Revised Common Lectionary (Complementary)

Dee 105 Psalm

¹ O jäft Dank to däm Herr Gott; roopt sien Nome aun; moakt siene Woakje bekaunt mank dee Mensche.

² Sinjt to Am; sinjt Preis to Am; räd fonn siene Wundasch.

³ Doot enn sien heilje Nomen harlijche; lot dän dee däm Herr Gott seakje sikj friehe.

⁴ Seakjt däm Herr Gott un siene Macht; seakjt sien Jesejcht oone Enj.

⁵ Behool dee Wundasch dee Hee jedone haft; siene Wundateakjens, un Jerejchte ut sien Mul.

⁶ O jie Obrahaum sien Some; O jie Joakopp Säns, siene Utjewälde.

⁷ Hee es dee Herr Gott onns Gott; siene Jerejchte sent enn aule Welt;

⁸ Hee haft sien Bunt behoole fa emma; daut Wuat daut hee befool to dusent Jennerazione;

⁹ daut Hee met Obrahaum muak, sien Eit to Isaak;

¹⁰ un Hee deed daut jrinde met Joakopp fa en Fäaschreft, to Israel fa en eewja Bunt.

¹¹ un säd: "To die woa ekj daut Kanaan Launt jäwen, daut Loos aus dien Oafgoot,"

³⁷ Un he leid an rut met Selwa un Golt; un doa wia nich eena dee stolpad mank äare Jeschlachte.

³⁸ Iejipte wia froo aus see wajch jinje, dan äare Forcht wia opp an jefolle.

³⁹ Hee spreed ne Wolkj fa äa bedakje, un Fia an Lijcht to jäwe enne Nacht.

⁴⁰ Hee fruach, un Hee jeef jacht Fäajel, un deed an tofräd stale met Äte fomm Himmel.

⁴¹ Hee muak dän Steen op, un Wota rand rut; see jinje enn dreaje Städe soo aus en Riefa.

⁴² Dan hee behilt sien heiljet Wuat, un Obrahaum sien Deena;

⁴³ Un Hee brocht sien Folkj rut met Freid, siene Utjewälde met Freid;

⁴⁴ un Hee jeef an dee Nazione äare Lenda; un see deede dee Oabeit oawe fonn dee Felkja,

⁴⁵ soo daut dee siene Fäaschrefte beoobachte wudde un siene Jesatse hoole, Preis to däm Herr Gott.

3 Doaromm aus wie daut nich lenga kunne uthoole, docht wie daut goot enn Ateen auleen jelote to senne,

² en schekjte Timotaeaus onns Brooda en Metoabeida enn Gott sien Evanjeelium, junt to bestaedje en junt to treeste enn jun Gloowe;

³ daut kjeena sull trigfaule enn dise Aelend, dan jie weete selfst daut jie doato bestemt sent.

⁴ Dan sogoa aus wie bie junt weare, saed wie ferhaea daut wie wudde em Korte liede motte, en jie weete dautet so paseat es.

⁵ Doaromm, aus ekj et nich lenge uthoole kunn, schekjt ekj jun Gloowe no to forsche, auf dee Feseakja junt fesocht haud, en onnse Oabeit emsonst wea jewast.