Revised Common Lectionary (Complementary)

He

³³ O Herr Gott, doo mie enn dän Wajch fonn diene Jesatse unjarejchte, un ekj woa daut bottem Enj hoole.

³⁴ Jeff mie Festentnis un ekj woa dien Jesats hoole, un daut beoobachte met mien gaunset Hoat.

³⁵ Moak mie enn dee Wäaj fonn diene Jeboote to waundle, dan doarenn ha ekj Fejneaje.

³⁶ Beaj mien Hoat dol no diene Zeijchnisse, un nijch no onnrajchtet Jewennst.

³⁷ Drei miene Uage wajch fonn Nutslooset seene; jeff mie Läwe enn dien Wajch.

³⁸ Moak dien Wuat sejcha to dien Deena dee sikj hanjejäft haft die to ferjchte.

³⁹ Drei miene Schaund wajch dee ekj ferjcht; dan diene Jerejchte sent Goot.

⁴⁰ See, ekj ha mie no diene Fäaschrefte jesänt; jeff mie Läwe enn diene Jerajchtijchkjeit.

¹¹ Ekj sie en Noa jeworde, jie ha mie doatoo jedwunje. Jie haude mie sullt lowe. Ekj sie nusscht weinja aus dee hechste Apostel, wan ekj uk nusscht sie.

¹² Dee Teakjens fonn en Apostel worde mank junt utjewirkjt met groote Jedult, beides derch Teakjens en Wunndawoakje.

¹³ En waut wea jie weinja aus dee aundre Jemeente, bute wanet doarenn wea daut ekj junt nich ne Laust wea? Fejaeft mie dit Onnrajcht!

¹⁴ Kjikjt! Dit es nu daut dredde mol daut ekj reed sie no junt to kome, en ekj woa junt nich ne Laust senne, dan ekj seakj nich daut waut junt es, oba junt selfst. Dan de Kjinje sulle nich Schats fa de Elre opplaje, oba de Elre fa de Kinje.

¹⁵ Ekj woa met Freid mien aules fa june Seele hanjaewe. Wan ekj fa junt meeha Leew ha, ha jie dan weinje fa mie?

¹⁶ Oba lotet soo senne. Ekj sie junt nich ne Laust jewast; oba wiel ekj hinjalestich wea, ha ekj junt derch Lest jenome.

¹⁷ Ha ekj junt derch irjentwaem daen ekj hanjeschekjt ha, utjenuttst?

¹⁸ Ekj befool Tietus, en schekjt en Brooda met am; deed Tietus junt utnuttse? waundeld wie nich enn daem naemlije Jeist? enn dee naemlije Footstaupe?

¹⁹ Jie sent aul lang unja dee Meeninj daut wie onns bie junt feteidje. Wie raede fer Gott enn Christus; oba wie doone aules, leefste Frind, junt opptobuhe.

²⁰ Oba mie es angst, daut wan ekj han kom, ekj junt nich soo finje woa aus ekj mie wensch, en jie mie nich soo finje woare aus jie junt wensche; daut doa Striet, Aufgonnst, Oaja, jaeajenaun stone, aundre dolranne, Pludarie, Stollt, en Opprua woat senne.

²¹ En wan ekj wada kome woa, woat mien Gott mie deemietje mank junt, en ekj truare sull aewa fael fonn daen, dee jesindicht ha, en nich Buesse jedone ha aewa aea Onnreinet, Huararie, en weltichle Raed, met dee see rom jegone sent.