◀ All Reading Plans / Revised Common Lectionary (Complementary) / Isaiah 58:1-9a [9b-12] (The fast that God chooses); Psalm 112:1-9 [10] (Light shines in the darkness); 1 Corinthians 2:1-12 [13-16] (God’s wisdom revealed through the Spirit); Matthew 5:13-20 (The teaching of Christ: salt and light) (Reimer 2001)
Print Page Options
Previous Prev Day
February 10, 1963 Use the calendar to view readings from this plan.
Next DayNext

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.
Duration: 1245 days
Reimer 2001 (REIMER)
Version
Error: Book name not found: Isa for the version: Reimer 2001
Error: Book name not found: Isa for the version: Reimer 2001
Psalme 112:1-9

Dee 112 Psalm

1 Preis däm Herr Gott! Jesäajent es dee Maun dee däm Herr Gott ferjchte deit, dee sikj enn siene Jeboote fejneaje deit.

2 Sien Some saul majchtijch senne oppe Ead; dee opprajchte äare Jennerazion saul jesäajent senne;

3 Hab un Goot woat enn sien Hus senne; un siene Jerajchtijchkjeit blift fa emma.

4 Doa kjemt Lijcht enn dee Diestanis to dee Opprajchte; Hee es jnädijch un foll Metleet un Jerajchtichkjeit.

5 Dee Maun dee Gonnst wiese deit un utliehe deit es Goot; hee woat dee Sache Noarunk jäwe met Äwareenet.

6 Dan hee woat niemols jescheddat woare; dee Jerajchte sele fa emma enn Aunjedenkj senne.

7 Hee woat sikj nijch engste fa beese Norejcht; sien Hoat es bestädijcht, hee fetruet sikj enn däm Herr Gott.

8 Sien Hoat es nehejcht jehoole, hee woat sikj nijch engste, bott hee siene Fiend sit.

9 Hee haft festreit; hee haft to dee Bederftje jejäft, siene Jerajchtijchkjeit blift fa emma; sien Huarn saul met Ea oppjehäft woare.

Psalme 112:10

10 Dee Beese sele daut seene un festimmelt senne; hee woat met dee Täne gnorsche un feschmelte; dee Beese äa Janka saul feschwinje.

1 Korinta 2:1-12

2 En aus ekj nu junt kjeem, Breeda, kjeem ekj nich met huage Wead oda groote Weisheit, junt daut Zeichnes fonn Gott to jaewe.

2 Dan ekj haud mie faea jenome mank ju nusscht to weete buta Jesus Christus, dee jekjrietsicht wea.

3 En ekj wea bie junt enn Schwakheit en angst en fael tsetre.

4 En miene Raed en miene Praedicht wea nich met konnstfolle Weisheits Wead, oba enn Bewies emm Jeist en enn Krauft,

5 daut jun Gloowe nich sull enn Mensche Weisheit stone, oba enn Gott siene Krauft.

6 Oba wie raede Weisheit mank soone dee follkome sent; doch nich Weisheit dee ut dise Welt kjemt, uk nich fonn daen dee enn dise Welt Leida sent, dee to nusscht jebrocht woare:

7 Oba wie raede Gott siene Weisheit enn en Jeheemnes, daut festoake wea, daut Gott bestemt haud fa onnse Harlichkjeit eeha de Welt wea;

8 daut kjeene fonn dise Welt Leida wiste; dan, wan see daut jewist haude,

9 wudde see daem Herr de Harlichkjeit nich jekjrietsicht ha; oba so auset jeschraewe steit: "Waut daut Uag nich jeseene haft, en daut Ua nich jeheat haft, en nich enn en Mensche Hoat enenn jekome es, waut Gott reed jemoakt haft fa daen dee am leef habe."

10 Oba Gott haft onns daut jeoppenboat derch sien Jeist; dan dee Jeist forscht aules ut, sogoa daut deepste fonn Gott.

11 Dan waea weet waut enn en Mensch es buta dee Jeist dee enn am es? Jrod so weet kjeen Mensch waut enn Gott es, buta Gott sien Jeist.

12 En wie ha nich de Welt aea Jeist jekraeaje, oba dee Jeist dee fonn Gott kjemt, daut wie weete kjenne waut Gott onns soo rikjlich jejaeft haft.

1 Korinta 2:13-16

13 Aulsoo dit es waut wie nu raede, nich met Wead dee weltliche Weisheit leat, oba met Wead dee de Heilje Jeist leat, en fejlikje jeistlichet met jeistlichet.

14 Oba dee natearliche Mensch fenemt nich daut waut fonn Gott sien Jeist kjemt: daut es fa am ne Dommheit, en hee kaun daut uk nich weete, wiels daut es emm jeistliche auntoerkjanne.

15 Oba aun eene haunt dee, dee jeistlich es, deit aules unjascheede, oba aune aundre Haunt woat hee fonn kjeenem be-uadeelt.

16 Dan waea haft daem Herr sien Senn jekjant, waea woat am unjarechte? Oba wie ha Christus sien Senn.

Mataeus 5:13-20

13 Jie sent daut Sollt oppe Ead, oba wan daut Sollt Jeschmak feloare haft, met waut saulet jesollte woare? dan daut es to nusscht meeha to brucke aus rut to schmiete en fonn Mensche unja de Feet to klunge.

14 Jie sent daut Licht fa de Welt. Ne Staut dee oppem Boajch jebut es, kaun nich festoake woare.

15 Ne Laump woat nich aunjestekjt en dan unja en Jefaes jestalt, oba opp en Laumpahoola, soo dautet Licht jeft fa aul daen dee em Hus sent.

16 Soo lot jun Licht fer Mensche schiene daut see june goode Woakje seene, en jun himlischa Foda doaderch feharliche.

17 Denkt nich daut ekj jekome sie daut Jesats oda dee Profeete to fenichte; ekj sie nich jekome to fenichte, leewa to erfele.

18 Dan ekj saj junt enn Woarheit, doa woat opp kjeen Wajch en Punkt oda en Straeakj fonn daut Jesats feschwinje bottet aules erfelt es.

19 Doaromm, waeaemma eent fonn dise jerinjste fonn daut Jesats brakjt, en leat Mensche soo, woatet jerinjste senne enn daut Himelsrikj; oba waeaemma daut helt en soo leat, woat huach je-acht woare enn daut Himelsrikj.

20 Dan ekj saj junt, daut wan june Jerachtichkjeit nich fael baeta es aus dee Schreftjeleade en Farisaea aeare, woa jie opp kjeen wajch enn daut Himelsrikj enenn kome.

Reimer 2001 (REIMER)

Copyright © 2001 by Elmer Reimer

Prev Day Prev Day
Top
Next Day Next Day