Revised Common Lectionary (Complementary)

Ain

¹²¹ Ekj ha daut jerajchtet un rajchtet Dinkj jedone; äwajeff mie nijch aun dän dee mie bedrekje.

¹²² Sie Sejchaheit to dien Deena fa Goots; lot dee Stollte mie nijch bedrekje.

¹²³ Miene Uage fesaje fa diene Radunk, un fa daut Wuat fonn diene Jerajchtijchkjeit.

¹²⁴ Haundel met dien Deena no diene Erboarmunk; un lea mie diene Fäaschrefte.

¹²⁵ Ekj sie dien Deena; halp mie nodenkje un ekj woa diene Zeijchnisse weete.

¹²⁶ Daut es Tiet daut dee Herr Gott oabeide deit; dee ha dien Jesats jebroake.

¹²⁷ Ekj ha dien Aunkommendeare leef, meeha aus Golt, soogoa achtet Golt.

¹²⁸ Soo doo ekj aunerkjane daut aul diene Fäaschrefte rajcht sent; ekj haus aule faulsche Wäaj.

¹⁰ Fa daut aewrije, woat stoak emm Herr, en enn dee Krauft fonn siene Macht.

¹¹ Lajcht junt daut gaunse Kjriechsjescher fonn Gott opp, soo daut jie stone kjenne jaeajen daem Diewel siene Leste.

¹² Dan onns Kaumpf es nich jaeajen Bloot en Fleesch, oba jaeajen Harscha, jaeajen Jewaultje, jaeajen dee Diestanesswelt Harscha, jaeajen dee beese Jeista enne Himelswelte.

¹³ Aulsoo naemt daut gaunse Kjriechsjescher fonn Gott, soo daut jie wadastone kjenne aun daem beese Dach, en wan jie aules utjerecht ha, daut jie stone bliewe.

¹⁴ Doaromm stot faust, en naemt dee Woarheit romm junt soo aus en Gort romm dee Lende, aunjedone met daut Brosstschilt de Jerachtichkjeit,

¹⁵ en siet reed daut Fraedensevanjeelium auntonaeme, soo aus Schoo oppe Feet.

¹⁶ Enn aules naemt daen Gloowe fa en Schilt, met woont jie aul daem Diewel siene brennende Feile utlasche kjenne;

¹⁷ en sat daen Kjriejesmets de Radunk opp, en naemt daem Jeist sien Schweat, dee es Gott sien Wuat;

¹⁸ met aulet Jebaed en Aunhoole, en baet to aule Tiet em Jeist, en siet waka doarenn met aulet Aunhoole en Jebaed fa aule Heilje;