Revised Common Lectionary (Complementary)

31 हे परमप्रभु, म तपाईंमाथि आश्रित हुन्छु
    मलाई निराश नपार्नुहोस्।
    मप्रति कृपालु हुनुहोस् र मेरो रक्षा गर्नुहोस्।
²     हे परमेश्वर, मप्रति ध्यान दिनुहोस्।
    चाँडै आउँनु होस् अनि मलाई बचाउनु होस्।
मेरो चट्टान हुनुहोस्।
मेरो सुरक्षाको ठाउँ भइदिनु होस्।
    मेरो किल्ला बनिनुहोस् मेरो रक्षा गर्नुहोस्।
³ हे परमेश्वर, तपाईं मेरो रक्षक हुनुहुन्छ अनि तपाईं मेरो किल्ला हुनुहुन्छ।
    यसर्थ, तपाईंको सुरक्षाको निम्ति मेरो अगुवाइ गर्नुहोस् र मलाई निर्देशन गर्नुहोस्।
⁴ मेरा शत्रुहरूले मेरै समक्ष पासो थापे।
मलाई तिनीहरूको पासोबाट बचाउँनु होस्।
    तपाईं मेरो सुरक्षाको स्थान हुनुहुन्छ।
⁵ हे परमप्रभु, तपाईं परमेश्वर हुनुहुन्छ, जसमाथि हामी भरोसा गर्न सक्छौं।
    मैले आफ्नो जीवन तपाईंको हातमा राखिदिएँ,
    मलाई बचाउनु होस्!

¹⁵ मेरो जीवन तपाईंको हातमा छ,
    मलाई मेरो शत्रुहरूदेखि बचाउनुहोस्।
कतिपय मानिसहरूले मलाई खेदिरहेका छन्।
    मलाई तिनीहरूबाट बचाउनुहोस्।
¹⁶ कृपया स्वागत जनाएर तपाईंको दासलाई ग्रहण गर्नुहोस्।
    ममाथि कृपादृष्टि परोस् र मलाई बचाउनु होस्!

“तिम्रो देश र तिम्रा मानिसहरूलाई छोड,
    र मैले देखाएको देशमा जाऊ।
² म तिमीलाई आशीर्वाद दिनेछु,
तिमीबाट महान् राष्ट्र बनाएर
    प्रसिद्ध बनाउनेछु।
तब मानिसहरूले अरूलाई आशीर्वाद दिदाँ
    तिम्रो नाउँ लिनेछन्।
³ म तिमीलाई आशीर्वाद दिने मानिसहरूलाई आशीर्वाद दिनेछु,
    अनि तिमीलाई सराप दिनेहरूलाई सराप दिनेछु।
पृथ्वीमा सबै मानिसहरूलाई आशीर्वाद दिनका लागि
    म तिम्रो नाउँ प्रयोग गर्नेछु।”