो उहाँको प्रमाण हो।
⁸जनावरहरू आ-आफ्ना ओडारतिर भाग्छन् अनि त्यहाँ बस्छन्।
⁹भुँवरी दक्षिणबाट चल्छ।
    चिसो हावा उत्तरबाट आउँछ।
¹⁰परमेश्वरको स्वासले वरफ बनाउँछ,
    अनि समुद्रहरू जमाउँछ।
¹¹परमेश्वरले बादलमा पानी भर्नुहुन्छ,
    अनि गर्जने मेघ फैलाउनु हुन्छ।
¹²परमेश्वरले बादललाई पृथ्वी वरिपरि बहन आदेश दिनुहुन्छ।
    बादलहरूले परमेश्वरकै आज्ञा अनुसार काम गर्दछ।
¹³बाढी ल्याई मानिसहरूलाई सजाय दिन
    अथवा पानी बर्षाई तिनीहरूमाथि प्रेम दर्शाउन परमेश्वरले बादल ल्याउनु हुन्छ।

लूका 21:25-28

नडराऊ

(मत्ती 24:29-31; मर्कूस 13:24-27)

²⁵“सूर्य, चन्द्र र ताराहरूमा पनि आश्चर्य घट्नाहरू घट्नेछन्। अनि पृथ्वीमा सबै जाति-जातिहरू सङ्कटमा पर्नेछन्। सागरका गर्जन र उर्लेका झोक्काहरूले तिनीहरूलाई अत्तालाउनेछन्। ²⁶मानिसहरू भयभित हुनेछन्। संसारमा के हुने हो भनी चिन्ताले तिनीहरू आतङ्कित हुनेछन्। आकाशको शक्तिहरू हल्लाइनेछन्। ²⁷तब मानिसको पुत्रलाई शक्ति र महा महिमासँग बादल माथि आउँदै गरेको देखिनेछ। ²⁸जब यी सब चीजहरू शुरू हुनथाल्छ, नडारउनु। माथितिर हेर, अनि खुशी बन। किनभने जति बेला परमेश्वरले तिमीहरूलाई मुक्ति दिनु हुन्छ, त्यो समय नजीक छ।”

Nepali Bible: Easy-to-Read Version (ERV-NE)