Proverbs Monthly

14 ^(A)Omukazi ow’amagezi yeezimbira ennyumba ye,
    naye omusirusiru eyiye agyemenyera n’emikono gye.

² Omuntu atambulira mu bugolokofu atya Mukama,
    naye ow’amakubo amakyamu anyooma Mukama.

^3 (B)Ebigambo by’omusirusiru bye bimuviirako okukubwa,
    naye eby’abatuukirivu binaabakuumanga.

⁴ Awataba nte nnume ezirima ebyagi biba bikalu,
    naye emmere ennyingi eva mu maanyi gaazo.

^5 (C)Omujulizi ow’amazima talimba,
    naye ow’obulimba ayogera bya bulimba.

⁶ Omukudaazi anoonya amagezi n’atagalaba,
    naye okumanya kwanguyira omuntu ategeera.

⁷ Teweeretereza muntu musirusiru,
    kubanga tewali by’amagezi biva mu kamwa ke.

^8 (D)Omutegeevu mugezi kubanga afaayo okutegeera by’akola,
    naye atalina magezi musirusiru kubanga yeerimba nti amanyi.

⁹ Abasirusiru banyooma okugololwa nga bakoze ensobi,
    naye abalongoofu baagala emirembe.

¹⁰ Buli mutima gumanya okulumwa kwagwo,
    tewali ayinza kugusanyukirako.

^11 (E)Ennyumba y’abakozi b’ebibi erizikirizibwa,
    naye eweema y’abatuukirivu erikulaakulana.

^12 (F)Waliwo ekkubo erirabika nga ttuufu eri omuntu,
    naye ng’enkomerero yaalyo kufa.

^13 (G)Enseko zandibaawo naye ng’omutima gujjudde ennaku,
    era n’enkomerero y’essanyu eyinza okufuuka obuyinike.

^14 (H)Omuntu atalina kukkiriza alisasulwa empeera emusaanira olw’ebikolwa bye,
    n’omuntu omulungi naye alisasulwa eyiye.

¹⁵ Ow’amagezi amatono amala gakkiriza buli kigambo ky’awulira,
    naye omuntu omutegeevu yeegendereza amakubo ge.

^16 (I)Omuntu ow’amagezi atya Mukama n’aleka okukola ebibi,
    naye omusirusiru yeepankapanka era teyeegendereza.

^17 (J)Omuntu asunguwala amangu akola eby’obusirusiru,
    n’omukalabakalaba akyayibwa.

¹⁸ Abatalina magezi basikira butaliimu,
    naye abategeevu batikkirwa engule ey’okumanya.

^19 (K)Abakozi b’ebibi balivuunamira abatuukirivu,
    n’aboonoonyi ne bavuunama mu miryango gy’abatuukirivu.

^21 (M)Anyooma muliraanwa we akola kibi,
    naye alina omukisa oyo asaasira abaavu.

²² Abateekateeka okukola ebibi, tebawaba?
    Naye okwagala n’amazima binaabeeranga n’abo abateesa okukola obulungi.

²³ Buli mulimu ogukolebwa n’amaanyi gubaako amagoba,
    naye okwogera obwogezi kireeta bwavu bwokka.

²⁴ Abagezi bafuna engule ey’obugagga,
    naye obusirusiru bw’abatalina magezi buzaala busirusiru.

^25 (N)Omujulizi ow’amazima awonya obulamu bw’abantu,
    naye omujulizi ow’obulimba aba mulimba.

^26 (O)Atya Mukama alina ekiddukiro eky’amaanyi,
    era n’abaana be balibeera n’obuddukiro.

^27 (P)Okutya Mukama ye nsulo y’obulamu,
    kuleetera omuntu okwewala emitego gy’okufa.

²⁸ Ekitiibwa kya kabaka kiri mu kuba n’abantu bangi,
    naye omukulembeze ataba n’abantu abeera mu kabi.

^29 (Q)Omuntu omugumiikiriza aba n’okutegeera kungi,
    naye oyo asunguwala amangu ayolesa obusirusiru.

^30 (R)Omutima ogulina emirembe guwangaaza omuntu,
    naye obuggya buvunza amagumba ge.

^31 (S)Omuntu atulugunya abaavu anyooma oyo eyabatonda,
    naye buli abakwatirwa ekisa, agulumiza Katonda.

^32 (T)Akacwano bwe kajja, omukozi w’ebibi agwa,
    naye omutuukirivu ne mu kufa aba n’obuddukiro.

^33 (U)Amagezi gabeera mu mutima gw’omuntu alina okutegeera,
    era yeeyoleka ne mu basirusiru.

^34 (V)Obutuukirivu buzimba eggwanga,
    naye ekibi kiswaza abantu ab’engeri zonna.

^35 (W)Kabaka asanyukira omuddu akola eby’amagezi,
    naye obusungu bwa kabaka bunaabuubuukiranga ku oyo akola ebiswaza.