Revised Common Lectionary (Complementary)

⁷ O Aulmajchtja Gott, doo onns wada trigj dreihe, un lot dien Jesejcht schiene, un wie woare jerat senne.

⁸ Du hast ne Wienrank ut Iejipte jeleit; Du hast dee Natsjoone rut jeschmäte un hast dee jeplaunt.

⁹ Du deetst Rum moake doafäa; un deetst dee ennwartle; daut haft daut Launt jefelt.

¹⁰ Dee läaje Boaj weare bedakjt met dän schaute; un dee Aste weare soo aus dikje Tseedabeem.

¹¹ Dee schekjt siene Aste rut no dän See, siene Aste no dän Riefa.

¹² Wuaromm hast Du dee Hakje dol jebroake, soo daut aul dee, dee doa febie gone dee beplekje?

¹³ En wila Kujel ut dän Woolt deit daut fenijchte; un dee Beeste em Felt doone daut äte.

¹⁴ O Aulmajchtja Gott, wie prachre Die, komm trigj! Kjikj rauf fomm Himel, un see, en doo dise Wienrankj beseakje,

¹⁵ un dee Wiengoade dee diene rajchte Haunt jeplaunt haft, un dee Sän däm du stoakje deetst fa die selfst.

⁴⁰ Walkje em Folkj, aus see daut heade, saede: "Dis Maun es werklich dee Profeet!."

⁴¹ Aundre saede: "Dit es dee Christ." Oba aundre saede: "De Christus woat doch nich ut Galilaea kome, woat hee?

⁴² Steit et nich jeschraewe daut dee Christus ut Doft sien Some kjemt, en ut dee Staut Betlehem, wua Doft wond?"

⁴³ Aulso wea doa ne onneenichkjeit tweeschen de Mensche aewa am.

⁴⁴ Doa weare soone dee am wulle faustnaeme; oba kjeena laed de Henj opp am.

⁴⁵ Donn kjeeme dee Tempelwajchta no de Huagepriestas en Farisaea; dee saede to an: "Wuaromm ha jie am nich jebrocht?"

⁴⁶ Dee Tempelwajchta saede to an: "Noch nie haft en Mensch so jeraet aus dis Mensch."

⁴⁷ Donn auntwuade de Farisaea: "Se jie uk fefeat?

⁴⁸ Jleeft irjent en Faeaschta oda Farisaea aun am?

⁴⁹ Oba dit Folkj daut nuscht fom Jesats weet es feflucht!"

⁵⁰ Nikodeemus saed to an: (eena fonn an dee eara wea enne Nacht no Jesus jekome)

⁵¹ "Deit onns Jesats en Maun fedaume oone daut am eascht utjeheat woat, omm utofinge waut hee deit?"

⁵² See auntwuade am en saede: "Best du uk fonn Galilaea? Forsch, en see, ut Galilaea kjemt kjeen Profeet."