Revised Common Lectionary (Complementary)

Dee 119 Psalm

Aleth

¹ Jesäajent sent dee Opprajchte enn dän Wajch, dee enn däm Herr Gott sien Jesats waundle.

² Jesäajent sent dee, dee siene Zeijchnisse hoole, dee Am met daut gaunset Hoat seakje.

³ Dee doone uk nijch Onnjerajchtijchkjeit wirkje; dee waundle enn siene Wäaj.

⁴ Du hast aunjekommendeat sorjfeltijch diene Fäaschrefte to hoole.

⁵ O daut miene Wäaj bestädijcht weare diene Jesatse to hoole.

⁶ Dan wudd ekj mie nijch schäme brucke, wan ekj aul diene Jeboote bekjikje doo.

⁷ Ekj woa die danke met en opprejchtjet Hoat, enn daut leare fonn dee Jerejchte fonn diene Jerajchtijchkjeit.

⁸ Ekj woa diene Jerejchte hoole; doo mie nijch gaunsungoa felote.

3 En ekj, Breeda, kunn nich to junt raede aus to jeistliche, oba aus to fleeschliche, soo aus to kjleene Kjinje.

² Ekj ha ju met Malkj jefoodat, en nich met stoakjet Aete, dan jie kunne daut nich fedroage, en kjenne nu uk noch nich,

³ dan jie sent noch fleeschlich. Dan soo aus jie noch aufjenstich sent, en doa Striet es, se jie nich fleeschlich en waundle so aus Mensche?

⁴ Dan wan eena sajcht: "Ekj hool met Paul", en noch eena: "Ekj hool met Apollus", se jie nich fleeschlich?

⁵ Dan waut es Apollus, en waut es Paul? Wie sent Deena derch waem jie tom Gloowe jekome sent, jrod soo aus de Herr to en jiedrem jejaeft haft.

⁶ Ekj ha jeplaunt, Apollus haft jewotat, oba Gott muak daut wause;

⁷ Aulsoo es dee nich waut, dee plaunte deit, uk nich dee, dee wotre deit, oba Gott dee daut wause moakt.

⁸ Dee doa plaunte deit, en dee doa wotre deit, sent eent; en en jieda woat jeloont woare doano aus siene Oabeit es jewast.

⁹ Dan wie sent Gott siene Metoabeida; jie sent Gott sien Akawoakj, jie sent Gott sien Bu.

²¹ Jie ha jeheat daut to daen enn oole Tiede jesajcht wort: 'Du saust nich doot moake, en waea deit, woat fer daut Jerecht kome'.

²² Oba ekj saj junt, daut waeaemma aewa sien Brooda doll es, es schulldich fer daut Jerecht to kome; en waeaemma to sien Brooda sajcht: 'Do Dommkopp' es schulldich em Halfia to kome.

²³ Doaromm, wan du diene Gow no daem Aultoa brinjst, en doa behelst daut dien Brooda waut jaeajen die haft,

²⁴ dan lot diene Gow doa fer daem Aultoa, en go eascht en moak aewareen met dien Brooda, en dan komm en brinj diene Gow.

²⁵ See daut du met dien Jaeajna schwind aewareen kjemst oppem Wajch, daut hee die nich nom Rechta nemt, en dee Rechta die daem Wachtmeista aewajeft, en dee die em Jefenknes enenn stoppt;

²⁶ ekj saj die enn Woarheit, du woascht doa opp kjeen Wajch rut kome bott du daut latste Tsent betolt hast.

²⁷ Jie ha jeheat dautet jesajcht es: 'Du saust nich de Eehe braeakje'.

²⁸ Ekj saj oba daut waeaemma ne Fru aunkjikjt met en Janka em Hoat aea to ha, haft enn sien Hoat aul dee Eehe met aea jebroake.

²⁹ Aulsoo wan dien rajchtet Uag die stolpre moakt, dan riet daut ut en schmiet daut fonn die; dan daut es baeta eent fonn diene Jlieda to feleare, dan daut dien gaunse Lief sull enne Hal jeschmaete woare.

³⁰ En wan diene rajchte Haunt die stolpre moakt, schnied daut auf en schmiet daut fonn die; dan daut es baeta eent fonn diene Jlieda to feleare dan daut dee gaunse Lief sull enne Hal jeschmaete woare.

³¹ Daut es jesajcht worde: 'Waeaemma siene Fru wel gone lote, saul aea en Scheidebreef jaewe'.

³² Oba ekj saj junt daut waeaemma siene Fru gone lat fa irjent sest waut aus Eehebruch, drift aea to Eehebruch; en waeaemma ne Fru friet dee wajch jeschekjt es, brakjt de Eeehe.

³³ Wada, jie ha jeheat dautet to dee fonn oole Tiet es jesajcht worde: 'Du saust nich faulsch schweare, oba saust daem Herr dien Fespraeakje betole'.

³⁴ Oba ekj saj junt: doot aewahaupt nich schweare, nich biem Himel, dan daut es Gott sien Troon;

³⁵ uk nich bie de Ead, dan daut es ne Footbenkj fa siene Feet; uk nich bie Jerusalem, dan daut es daem groote Kjeenich siene Staut.

³⁶ Schwea uk nich bit dien Kopp, dan du kaunst nich een Hoa Wit oda Schwoat moake.

³⁷ Oba lot dien Wuat Yo, Yo, en Na, Na senne, waut meeha es aus daut kjemt fonn beeset.