Old/New Testament

Mumutendereze, mmwe abaweereza be,
    mutendereze erinnya lya Mukama.
^2 (B)Erinnya lya Mukama litenderezebwe
    okuva leero n’okutuusa emirembe gyonna.
^3 (C)Enjuba weeviirayo okutuusa bw’egwa,
    erinnya lya Mukama litenderezebwenga.

^4 (D)Mukama agulumizibwa okusinga amawanga gonna,
    era n’ekitiibwa kye kisinga eggulu.
^5 (E)Ani afaanana nga Mukama Katonda waffe,
    atuula ku ntebe ye ey’obwakabaka eri waggulu ennyo,
^6 (F)ne yeetoowaza
    okutunuulira eggulu n’ensi?

^7 (G)Abaavu abayimusa n’abaggya mu nfuufu;
    n’abali mu kwetaaga n’abasitula ng’abaggya mu vvu,
^8 (H)n’abatuuza wamu n’abalangira,
    awamu n’abalangira abo abafuga abantu be.
^9 (I)Omukazi omugumba amuwa abaana,
    n’abeera mu maka ge n’ezzadde lye ng’ajjudde essanyu.

Mutendereze Mukama!
114 ^(J)Isirayiri bwe yava mu Misiri,
    abaana ba Yakobo abo, ne bava mu bantu abaayogeranga olulimi olutali lwabwe;
² Yuda n’afuuka omutukuvu wa Katonda,
    Isirayiri n’afuuka amatwale ge.

^3 (K)Ennyanja bwe yabalaba n’edduka;
    Omugga Yoludaani ne gudda emabega.
⁴ Ensozi ne zibuukabuuka ng’endiga zisseddume,
    n’obusozi obutono ng’obuliga obuto.

⁵ Ggwe ennyanja, lwaki wadduka?
    Ggwe Yoludaani, lwaki wadda emabega?
⁶ Mmwe ensozi, lwaki mwabuukabuuka ng’endiga zisseddume,
    nammwe obusozi obutono ng’obuliga obuto?

^7 (L)Kankana, ggwe ensi, mu maaso ga Mukama,
    mu maaso ga Katonda wa Yakobo,
^8 (M)eyafuula olwazi ekidiba eky’amazzi,
    n’olwazi olugumu n’aluggyamu ensulo ez’amazzi.
115 ^(N)Si ffe, Ayi Mukama, si ffe.
    Wabula erinnya lyo lye ligwana okuweebwanga ekitiibwa,
    olw’okwagala kwo n’olw’obwesigwa bwo.

^2 (O)Lwaki amawanga gabuuza nti,
    “Katonda waabwe ali ludda wa?”
^3 (P)Katonda waffe ali mu ggulu;
    akola buli ky’ayagala.
^4 (Q)Bakatonda baabwe bakole mu ffeeza ne zaabu,
    ebikolebwa n’emikono gy’abantu.
^5 (R)Birina emimwa, naye tebyogera;
    birina amaaso, naye tebiraba.
⁶ Birina amatu, naye tebiwulira;
    birina ennyindo, naye tebiwunyiriza.
⁷ Birina engalo, naye tebikwata;
    birina ebigere, naye tebitambula;
    ne mu bulago bwabyo temuvaamu ddoboozi n’akamu,
⁸ abakozi ababikola,
    n’abo bonna ababyesiga balibifaanana.

⁹ Mmwe ennyumba ya Isirayiri mwesigenga Mukama,
    ye mubeezi wammwe era ye ngabo yammwe.
^10 (S)Mmwe ennyumba ya Alooni mwesigenga Mukama,
    ye mubeezi wammwe era ye ngabo yammwe.
¹¹ Mmwe abamutya, mwesigenga Mukama,
    ye mubeezi wammwe, era ye ngabo yammwe.

¹² Mukama anaatujjukiranga, era anaatuwanga omukisa.
    Ab’ennyumba ya Isirayiri anaabawanga omukisa;
    ab’omu nnyumba ya Alooni anaabawanga omukisa;
^13 (T)n’abo abamutya, ab’ekitiibwa n’abatali ba kitiibwa,
    Mukama anaabawanga omukisa.

^14 (U)Mukama abaaze mweyongere nnyo obungi,
    mmwe n’abaana bammwe.
^15 (V)Mukama, eyakola eggulu n’ensi,
    abawe omukisa.

^16 (W)Eggulu ery’oku ntikko lya Mukama,
    naye ensi yagiwa abantu bonna.
^17 (X)Abafu tebatendereza Mukama,
    wadde abo abaserengeta emagombe.
^18 (Y)Naye ffe tunaatenderezanga Mukama,
    okuva leero n’okutuusa emirembe gyonna.

Mutendereze Mukama!