Revised Common Lectionary (Complementary)
दाऊदको मिक्ताम भन्ने भजन।
16 हे परमेश्वर, मेरो रक्षा गर्नुहोस्, किनभने म तपाईं माथि नै आश्रित छु।
2 मैले परमप्रभुलाई भने,
“हे परमप्रभु, तपाईं मेरो स्वामी हुनुहुन्छ,
प्रत्येक असल कुराहरू मैले तपाईंबाट पाएँ।”
3 परमप्रभुले आफ्ना भक्तजनहरूका लागि पृथ्वीमा
अनेक आश्यर्यपूर्ण कामहरू गर्नुभयो।
परमप्रभुले आफ्नो स्नेहपूर्ण करूणा तिनीहरूलाई देखाउनु भयो।
4 तर जसले परमेश्वरलाई त्यागे र अन्य देवताहरू पुज्न थाले तिनीहरूले कष्ट पाउने छन्।
तिनीहरूले मूर्तिहरूमा चढाएको रक्तबलिमा म सहभागी हुने छैन।
म ती मूर्तिहरूको नाउँ समेत लिने छुइनँ।
5 मेरो हिस्सा र मेरो कचौरा परमप्रभुबाट नै कपादान हुन्छ।
हे परमप्रभु, तपाईं मेरो सहारा हुनुहुन्छ,
तपाईंले मेरो भाग प्रदान गर्नुहुन्छ।
6 मेरो भाग आश्चर्यपूर्ण छ,
मेरो उत्तराधिकार अति सुन्दर छ।
7 म परमप्रभुको प्रशंसा गर्छु, किनभने उहाँले मलाई असल कुरा सिकाउनु भएको छ।
राती पनि, मलाई आन्तरिक अर्ती दिनुहुन्छ।
8 परमप्रभुलाई मैले सधैँ
आफू समक्ष राखेको छु
र म उहाँको दाहिने तिरबाट कहिल्यै सर्ने छुइनँ।
9 मेरो हृदय र आत्मा यसैले आनन्दित हुनेछ।
अनि मेरो शरीर पनि सुरक्षित रहनेछ।
10 किनभने परमप्रभु, तपाईंले मलाई चिहानमा[a] छोड्नु हुनेछैन।
तपाईंले आफ्नो आज्ञाकारी भक्तजनलाई चिहानमा त्यसै कुहुन दिनुहुने छैन।
11 तपाईं मलाई बाँच्ने सही बाटो सिकाउनु हुनेछ।
तपाईंसँग हुँदा सम्पूर्ण खुशी प्राप्त हुनेछ।
तपाईको दाहिनेपट्टि हुँदा सघैं खुशी प्राप्त हुनेछ।
यरूशलेका स्त्रीहरूले उत्तर दिन्छन्
9 स्त्रीहरूमा तिमी अति सुन्दरी छौ,
तिम्रा प्रेमी र अन्य प्रेमीहरूमा के भिन्नता छ?
के तिम्रा प्रेमी अरूका प्रेमीहरू भन्दा उत्तम छन्?
के यसैकारण तिमी हामीबाट वचन लिन चाहान्छौ कि,
तिम्रा प्रेमी अरूका प्रेमीहरू भन्दा सुन्दर छन्?
तिनले यरूशलेमका स्त्रीहरूलाई उत्तर दिन्छिन्
10 दश हजार मानिसहरूको बीचमा पनि
मेरा प्रेमी उज्जवल र तन्दुरूस्त देखिन्छन्।
11 उहाँको शीर शुद्ध सुन जस्तै छ,
उहाँको घुँघुरिएको कालो काग जस्तै केश छ।
12 उहाँका आँखाहरू खोलाको किनारमा बसिरहेका ढुक्कुर जस्ता छन्,
उहाँका आँखाहरू दूधमा डुबेका
ढुक्कुरहरू जस्ता छन्।
13 उहाँका गाला सुगन्धित मसलाको बगैंचा झैं,
सुगन्धको लागि प्रयोग गरिएका फूलहरू जस्तो छ।
उहाँका ओठहरू सुगन्धित रस चुहिरहने,
लिली फूलहरू जस्ता छन्।
14 उहाँका पाखुराहरू ढुङ्गा जडित
सुनका डन्डाहरू जस्ता छन्,
उहाँको शरीर नीलम जडित
हात्तिको चिल्लो दाँत जस्तो छ।
15 उहाँका पाऊहरू शुद्ध सुनमा राखिएका
सङ्गमरमर जस्ता छन्।
उहाँ लेबनोनमा हुने राम्रो उद्भिद्
अग्लो देवदारू वृक्ष झैं देखिनु हुन्छ।
16 हो, यरूशलेमका स्त्रीहरू!
उहाँको मुख अधिक मिठास पूर्ण छ।
मेरा प्रेमी अत्यन्तै कामनीय हुनुहुन्छ।
मेरा प्रियतम, मेरा साथी यस्तो हुनुहुन्छ।
यरूशलेमका स्त्रीहरू ऊ सित बोल्छन्
6 हे सुन्दरी स्त्री,
भन तिम्रा प्रेमी कहाँ गएका छन्?
भन तिनी कुन बाटो गएका छन्?
ताकि हामी उहाँको खोजीगर्न तिमीलाई सहायता गर्न सकौं।
यरूशलेमका स्त्रीहरूलाई तिनी उत्तर दिन्छिन्
2 मेरो प्रेमी आफ्नो बगैंचामा जानुभएको छ।
उहाँ बगैंचालाई हेर्न
र त्यहाँबाट लिलीहरू
बटुल्न जानु भएको छ।
3 म मेरा प्रेमीकी हुँ र उहाँ मेरो प्रेमी हुनुहुन्छ।
उहाँ लिली फूलको बगैंचामा डुल्नु हुन्छ।
ख्रीष्टको बारेमा सुसमाचार
15 अब दाज्यू-भाइ, दिदी-बहिनीहरू, मैले तिमीहरूलाई जुन सुसमाचर भनें त्यसको सम्झना गराउन चाहन्छु। तिमीहरूले त्यो सुसमाचार पायौ र तिमीहरू त्यसमा दरिलो बनिएका छौ। 2 सुमाचारको कारणले तिमीहरू बचाइयौ। तर मैले यो प्रचार गरेको तरिकाको विश्वासमा अडीक बस। नत्र तिमीहरूको विश्वास व्यर्थको विश्वास हो।
3 मैले पाएकै समाचार तिमीहरूलाई दिएँ। मैले खुबै महत्वपूर्ण कुरो तिमीहरूलाई दिएँ कि हाम्रो पापहरूको निम्ति ख्रीष्टको मृत्यु भयो, जस्तो धर्म शास्त्रे भन्छः 4 कि ख्रीष्ट गाडिए अनि तीन दिन पछि बौरिए, जस्तो धर्मशास्त्रले भन्छ; 5 अनि पत्रुसकहाँ र पछि बाह्र जना प्रेरितहरकहाँ एउटै समयमा ख्रीष्ट देखा पर्नुभयो। 6 त्यसपछि पाचँ सय भन्दा बेशी भाइहरूकहाँ ख्रीष्ट एकैचोटि देखा पर्नु भयो। कतिपय दाज्यू-भाइहरू आज सम्म जीवित छन् त कोही मरिसके। 7 अनि ख्रीष्ट याकूबकहाँ देखा पर्नुभयो र केही पछि सबै प्रेरितहरूकहाँ देखा पर्नुभयो। 8 सबैभन्दा पछि ख्रीष्ट मकहाँ देखा पर्नु भयो। म स्वभाविक समय भन्दा पहिल्यै जन्मेको बालक जस्तो थिए।
9 जम्मै प्रेरितहरू मभन्दा ठूला छन् किनभने मैले परमेश्वरको मण्डलीको खेदो गरें। त्यसैले म चेला कहलाइनु पनि लायकको छैन। 10 तर म जे छु, परमेश्वरको अनुग्रहले छु। अनि उहाँले मलाई दिनुभएको अनुग्रह व्यर्थमा गएन। मैले अरू सबै प्रेरितहरूले भन्दा धेरै कठिन काम गरें। वास्तवमा काम गर्ने म होइन तर त्यो मसीत भएको परमेश्वरको अनुग्रह हो। 11 यसर्थ मैले प्रचार गरेको अरू प्रेरितहरूले तिमीहरूलाई प्रचार गरेको यो कुनै महत्वपूर्ण कुरो होइन। तर हामी त्यही प्रचार गर्दछौं, जुन तिमीहरूले विश्वास गरेकाछौ।
© 2004, 2010 Bible League International