Old/New Testament

6 परमेश्वर काय म्हणतो,
“ते आता ऐका. पर्वतांसमोर तुमची बाजू मांडा.
    टेकड्यांना तुमची हकिगत ऐकूद्या. ^[a]
2 परमेश्वराची त्याच्या लोकांविरुध्द तक्रार आहे.
    पर्वतांनो, परमेश्वराची तक्रार ऐका!
पृथ्वीचे पाये असलेल्यांनो,
    परमेश्वराचे ऐका!
इस्राएल चूक आहे,
    हे तो सिध्द करुन दाखवील.”

⁶ परमेश्वराला भेटायला येताना मी काय आणले पाहिजे?
    स्वर्गातील परमेश्वरापुढे नतमस्तक होताना मी काय केले पाहिजे?
होमार्पणे व एक वर्षाचे वासरु घेऊन मी परमेश्वरापुढे यावे का?
⁷ 1,000 मेंढे व 10,000 तेलाच्या नद्या
    यांनी परमेश्वर प्रसन्न होईल का?
माझ्या पापांची किंमत म्हणून मी माझे पहिले अपत्य द्यावे का?
    माझ्या पोटच्या पोराला माझ्या पापांची किंमत चुकती करण्याकरिता द्यावे का?

⁹ परमेश्वराची वाणी नगरात ओरडते:
“सुज्ञ परमेश्वराच्या ^[c] नामाचा मान राखतात.
    म्हणून शिक्षेच्या दंडाकडे आणि ज्याने तो धरला आहे त्याच्याकडे लक्ष द्या. ^[d]
10 वाईट माणसे, त्यांनी चोरलेली संपत्ती,
    अजून लपवितात का?
ज्यांच्या टोपल्या अतिशय लहान आहेत,
    त्यांना हे वाईट लोक अजूनही फसवितात का?
होय या सर्व गोष्टी अजूनही होत आहेत.
¹¹ जे दुष्ट लोक अजूनही लोकांना
    फसवण्यासाठी वजन मापांचा उपयोग करतात त्यांना मी क्षमा करावी का?
चुकीचे माप देणारी वजने असलेली थैली वापरणाऱ्यांना मी माफ करावे का?
¹² त्या नगरीतील श्रीमंत अजूनही क्रूर आहेत.
    तेथील लोक अजूनही खोटे बोलतात.
    होय, ते लोक त्यांच्या लबाड्या सांगतात.
¹³ म्हणून मी तुम्हाला शिक्षा करायला सुरवात केली आहे.
    तुम्ही पाप केले म्हणून मी तुमचा नाश करीन.
¹⁴ तुम्ही खाल, पण तृप्त होणार नाही.
    तुम्ही भुकेले आणि रिते राहाल ^[e]
लोकांना सुरक्षितेत आणण्याचा तुम्ही प्रयत्न कराल.
    पण तुम्ही ज्यांना सोडविले त्यांना तलवारधारी लोक जीवे मारतील.
¹⁵ तुम्ही बी पेराल.
    पण तुम्हाला धान्य मिळणार नाही.
जैतुनांपासून तेल काढण्याचा तुम्ही प्रयत्न कराल,
    पण तुम्हाला तेल मिळणार नाही.
तुम्ही द्राक्षांचा चुराडा कराल
    पण तुम्हाला पुरेसा रस पिण्यास मिळणार नाही.
¹⁶ का? कारण तुम्ही अम्रीचे नियम पाळता.
अहाबचे घराणे करते त्या सर्व वाईट गोष्टी तुम्ही करता.
तुम्ही त्यांच्या शिकवणुकीप्रमाणे वागता.
    म्हणून मी तुमचा नाश होऊ देईन.
तुमची नष्ट झालेली नगरी पाहून लोक विस्मयोदगार काढतील.
    माझे लाजिरवाणे लोक कैदी म्हणून
नेले जातील ^[f] इतर राष्ट्रे तुम्हाला लाजिरवाणे करतील.
    ती लाज तुम्हाला बाळगावी लागेल.”

7 मी अस्वस्थ झालो आहे कारण माझी स्थिती गोळा केलेल्या फळासारखी
    आणि अगोदरच द्राक्षे तोडल्यामुळे खाण्यासाठी द्राक्षे शिल्लक नाहीत तशी झाली आहे.
खाण्यासाठी द्राक्षे शिल्लक नाहीत.
    मला आवडणारी पहिल्या बहराची अंजिरे अजिबात नाहीत.
² ह्याचाच अर्थ, सर्व प्रामाणिक लोक गेलेत.
    ह्या देशात चांगले लोक उरले नाहीत.
प्रत्येकजण कोणाला तरी ठार मारण्यासाठी टपला आहे.
    प्रत्येकजण आपल्या भावाला सापळ्यात अडकविण्याच्या प्रयत्नात आहे.
³ लोक दोन्ही दोन्ही हातांनी दुष्कृत्ये करण्यात पटाईत आहेत.
    अधिकारी लाच मागतात.
    न्यायालयातील निकाल बदलण्यासाठी न्यायाधीश पैसे घेतात.
“मोठे नेते” चांगले आणि न्याय निर्णय घेत नाहीत.
    ते मनात येईल ते करतात.
⁴ त्यांच्यातील अतिशय चांगलाही काटेरी झुडुपाप्रमाणे आहे.
    ते गुंत्तागुंत असलेल्या कोटेरी झुडुपापेक्षा वाकडा (कपटी) आहे.

हा दिवस येईल असे तुमच्या संदेष्ट्यांनी सांगितले होते.
    तो तुमच्या पहारेकऱ्यांनी सांगितलेला दिवस आला आहे.
आता तुम्हाला शिक्षा होईल.
    तुमचा गोधंळ उडेल.
⁵ तुमच्या शेजाऱ्यांवर विश्वास ठेवू नका.
    मित्रावरही विश्वासून राहू नका.
तुमच्या पत्नीशीसुध्दा मनमोकळे बोलू नका.
⁶ स्वतःच्या घरातील माणसेच वैरी होतील.
    मुलगा वडिलांना मान देणार नाही.
मुलगी आईविरुध्द जाईल.
    सून सासूच्या विरोधात जाईल.

⁷ म्हणून मी मदतीसाठी परमेश्वराकडे पाहतो.
    परमेश्वराने माझे रक्षण करावे म्हणून मी वाट पाहतो.
    माझा परमेश्वर माझे ऐकेल.
⁸ मी पडलो आहे.
    पण शत्रूंनो, मला हसू नका.
मी पुन्हा उठेन आता मी अंधारात बसतोय
    पण परमेश्वरच माझा प्रकाश होईल.

⁹ मी परमेश्वराविरुध्द पाप केले.
    म्हणून तो माझ्यावर रागावला.
पण न्यायालयात तो माझ्यासाठी माझ्या दाव्यात वाद घालेल.
    माझ्यासाठी योग्य गोष्टी तो करील.
मग तो मला बाहेर उजेडात आणील.
    मग मला त्याचे बरोबर आहे हे कळेल.
¹⁰ माझा शत्रू मला म्हणाला:
    “तुझा देव परमेश्वर कोठे आहे?”
पण माझा शत्रू ही पाहील आणि तो लज्जित होईल.
    त्यावेळी मी तिला हसेन. ^[g]
रस्त्यातील चिखलावरुन चालावे.
    तसे लोक त्याला तुडवीत चालतील.

¹¹ तुमचे तट परत बांधण्याची वेळ येईल.
    त्या वेळेला, देशाचा विस्तार होईल.
¹² तुमचे लोक तुमच्या देशात परत येतील.
    ते अश्शूर आणि मिसरमधील गावे येथून परततील.
ते मिसरमधून व फरात नदीच्या
    पैलतीरावरुन येतील.
पश्चिमेकडच्या समुद्राकडून
    आणि पूर्वेच्या पर्वतांतून ते येतील.

¹⁵ तुम्हाला मिसरमधून बाहेर आणताना मी खूप चमत्कार केले.
    त्यांच्यासारखे आणखी चमत्कार मी तुम्हाला दाखवीन.
¹⁶ राष्ट्रे ते चमत्कार पाहून
    लज्जित होतील.
माझ्या तुलनेत त्यांची “शक्ती” काहीच नाही,
    हे त्यांना दिसेल.
ते विस्मयचकित होतील
    आणि आश्चर्याने तोंडावर हात ठेवतील.
कान झाकून घेऊन
    ते ऐकण्याचे नाकारतील.
¹⁷ ते सापाप्रमाणे मातीत सरपटतील.
    भीतीने थरथर कापतील.
जमिनीत राहणाऱ्या किड्यांप्रमाणे
    आपल्या बिळातून प्रभूकडे,
    आपल्या परमेश्वराकडे, यायला लागतील.
हे परमेश्वरा, ते तुला घाबरतील आणि मान देतील.

¹⁸ परमेश्वरा तुझ्यासारखा दुसरा देव नाही.
    पापी लोकांनाही तू क्षमा करतोस.
    तुझ्या वाचलेल्या लोकांनाही तू क्षमा करतोस.
परमेश्वर अनंतकाळ क्रोधाविष्ट राहणारा नाही.
    का? कारण त्याला दयाळू व्हायला आवडते.
¹⁹ तो परत येईल व आमचे सांत्वन करील.
    तो आमच्या पापांचा चुराडा करील आणि आमची पापे खोल समुद्रात फेकून देईल.
²⁰ हे देवा, याकोबशी प्रामाणिक राहा.
    अब्रहामबद्दल तुला असलेले खरे प्रेम दाखव.
    फार पूर्वी तू आमच्या पूर्वजांना दिलेले वचन पाळ.