◀ All Reading Plans / Revised Common Lectionary (Complementary) / Psalm 77 (Prayer for God to remember us); Proverbs 30:1-9 (Plea to be safe from temptation); Matthew 4:1-11 (Matthew’s account of Jesus’ temptation) (Reimer 2001)
Print Page Options Listen to Psalm 77 (Prayer for God to remember us); Proverbs 30:1-9 (Plea to be safe from temptation); Matthew 4:1-11 (Matthew’s account of Jesus’ temptation)
Previous Prev Day
February 19, 1964 Use the calendar to view readings from this plan.
Next DayNext

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.
Duration: 1245 days
Reimer 2001 (REIMER)
Version
Psalme 77

Dee 77 Psalm

To dän Haupt Musikaunt opp Jedutun.

1 Miene Stem es no Gott, un ekj schrie; miene Stem es no Gott, un hee horjcht no mie.

2 Enn dän Dach fonn miene Noot socht ekj däm Herr; miene Haunt goot ut enne Nacht, un wort nijch oone Jefeel; miene Seel leet sikj nijch treeste.

3 Ekj docht aun Gott, un sie jetrubbelt; ekj denkj no, un mien Jeist deit beschwieme.

4 Du jreepst miene Uage äare wajchte; ekj sie jetrubbelt, un ekj kaun nijch räde.

5 Ekj docht aun dee Doag fonn jeehäa, dee Joare fonn fegone Tiede.

6 Ekj woa aun mien Leet denkje enne Nacht; ekj woa met mien eajnet Hoat räde, un mien Jeist sorjfeltijch utforsche.

7 Woat dee Herr fa emma wajch schmiete; un woat Hee niemols wada gonstlijch senne?

8 Es sien Erboarme fa emma wajch? Haft sien Wuat Fälschlach jemoakt fa aule Jeschlajchte?

9 Haft Gott fejäte jnädijch to senne; haft hee sien leeftoljet Erboarme toojemoakt enn sien Oaja? Selah.

10 Un ekj säd: "Dit es miene Krankheit, dee Joare fonn dän Aulmajchtja siene rajchte Haunt."

11 Ekj woa däm Herr Gott siene Woakje behoole; sejchalijch woa ekj diene Wunndasch fonn Joare trigj behoole.

12 Ekj woa mie uk äwa aul diene Woakje bedenkje un woa jrebble äwa daut waut du deist.

13 O Gott, dien Wajch es enn Heiljchkjeit, wäa es Gott dee groot es soo aus du best?

14 Du best dee Gott dee Wundasch deit, du hast siene Krauft oppenboa jemoakt mank dee Felkja.

15 Du hast dien Folkj jerat derjch diene Macht, dee Säns fonn Joakopp un Joosef. Selah.

16 Dee Wotasch sage die, O Gott, dee Wotasch sage die; dee engste sikj; jo, daut Deepet deed tsetre.

17 Dee Wolkje deede Wota rut jeete; dee Himels jeewe ne Stem; un diene Fiele fluage rut.

18 Dee Stem fonn dien rummle enn dän Storm, Blitse deede dee Welt oppdache; dee Ead tsetad un scheddad.

19 Dien Wajch es enn dän See; un dien Stijch wea enn dee groote Wotasch; un diene Footstaupe sent nijch to weete.

20 Du deetst dien Folk leide derjch Mooses un Oant soo aus ne Häad Schop.

Sprejchwead 30:1-9

30 Dee Wead fonn Agur, däm Jaka siene Sän, dee Laust; dee Kjrieja säd to Iteal un Ukal.

2 Sejcha sie ekj meeha hungsch aus irjent sestwäa; un ekj ha nich dee Festentnis fonn en Maun.

3 Ekj ha nich Weisheit jeleat, oba ekj weet dee Wissenschoft fonn Heilijchkjeit.

4 Wäa es enopp jefoare nom Himmel, un wäa es rauf jefoare? Wäa haft dee Wint toop jesaumelt enn siene Fuste? Wäa haft dee Wotasch toop jebunge enn sien Wanikj? Wäa haft dee Enj fonn dee Ead oppjehowe? Waut es sien Nome, un waut es sien Sän sien Nome? Sejchalijch weetst du!

5 Jiedat Wuat fonn Gott woat utjeprooft; Hee es en Schilt to dän dee enn am Tooflucht seakje.

6 Doo nich to siene Wead toolaje, soo daut Hee die nich schelle sull un du wuscht utjefunje woare aus en Läajna.

7 Ekj ha die jefroacht no twee Dinje, hool dee nich trigj fonn mie eeha ekj stoaw:

8 Nemm Nutslooset un ne Leaj wiet wajch fonn mie; jeff mie nich Oamoot oda Rikjdom; jeff mie mien poat fonn Broot jieda Dach;

9 Soo daut ekj nich foll woa un beschumle doo, un saje sull: "Wäa es dee Herr Gott?" oda daut ekj sull Oam senne un stäle doo, un mien Gott siene Nome schende wudd.

Mataeus 4:1-11

4 Donn wort Jesus fomm Jeist enne Wiltnes enenn jeleit, omm daut dee Diewel am doa feseakje sull.

2 Aus hee nu featich Doag en featich Nacht nich je-aete haud, hungad am.

3 En dee Diewel kjeem en fesocht am en saed: "Wan du Gott sien Saen best, dan saj doch daut dise Steene sele Broot woare".

4 Oba hee auntwuad en saed: "Daut steit jeschraewe, 'En Mensch laeft nich bloos fonn Broot auleen, oba derch en jiedat Wuat daut Gott jeraet haft'".

5 Donn neem dee Diewel am no dee heilje Staut en stald am opp en huage Spets fomm Tempel,

6 en saed to am: "Wan du Gott sien Saen best, dan hups fonn hia rauf, dan daut steit jeschraewe: 'Hee woat siene Enjel befael jaewe waeajen die, en dee woare die opp aeare Henj droage, daut du diene Feet nich aun en Steen steete woascht'."

7 Jesus saed to am : "Wada steitet jeschraewe: 'Du saust Gott dien Herr nich oppe Proow stale'."

8 Donn neem dee Diewel am no en seeha huage Boajch, en wees am aul dee Kjeenichrikje enne Welt met aeare Harlichkjeit,

9 en saed: "Aul dit woa ekj die jaewe, wan du woascht hia fer mie dol faule, en mie aunbaede".

10 Donn saed Jesus to am "Go, Soton! dan daut steit jeschraewe: 'Du saust Gott dien Herr aunbaede, en am auleen saust du deene'."

11 Donn feleet dee Diewel am, en kjikj! Enjel kjeeme en deende am.

Reimer 2001 (REIMER)

Copyright © 2001 by Elmer Reimer

Prev Day Prev Day
Top
Next Day Next Day