Revised Common Lectionary (Complementary)

116 जब परमप्रभुले मेरो प्रार्थना सुन्नु हुँदछ,
    त्यो मलाई मन पर्दछ।
² जब मैले गुहार माग्दा उहाँले मलाई सहाएता दिनुहुन्छ,
    त्यो मलाई मन पर्छ।
³ म मर्न आटेको थिएँ, मृत्युको डोरीहरूले मलाई वरिपरि बाँधिएको थियो।
    चिहान मेरो वरिपरि थियो
    म भयभीत र चिन्तित थिएँ।
⁴ तब मैले परमेश्वरको नाउँको पुकारा गरें।
    मैले भने, “परमप्रभु, मलाई बचाउनु होस्!”

¹² म परमप्रभुलाई के दिन सक्छु र?
    ममा भएका सबै कुराहरू परमप्रभुले नै दिनु भएको हो।
¹³ उहाँले मलाई बचाउनु भयो,
    यसकारण म उहाँलाई अर्घ बलि चढाउनेछु।
    अनि म परमप्रभुको नाउँ बोलाउनेछु।
¹⁴ परमप्रभुलाई प्रतिज्ञा गरेको कुराहरू म उहाँलाई दिनेछु।
    म अब सम्पूर्ण मानिसहरूका समक्षमा जानेछु।

¹⁵ परमेश्वरका भक्तजनहरू मध्ये एउटै पनि मर्यो भने त्यो उहाँको निम्ति महत्वपूर्ण हुनेछ।
    परमप्रभु तपाईंको दासहरू मध्ये म एक हुँ।
¹⁶ हे परमप्रभु, म तपाईंको दास हुँ।
    म तपाईंकी एकजना सेविकाको बालक हुँ।
    परमप्रभु, तपाईं नै मेरो प्रथम गुरू हुनुहुन्थ्यो।
¹⁷ म तपाईंलाई धन्यवादको भेटी टक्र्याउँने छु।
    म परमप्रभुको नाउँ पुकार्नेछु।
¹⁸ आफूले वचन दिएको कुराहरू म परमेश्वरलाई दिनेछु।
    अब म सम्पूर्ण मानिसहरूको समक्ष जाने छु।
¹⁹ म यो सव यरूशलेमको मन्दिरमा गर्नेछु,
    र परमप्रभुको मन्दिरको आँगनमा गर्नेछु।

परमप्रभुको प्रशंसा गर!