◀ All Reading Plans / Revised Common Lectionary (Complementary) / Psalm 119:1-8 (Happy are those who walk in the law); Genesis 26:1-5 (God blesses Isaac); James 1:12-16 (God tempts no one) (Somali Bible)

Prev Day

February 14, 1957

Next Day

Use the calendar to view readings from this devotional.

February 1957
Su	Mo	Tu	We	Th	Fr	Sa
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28

Return to today's reading

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.

Duration: 1245 days

Sabuurradii 119:1-8

ALEF

119 Waxaa barakaysan kuwa jidka ku qumman,
Oo sharciga Rabbiga ku socda.
²Waxaa barakaysan kuwa dhawra markhaatifurkiisa,
Oo Rabbiga ku doondoona qalbiga oo dhan.
³Haah, oo xaqdarro ma sameeyaan,
Jidadkiisase way ku socdaan.
⁴Waxaad nagu amartay amarradaada,
Inaan aad u dhawrno.
⁵Aad baan u jeclaan lahaa in jidadkayga la hagaajiyo
Inaan qaynuunnada dhawro!
⁶Markaas anigu ceeboobi maayo,
Markaan dhawro amarradaada oo dhan.
⁷Markaan barto xukummadaada xaqa ah
Ayaan qummanaanta qalbiga kuugu mahadnaqi doonaa.
⁸Waxaan dhawri doonaa qaynuunnadaada,
Rabbow, ha i dayrin weligay.

Bilowgii 26:1-5

Isxaaq Iyo Abimeleg

26 Waxaa dhulkii ka dhacday abaar, oo aan ahayn tii hore oo waagii Ibraahim dhacday. Markaasaa Isxaaq u kacay xagga Abimeleg oo ahaa boqorkii reer Falastiin xagga Geraar. ²Rabbiguna wuu u muuqday isaga, oo wuxuu ku yidhi, Xagga Masar ha u dhaadhicin, laakiinse deg dhulka aan kuu sheegi doono. ³Dhulkan qariib ahaan u deg, oo anna waan kula jiri doonaa, oo waan ku barakayn doonaa; waayo, adiga iyo farcankaaga ayaan dalalkan oo dhan siin doonaa, oo waxaan adkayn doonaa dhaartii aan ugu dhaartay aabbahaa Ibraahim. ⁴Farcankaagana waxaan u tarmin doonaa sida xiddigaha samada, oo waxaan farcankaaga siin doonaa dalalkan oo dhan, farcankaagayna quruumaha dunida oo dhammu ku barakoobi doonaan; ⁵maxaa yeelay, Ibraahim baa addeecay codkaygii, wuxuuna dhawray wixii la ii dhawri lahaa, iyo xukummadaydii, iyo amarradaydii, iyo qaynuunnadaydii.

Yacquub 1:12-16

Waa In Jirrabaadda Loo Adkaysto

¹²Waxaa barakaysan ninka jirrabaadda u sii adkaysta, waayo, goortii loo bogo, wuxuu heli doonaa taajka nolosha kan Ilaah u ballanqaaday kuwa isaga jecel. ¹³Midna yuu odhanin kolkii la jirrabo, Xagga Ilaah baa layga jirrabay. Waayo, Ilaah laguma jirrabo shar, isaguna midna ma jirrabo. ¹⁴Mid kasta waxaa jirraba damaciisa sharka ah isagoo la jiidanayo oo la sasabayo. ¹⁵Dabadeed damacu kolkuu uuraysto wuxuu dhalaa dembi, dembiguna kolkuu weynaado wuxuu keenaa dhimasho. ¹⁶Yaan laydin khiyaanayn, walaalahayga aan jeclahayow.

Somali Bible (SOM)