Readings for Lent and Easter

⁵ “तू आईच्या गर्भात जन्म घेण्यापूर्वीपासून
    मला माहीत होतास.
तू जन्माला येण्यापूर्वीच
    मी तुझी विशेष कामगिरीसाठी निवड केली.
    राष्ट्रांचा संदेष्टा म्हणून मी तुझी निवड केली.”

“‘मी लहान बालक आहे’ असे म्हणू नकोस.
    मी तुला पाठवीन तेथे सगळीकडे तुला गेलेच पाहिजे.
    मी तुला सांगेन ती प्रत्येक गोष्ट तू लोकांना सांगितलीच पाहिजे.
⁸ कोणालाही घाबरु नकोस.
    मी तुझ्या पाठीशी आहे.
    मी तुझे रक्षण करीन.”
हा परमेश्वराचा संदेश आहे.

“यिर्मया, मी माझे शब्द तुझ्या तोंडात घालीत आहे.
¹⁰ खाली ओढण्यासाठी, फाडून टाकण्यासाठी,
    नष्ट करुन टाकण्यासाठी आणि उलथून टाकण्यासाठी,
    उभारणी करण्यासाठी आणि नवीन लागवड करण्यासाठी
    आजपासून मी राष्ट्रे आणि राज्ये तुझ्या ताब्यात देत आहे.”