◀ All Reading Plans / Revised Common Lectionary (Complementary) / Jeremiah 15:15-21 (God fortifies the prophet); Psalm 26:1-8 (Your love is before my eyes); Romans 12:9-21 (Live in harmony); Matthew 16:21-28 (The rebuke to Peter) (Nepali Bible: Easy-to-Read Version)

Prev Day

August 31, 1969

Next Day

Use the calendar to view readings from this devotional.

August 1969
Su	Mo	Tu	We	Th	Fr	Sa
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Return to today's reading

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.

Duration: 1245 days

यर्मिया 15:15-21

¹⁵हे परमप्रभु! मलाई सम्झना गर्नुहोस्
    र मेरो हेरचाह गर्नुहोस्।
मेरा निम्ति ती मानिसहरू विरूद्ध बद्ला लिनुहोस्
    ज-जसले मेरो खेदो गर्छन्।
तिनीहरूसित धैर्य-धारण नगर्नु होस्।
    जब तपाईं उनीहरूसित धर्य धारण गरिरहनु भएको छ भने
मलाई नलानु होस्।
    हे परमप्रभु याद गर्नु होस् मैले तपाईंका निम्ति कति लाज बोक्नु पर्यो?
¹⁶तपाईंको सन्देश मकहाँ आयो।
    हे सेनाहरूका परमप्रभु
तपाईंको सन्देशले मलाई अत्यन्त आनन्द तुल्यायो।
    तपाईंको नाउँमा मलाई बोलाइँदा म खुशी भएँ।
¹⁷जब तिनीहरू हाँसीरहेका अनि ठट्टा गरिरहेका थिए
    म कहिल्यै भीडमा बसिन।
म एक्लै बसें कारण तपाईंको दैविक हात ममाथि थियो
    अनि तपाईंले म भित्र क्रोध भरिदिनु भएको थियो।
¹⁸किन मलाई कष्ट भइरहन्छ?
    मेरो घाउ गहिरो छ
जुन निको हुनलाई गाह्रो मानिरहेको छ?
    मेरा निम्ति तपाईं सुकेको खोल्सा हुनुहुन्छ,
    एउटा खोल्सा जसमाथि भरोसा नै छैन।

¹⁹तब परमप्रभुले भन्नुभयो, “यर्मिया, यदि तिमी फर्कियौ भने,
    म तिमीलाई लिनेछु र तिमीले मेरो सेवा गर्नेछौ।
यदि तिमीले महत्वपूर्ण कुराहरू गर्यौ,
    अनि महत्वहीन शब्दहरू बोलेनौ भने,
तिमी मेरा प्रवक्ता हुन सक्छौ।
    यर्मिया! यहूदाका मानिसहरू बद्लिनु पर्छ
अनि तिमीकहाँ आउँनु पर्छ
    तर तिमी तिनीहरूकहाँ जानु हुँदैन।
²⁰म तिमीलाई बलियो बनाउनेछु
    र ती मानिसहरूले तिमीहरूलाई
    काँसाको पर्खाल जस्तै बलियो सम्झनेछन्।
यहूदाका मानिसहरू तिमीसित लडनेछन्।
    तर तिनीहरूले तिमीलाई परास्त गर्नु सक्तैनन
कारण म तिमीसित रहनेछु,
    म तिमीलाई सहायता गर्नेछु र बचाउँनेछु।”

परमप्रभु भन्नुहुन्छ।
²¹“म तिमीलाई दुष्ट मानिसहरूबाट जोगाउने छु।
ती मानिसहरूले तिमीलाई डर देखाउँछन् तर म तिमीलाई ती मानिसहरूबाट मुक्त पारेर ल्याउनेछु।”

भजनसंग्रह 26:1-8

दाऊदको भजन।

26 हे परमप्रभु मेरो न्याय गर्नुहोस्।
म चोखो भएर बाँचेको छु भनेर प्रमाणित गर्नुहोस्।
    म परमप्रभुमा भरोसा गर्न कहिल्यै चुकेको छैन।
²हे परमप्रभु प्रयास गरेर मलाई जाँच गर्नुहोस्।
    मेरो मन र हृदय जाँच्न नियालेर हेर्नुहोस्।
³मैले तपाईंको साँच्चो प्रेम कहिल्यै बिर्सिएको छैन,
    अनि तपाईंको विश्वासले मेरो सारा जीवनलाई डोर्याइरहेको छ।
⁴म ती व्यर्थका मानिसहरू मध्येको होइनँ।
    म दुष्टहरूका संगतलाई घृणा गर्छु।
⁵म ती कुकर्मीहरूको समुदायलाई घृणा गर्छु।
    म ती ठग धूर्तहरूको समुदायहरूमा सामेल छैनँ।

⁶हे परमप्रभु, म चोखो छु भनेर देखाउनलाई मेरो हातहरू धोई दिनुहोस्,
    म तपाईंको वेदीको वरिपरि हिँड्न सकुँ।
⁷हे परमप्रभु, म तपाईंको महिमाको गीत गाउँछु।
    म ती अद्भूत सृजनाहरूका गीत गाउँछु जुन सबै तपाईंले सृष्टि गर्नुभयो।
⁸हे परमप्रभु म तपाईंको मन्दिरलाई प्रेम गर्दछु।
    म तपाईंको महिमापूर्ण पाललाई प्रेम गर्दछु।

रोमी 12:9-21

⁹तिमीहरूको प्रेम शूद्ध हुनुपर्छ। ती कुराहरूलाई घृणा गर जुन कुरामा दुष्ट्याइँ छ। असल कुराहरू मात्र गर। ¹⁰एका-अर्कामा दाज्यू-भाइ, दिदी-बहिनीहरूलाई जस्तो प्रेम गर। तिमी आफूलाई जस्तो चाहन्छौ आफ्ना दाज्यू-भाइ, दिदी-बहिनीहरूलाई त्यो भन्दा अझ बढता सम्मान देऊ। ¹¹परमप्रभुको काममा अल्छी नहोऊ। आत्मिक रूपले इर्ष्यालु भएर उहाँको सेवा गर। ¹²खुशी होऊ किनभने तिमीहरूसँग आशा छ। दुःखमा धैर्य धारण गर। सधैँ प्रार्थना गर। ¹³परमेश्वरका मानिसहरूले सहायता खोजेको देखे आफूमा भएको कुरो बाँड र सहायता देऊ। अनि मानिसहरूलाई आफ्नो घरमा स्वागत गर।

¹⁴ती जसले तिमीहरूलाई नराम्रो गर्छ उसित मीठो वचन बोल। तर तिनीहरूलाई नसराप। ¹⁵जब अरूहरू खुशी हुँदछन् तिमी पनि तिनीहरूसँगै खुशी हुनुपर्छ। अनि जब अरूहरू रून्छन् तिमीपनि तिनीहरूसँग रोऊ। ¹⁶परस्परमा शान्तिपूर्वक मिलेर बस। अंहकार नगर। निम्न पदका मानिसहरूसित मित्रता राख। अभिमानी नहोऊ।

¹⁷यदि तिमीलाई कसैले चोट पुर्याँउछ भने तिमीले त्यसको बद्ला नलेऊ। सबै मानिसलाई राम्रो गर्ने प्रयास गर। ¹⁸सबैसँग शान्तिसित बस्ने चेष्टा गर। ¹⁹हे मेरा मित्रहरू, तिमीहरूलाई नराम्रो गर्नेलाई दण्ड दिने कोशिश नगर। परमेश्वरलाई पर्ख, उहाँले क्रोधको बेलामा तिनीहरूलाई दण्ड दिनुहुनेछ। धर्मशास्त्रमा परमप्रभु भन्नुहुन्छ,

“दण्ड़ दिने काम मेरो हो,
म साटो फेर्ने छु।”^(A)

²⁰यसर्थ तिमीहरूले यसो गर्नुः

“यदि तिम्रो शत्रु भोको छ भने,
उसलाई खुवाऊ।
यदि तिम्रो शत्रु प्यासा छ भने,
उसलाई पानी देऊ।
यसप्रकारले तिमीले ती मानिसहरूलाई लज्जित पार्नेछौ।”^(B)

²¹दुष्टले तिमीलाई नजितोस्, तर भलाईले दुष्टलाई जित।

मत्ती 16:21-28

आफूले मर्नुपर्छ भनी येशू बताउनहुन्छ

(मर्कूस 8:31–9:1; लूका 9:22-27)

²¹त्यसै बेलादेखि येशूले आफ्ना चेलाहरूलाई आफू यरूशलेम जान पर्नेछ भनेर प्रष्ट पार्न थाल्नुभयो। अनि यहूदीहरूका अग्रज प्रमुखहरू, मुख्य पूजाहारीहरू अनि व्यवस्थाका शास्त्रीहरूले उहाँलाई धेरै यातना दिनेछन्। येशूले आफ्ना चेलाहरूलाई भन्नुभयो कि उहाँलाई मारिनु नै पर्नेछ। अनि उहाँ तेस्रो दिनमा मृत्युबाट बौरी उठ्नु हुनेछ।

²²येशूलाई एक्लै एकातिर लगेर टिका टिप्पणी गर्न लागे। पत्रुसले भने, “परमेश्वरले तपाईंलाई यस्ता कुराबाट बचाउँनु हुनेछ, हे परमप्रभु तपाईं माथि यस्ता कुराहरू आउने छैनन्।”

²³तब येशूले पत्रुसतिर फर्केर भन्नुभयो, “तिमी म देखि टाढो जाऊ, शैतान! मेरो पक्षमा छैनौ। परमेश्वरले सोच्नु भएको जस्तो तिमीले सोच्दैनौ। तिमी मानिसहरूले सोचे जस्तैसोच्छौ।”

²⁴त्यसपछि येशूले आफ्ना चेलाहरूलाई भन्नुभयो, “यदि कसैले मलाई पछ्याउन चाहान्छ भने उसले आफूलाई चाहिएको चीजहरू प्रति अस्वीकार गर्नु पर्छ। उसलाई प्रदान गरीएको क्रूस उसले स्वीकार गर्नै पर्छ अनि त्यसपछि मलाई उसले पछ्याउनु पर्छ। ²⁵जसले आफ्नो जीवन बचाउन चाहन्छ उसले त्यो गुमाउँछ अनि जसले मेरो निम्ति जीवन गुमाउँछ उसले यसको रक्षागर्छ। ²⁶यदि कुनै मानिसले सबै संसार हात पर्छ तर आफ्नै जीवन गुमाउँछ भने उसलाई के लाभ हुन्छ? आफ्नो जीवन प्राप्त गर्नलाई कुनै मानिसले के दिनसक्छ? ²⁷आफ्ना पिताको महिमासित मानिसको पुत्र आफ्ना दूतहरूसँग आउनेछ। त्यसबेला मानिसका पुत्रले प्रत्येकलाई आफ्नो कामको निम्ति इनामहरू दिनेछ। ²⁸तिमीहरूलाइ साँच्चो भन्दछु। कोही मानिस जो यहाँ उभिरहेको छ, त्यसले आफ्नो मृत्यु हुनु भन्दा अघि मानिसका पुत्रको राज्य आएको देख्नेछन्।”

Nepali Bible: Easy-to-Read Version (ERV-NE)