Revised Common Lectionary (Complementary)
दाऊदको भजन।
144 परमप्रभुको प्रशंसा गर,
परमप्रभु मेरो चट्टान हुनुहुन्छ।
परमप्रभुले मलाई युद्धको लागि प्रशिक्षण दिनु हुन्छ।
उहाँले मलाई युद्ध भूमिको निम्ति तयार पार्नुभयो।
2 परमप्रभुले मलाई प्रेम गर्नुहुन्छ र मेरो रक्षा गर्नुहुन्छ।
परमप्रभु नै त्यो उच्च पर्वतमा मेरो सुरक्षाको जग्गा हुनुहुन्छ।
परमप्रभुले मलाई मुक्ति दिनुहुन्छ।
परमप्रभु मेरो ढाल हुनुहुन्छ।
म उहाँमा भरोसा राख्दछु,
परमप्रभुले मलाई आफ्ना मानिसहरूमाथि राज्य गर्न सघाउनु हुन्छ।
3 हे परमप्रभु, मानिसहरू तपाईंको लागि किन मुख्यछन्?
किन तपाईं मानव जातिलाई नियाल्नुहुन्छ?
4 मानिसको जीवन हावाको झोंका मात्र हो।
मानिसको जीवन अस्थायी छाँयाँ जस्तो मात्र हो।
5 हे परमप्रभु, आकाश च्यातेर तपाईं तलतिर झर्नुहोस्
पर्वतहरूमा छुनुहोस् र धूवाँ त्यहाँबाट उठ्ने छ।
6 परमप्रभु, चट्याङ्ग पठाउनु होस् र मेरो शत्रुहरूलाई भगाउनु होस्।
तपाईंका “काँडहरू” चलाउनु होस् र तिनीहरूलाई खेद्नुहोस्।
7 परमप्रभु, आकाशबाट तल झरेर मलाई बचाउनु होस्।
मलाई शत्रुहरूका समुद्रमा डुब्नबाट बचाउनु होस्।
मलाई ती परदेशीहरूबाट बचाउनु होस्।
8 ती शत्रुहरू झूटाहरू हुन्।
तिनीहरूले जे कुरा गर्छन् तिनीहरू सत्य छैनन्।
9 हे परमप्रभु, तपाईंले गर्नु भएका आश्चर्यजनक,
कुराहरूका बारेमा म एक नयाँ गीत गाउने छु।
म तपाईंको स्तुति-गान गर्नेछु अनि दशतारे वीणा बजाउने छु।
10 परमप्रभुले नै राजाहरूलाई युद्ध जित्नलाई सघाउनु भयो।
परमप्रभुले आफ्ना दास दाऊदलाई शत्रुहरूका तरवारहरूबाट बचाउनु भयो।
11 मलाई ती विदेशीहरूबाट बचाउनु होस्।
ती शत्रुहरू झूटा छन्।
तिनीहरूले भनेका कुराहरू असत्य छन्।
12 हाम्रा जवान छोराहरू बलिया रूखहरू जस्ता छन्।
हाम्रा छोरीहरू राजाको दरबारमा सजिएको सजावट जस्ता छन्।
13 हाम्रो भण्डारहरू बिभिन्न प्रकारका अन्नहरूले भरिएका छन्।
हाम्रा भेंडाहरूले प्रसस्त पाठाहरू जन्माउँछन्।
त्यहाँ हाम्रो खेतहरूमा हजारौं-हजार भेंडाहरू होस्।
14 हाम्रा गाईहरूले प्रशस्तै बाछा-बाछीहरू पाउनेछन्।
हाम्रा शत्रुहरूले हाम्रा पर्खाल भत्काउन सक्ने छैनन्,
र हाम्रा एक जना मानिस पनि लानपाउने छैनन्।
हाम्रा गल्लीहरूमा रूवा़-बासी हुनेछैन।
15 साँच्चो आशिष पाउनु कति असल कुरा हो।
यदि परमप्रभु नै उनीहरूको परमेश्वर हुनुहुन्छ भने,
ती मानिसहरू आशिषित हुन्छन्।
यरूशलेमका स्त्रीहरू बोल्छन्
5 ती स्त्री को हुन्?
जो आफ्नो प्रेमीसित अढेसिएर मरुभूमिबाट आउँदै छिन्।
तिनले उसलाई भन्छिन्
मैले तपाईंलाई स्याऊको बोट मुनि जगाएँ,
जहाँ तपाईंकी आमाले तपाईंलाई गर्भधारण गरेकी थिईन्,
जहाँ तपाईंको जन्म भएको थियो।
6 मलाई तपाईंको हृदयमा छाप लगाउँनु होस्,
यदि म एउटा औंठी जस्तै भएर तपाईंको हातमा रहन्छु,
प्रेम मृत्यु जस्तै प्रबल हुन्छ,
अनि तृष्णा चाहिँ चिहान जस्तै शक्तिशाली हुन्छ,
कुनै ज्वालाभन्दा पनि कडा,
त्यो दन्केको आगो झैं दन्किन्छ।
7 के कसैले आफ्नो प्रेमका निम्ति,
आफ्नोमा भएको प्रत्येक चीज दिन्छ भने
ऊ उपेक्षित हुन्छ र?[a]
तिनका दाज्यू-भाइहरू बोल्छन्
8 हाम्री सानी बहिनी छ
अनि जसको स्तन विकाश भएकै छैन,
यदि कसैले तिनलाई विवाह गर्न खोजे,
हामीले बहिनीको लागि के गर्नु पर्ने?
9 यदि तिनी पर्खाल हुँदी हुन त,
तिनको वरिपरी चाँदी मोरेर चिटिक्क पार्ने थियौं,
यदि तिनी ढोका हुँदी हो त,
हामीले देवदारूको फल्याकले वरिपरी बार्ने थियौं।
तिनले आफ्ना दाज्यूहरूलाई उत्तर दिन्छिन्
10 म एउटा पर्खाल हुँ,
मेरा स्तनहरू धरहराहरू जस्तै छन्।
म उसको निम्ति एउटा सुरक्षाको अनुभव गर्ने भएकी छु।
उनी भन्छन्
11 बाल-हमनमा सुलेमानको एउटा दाखको बगैंचा थियो,
तिनले आफ्नो बगैंचा रखवालहरू दिए,
र प्रत्येक रखवालले
1,000 चाँदीको शेकेल बराबरको दाख ल्याउनु पर्थ्ये।
12 सुलेमान! तिमी आफ्नो 1,000 शेकेल राख्न सक्छौ।
उसले तिम्रोलागि ल्याएको दाखको सट्टामा!
प्रत्येक रखवालालाई 200 शेकेल देऊ,
तर म मेरो आफ्नै दाखबारीको दाख राख्छु।
मेरो अघिको यो दाखबारी मेरो आफ्नै हो।
उनी स्त्रीलाई भन्छन्
13 बगैंचामा तिमी नै बस,
साथीहरूले तिम्रो आवाज सुनिरहेका छन्,
तिमी मलाई पनि सुन्न देऊ।
तिनी ऊसित बोल्छिन्
14 हे प्रियतम, चाँडो गर्नु होस्।
अब सुगन्धित मसालाको पर्वतमा तपाईं हरिण,
अथवा मृगका पाठा जस्तै हुनु होस्।
यहूदी अगुवाहरूले येशूलाई मार्ने योजना गरे
(मत्ती 26:1-5; मर्कूस 14:1-2; लूका 22:1-2)
45 मरियमलाई हेर्नु भनी त्यहाँ धेरै यहूदीहरू आए। तिनीहरूले येशूले गर्नु भएका अचम्मको काम देखे। अनि ती मध्ये धेरै यहूदीहरूले येशूमा विश्वास गरे। 46 तर कोही यहूदीहरू फरिसीहरू भएकाहाँ गए। येशूले गर्नुभएको कुरा फरिसीहरूलाई बताइदिए। 47 तब मुख्य पूजाहारीहरू र फरिसीहरूले यहूदी परिषद्को सभा डाके। तिनीहरूले भने, “हामीले के गर्नु पर्ने? यो मानिसले धेरै चमत्कारहरू गरिरहेछ। 48 यदि हामीले उनलाई त्यस्तो गर्न दिइरह्यौं भने सबै मानिसहरूले ऊमाथि विश्वास गर्नेछन्। तब रोमीहरू आउनेछन् र हाम्रा मन्दिर अनि जाति लानेछन्।”
49 तिनीहरूमध्ये कयाफा भन्ने एकजना मानिस थिए। उनी त्यस वर्षको प्रधान पूजाहारी थिए। कयाफाले भने, “तिमीहरू केही पनि जान्दैनौ। 50 सम्पूर्ण जाति ध्वंश हुनु भन्दा मानिसहरूका निम्ति एक जना मर्नु उत्तम हो। तर तिमीहरू यो बुझ्दैनौ।”
51 कयाफाले जे भने त्यो तिनले आफ्नै भनेनन्। त्यस वर्षको उनी प्रधान पूजाहारी थिए। यसर्थ ऊ वास्तवमा आगमवाणी गर्दै थिए कि येशू यहूदी मानिसहरूका निम्ति मर्नु हुनेछ। 52 तर, येशू यहूदी मानिसहरूका निम्ति मर्नेछन्। तर येशू उहाँ ती छिरिएकाहरूलाई एक बनाउनका लागि मर्नुहुनेछ।
53 त्यस दिन यहूदी अगुवाहरूले येशूलाई मार्ने योजना शुरू गरेका थिए। 54 यसैले खुल्ला भएर येशू यहूदीहरूका माझमा हिँड्न बन्द गर्नुभयो। येशू यरूशलेम छोडेर मरूभूमि छेउकै स्थानमा जानु भयो। उहाँ इफ्राइम भन्ने शहरमा जानु भयो। येशू आफ्ना चेलाहरूसँग त्यहाँ बस्नु भयो।
55 त्यसबेला यहूदीहरूको निस्तार चाडको समय नजीक आइरहेको थियो। धेरै मानिसहरू यो चाड अगाडि नै यरूशलेम तर्फ लागे। तिनीहरू केही विशेष चीज बनाउन गए आफैंलाई शुद्ध पार्नलाई। 56 मानिसहरूले येशूलाई खोजे। तिनीहरू मन्दिरको क्षेत्रमा उभिए अनि परस्परमा सोधपुछ गरे, “तिमीहरू के भन्छौ? के उहाँ निस्तार चाडमा आउनु हुने छैन?” 57 तर येशूको विषयमा मुख्य पूजाहारीहरू र फरिसीहरूले विशेष आज्ञा दिएका थिए। तिनीहरूले भने कि यदि कसैले येशू कहाँ थियो भनेर थाहा पायो भने त्यस मानिसले तिनीहरूलाई भन्नै पर्छ, ताकि तिनीहरूले पक्रन सकुन्।
© 2004, 2010 Bible League International