◀ All Reading Plans / Revised Common Lectionary (Complementary) / Psalm 40:1-8 (God’s will not sacrifice); Hosea 14:1-9 (God will be merciful to Israel); Matthew 12:1-8 (Mercy not sacrifice) (Nepali Bible: Easy-to-Read Version)

Prev Day

June 11, 1969

Next Day

Use the calendar to view readings from this devotional.

June 1969
Su	Mo	Tu	We	Th	Fr	Sa
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Return to today's reading

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.

Duration: 1245 days

भजनसंग्रह 40:1-8

प्रमुख संगीतकारलाई: दाऊदको भजन।

40 मैले परमप्रभुलाई बोलाएँ, र उहाँले मलाई उत्तर दिनुभयो।
    उहाँले मेरा विलापहरू सुन्नुभयो।
²परमप्रभुले मलाई चिहानबाट माथि उठाउनु भयो।
    उहाँले मलाई हिलै-हिलो भएको ठाउँबाट उठाउनु भयो।
उहाँले मलाई उठाउनु भयो, भूइँमा राख्नु भयो
    अनि चिप्लीनदेखि मेरा खुट्टा सम्हाली दिनुभयो।
³परमप्रभुले मेरो ओठमा नयाँ गीत दिनु भयो, “परमेश्वरको लागि स्तुति-गान गर।”
    धेरै मानिसहरूले ममाथि के हुन लागिरहेछ भनेर हेर्नेछन्,
अनि तिनीहरूले परमेश्वरको उपासना गर्नेछन्।
    तिनीहरूले परमप्रभुमा भरोसा गर्नेछन्।
⁴त्यो मानिस जसले परमप्रभुमाथि भरोसा गर्छ, साँच्चै धन्य हुनेछ।
    यदि कुनै मानिसले कसैलाई आफ्नो भूलहरू र झूटो देवताहरूतर्फ लाँदैन भने त्यो मानिस साँच्चै नै धन्य हुनेछ।
⁵हे परमप्रभु, हाम्रा परमेश्वर, तपाईंले आश्चर्यजनक कामहरू गर्नुभएको छ!
    तपाईंसँग हाम्रो लागि अद्भूत प्रकारका योजनाहरू छन्।
कसैले पनि त्यस्तो सूची बनाउन सकेनन्!
    म घरि-घरि ती कुराहरू भन्छु जुन कुराहरू अनगन्ती छन्।

⁶परमप्रभु, तपाईंले मेरो निम्ति कुराहरू बुझाउनु भयोः
    तपाईं प्राणीका बलिहरू र अन्नको अर्पणहरू चाहनु हुन्न।
    तपाईं होमबलि र पापबलिहरू चाहनु हुन्न।
⁷यसैले मैले भनें, “म यहाँ छु! म त्यो काम गर्न तयारछु,
    जुनकाम मैले गर्नु पर्छ भनि यो पुस्तकमा लेखिएको छ।
⁸हे मेरो परमेश्वर, तपाईं जे चाहनु हुन्छ म त्यही अनुरूप गर्दछु।
    म तपाईंको व्यवस्था जान्दछु।

होशे 14

परमप्रभुतिर फर्क

14 हे इस्राएल! तिम्रो पापले तिमीलाई धर्मराउने बनाएकोछ। यसैकारण अब परमप्रभु आफ्नो परमेश्वर तिर फर्केर आऊ। ²जुन कुरा तिमीले भन्नुछ, त्यसको विषयमा सोंच, अनि परमप्रभु तिर फर्केर आऊ, उहाँलाई भन,

“हाम्रा सबै पापहरू टाढा गरेर,
    जे कुरा राम्रो छ त्यसलाई ग्रहण गर,
जुन हामीले भनिरहेकाछौ।
    हामी हाम्रो मुखले तपाईंको स्तुति गाउँछौं।
³अश्शूरले हामीलाई बँचाउन सक्तैंन।
    हामी घोडहरूमाथि सवार हुनेछैनौ।
न त हामी आफ्नो हातले बनाएको कुरालाई
    ‘हाम्रो परमेश्वर’ भन्नेछौं।
किनकि बिना आमा बाबुका सन्तानहरूप्रति दया गर्ने,
    केवल तपाईं मात्र हुनुहुन्छ।”

परमप्रभुले इस्राएललाई क्षमा गर्नुहुन्छ

⁴परमप्रभु भन्नुहुन्छ,
“उनीहरूले मलाई त्यागे।
    म उनीहरूलाई यसको निम्ति क्षमा दिन्छु।
म उनीहरूलाई मुक्त भावले प्रेम गर्नेछु।
    म अब उनीहरू प्रति क्रोधित हुनेछैन।
⁵म इस्राएलको निम्ति शीत झैं बन्नेछु।
    इस्राएल लिली फूल झैं फुल्नेछ।
    लबानोन झैं त्यसको जरा फैलनेछ।
⁶त्यसका हाँगाहरू भद्राक्षको रूख झैं हुनेछन्।
    त्यो सुन्दर हुनेछ।
त्यो त्यस सुगन्ध झैं हुनेछ
    जुन लबानोनको रूखको जराबाट आउँछ।
⁷इस्राएलका मानिसहरू फेरि मेरो संरक्षणमा हुनेछन्।
    तिनीहरू अन्न झैं बढ्नेछन्।
तिनीहरू अङ्गुरका लहरा झैं फल्ने र फूल्ने छन।
    अनि तिनीहरूको सुगन्ध लबानोनको दाखरस जस्तै हुनेछ।

परमप्रभुले इस्राएललाई मूर्तिको विषयमा चेतावनी दिनुभयो

⁸“हे एप्रैम मैले मूर्तिहरूसित गर्नुपर्ने बढी केही छैन।
    म नै एकजना हुँ जसले तिम्रो प्रार्थनाहरूको उत्तर दिन्छु।
म नै एकजना हुँ जसले माथिबाट तिम्रो रक्षा गर्छु।
    म सधैँ हरियो रहने सल्लाको रूख जस्तै हुँ।
    त्यसको फल मबाट नै आउँछ।”

अन्तिम सल्लाह

⁹यी कुराहरू ज्ञानी मानिसले बुझ्नु पर्छ।
    यो कुराहरू कुनै बुद्धिमान मानिसले जान्नु पर्छ।
परमप्रभुको बाटो ठीक छ।
    असल मानिसहरू तिनीहरूद्वारा बाँच्छन्।
    पापीहरू तिनीहरूद्वारा मर्छन्।

मत्ती 12:1-8

यहूदीहरूद्वारा येशूको आलोचना

(मर्कूस 2:23-28; लूका 6:1-5)

12 त्यो समय, येशू विश्रामको दिनमा अन्नका खेतहरूबाट जानुहुँदै थियो, येशूका चेलाहरू पनि उहाँसँगै थिए। तिनीहरू भोकाएका थिए। ती चेलाहरूले अन्नका बाला टिप्दै खान लागे। ²फसिहीहरूले यो देखेर। तिनीहरूले येशूलाई भने, “हेर्नुहोस्! तपाईंको चेलाहरू विश्रामको दिनमा गर्नु निषेध गरिएका कुरा गर्दैछन्।”

³उहाँले तिनीहरूलाई भन्नुभयो, “दाऊदले, आफैं र आफूसँगका मानिसहरू भोकाउँदा के गरेथे, के तिमीहरूले पढेका छैनौ? ⁴दाऊद परमेश्वरको घरमा गए। दाऊद र तिनका साथीहरूले परमेश्वरलाई चढाइएको रोटी खाए। दाऊद र तिनका साथीहरूले यसरी रोटी खानु नियमको विरुद्ध थियो। केवल पूजाहारीहरूलाई मात्र त्यस्तो रोटी खाने अनुमति थियो। ⁵अनि तिमीहरूले मोशाको व्यवस्थामा यो पनि निश्चयनै पढेको हुनुपर्छ कि कसरी प्रत्येक विश्रामको दिनमा पूजारीहरूले मन्दिरमा विश्राम अथवा विश्रामको नियम भङ्ग गर्छन्। तरै पनि पूजाहारीहरूलाई त्यस दोषको निम्ति दोषी ठानिन्दैन। ⁶म तिमीहरूलाई भन्दछु, ‘यहाँ मन्दिर भन्दा ठूलो’ केही छ। ⁷धर्मशास्त्रमा भनिएको छ, ‘म पशुहरूको बलिदान चाहन्न। म मानिसहरूमा दया चाहन्छु।’^(A) वास्तवमा तिमीहरू ती शब्दहरूका अर्थ के हो त्यो पनि जान्दैनौ। यदि ती शब्दहरूका अर्थ तिमीहरूले बुझ्यौ भने ती तिमीहरूले निर्दोषहरूलाई न्याय गर्ने थिएनौ।

⁸“मानिसको पुत्र विश्राम दिनको पनि प्रभु हो।”

Nepali Bible: Easy-to-Read Version (ERV-NE)