Revised Common Lectionary (Complementary)

Pe

¹²⁹ Diene Zeijchnisse sent wundaboa; un soo deit miene Seel dee hoole.

¹³⁰ Wan diene Wead enenn kome, dan jäwe dee Lijcht, un doone dee Eefacha ennleare.

¹³¹ Ekj muak mien Mul op un deed Jesche; dan ekj haud en Felange fa diene Jeboote.

¹³² Drei die no mie, un jeff mie Gonnst, soo aus enn dän Wajch fonn dän dee dien Nome leef habe.

¹³³ Doo miene Staupe bestädje enn dien Wuat, un lot kjeen Beeset äwe mie harsche.

¹³⁴ Doo mie rade fonn Mensche äa Bedrekje, un ekj woa diene Fäaschrefte hoole.

¹³⁵ Moak dien Jesejcht opp dien Deena to schiene, un lea mie diene Fäaschrefte.

¹³⁶ Riefasch fonn Woat rane fonn miene Uage rauf, dan see hoole nijch dien Jesats.

³⁸ Donn auntwuade walkje fonn dee Schreftjeleade en Farisaea en saede to am: "Leara, wie wudde jearen en Teakjen fonn die seene."

³⁹ Oba Jesus auntwuad en saed to an: "En beeset en eehebraeakjarischet Jeschlajcht seakjt en Teakjen, oba an woat kjeen Teakjen jejaeft woare buta daut fonn daem Profeet Joona.

⁴⁰ Dan soo aus Joona dree Doag en dree Nacht enn daem groota Fesch sien Buk wea, soo woat dee Menschesaen dree Doag en dree Nacht enn daut Hoat fonne Ead senne.

⁴¹ Dee Mana fonn Nienawie woare opp stone em Jerecht met dit Jeschlajcht en woare daut fedaume; dan see deede Buesse aus Joona to an praedjd; en kjikjt! hia es eena dee jrata es aus Joona wea.

⁴² Dee Kjeenijin utem Siede woat opp stone em Jerecht met dit Jeschlajcht en woatet fedaume, dan see kjeem fom Enj fonne Welt Salomo siene Weisheit to heare, en kjikjt! hia es eena dee jrata es aus Salomo.