Old/New Testament

“लोकांचे भीतीने रडणे आम्हाला ऐकू येते.
    लोक घाबरले आहेत.
    कोठेही शांती नाही.

⁶ “पुढील प्रश्न विचारा व त्यांचा विचार करा.
    पुरुषाला मूल होऊ शकेल का? अर्थात् नाही
मग प्रत्येक पुरुष प्रसूतिवेदना होणाऱ्या बाई प्रमाणे
    पोट धरताना का दिसत आहे?
प्रत्येकाचा चेहरा मृताप्रमाणे पांढराफटक का पडला आहे?
    का? कारण ते फार घाबरले आहेत.

⁷ “याकोबाच्या दृष्टीने हा फार महत्वाचा काळ आहे.
    हा अतिशय संकटाचा काळ आहे.
पुन्हा असा काळ कधीच येणार नाही.
    पण याकोबाचे रक्षण होईल.

¹⁰ “तेव्हा, याकोब, माझ्या सेवका, घाबरु नकोस,”
    हा परमेश्वराकडून आलेला संदेश आहे.
“इस्राएल, भीऊ नकोस
    मी त्या दूरच्या ठिकाणाहून तुझे रक्षण करीन.
तुम्ही त्या दूरच्या प्रदेशात कैदी आहात.
    पण मी तुमच्या वंशजांना वाचवीन.
    मी त्यांना तेथून परत आणीन.
याकोबाला पुन्हा शांती लाभेल.
    लोक त्याला त्रास देणार नाहीत.
माझ्या माणसांना घाबरविणारा कोणीही शत्रू नसेल.
¹¹ इस्राएलच्या व यहूदाच्या लोकांनो, मी तुमच्याबरोबर आहे.”
हा परमेश्वराकडून आलेला संदेश आहे.
“मी तुमचे रक्षण करीन.
मी तुम्हाला त्या राष्ट्रांमध्ये पाठविले.
    पण त्या सर्व राष्ट्रांचा मी नाश करीन.
खरंच! मी त्या राष्ट्रांचा नाश करीन.
    पण मी तुमचा नाश करणार नाही.
तुम्ही केलेल्या पापांची शिक्षा तुम्हाला झालीच पाहिजे.
    पण मी न्याय्यबुद्धीने तुम्हाला शिक्षा करीन.”

¹² परमेश्वर म्हणतो,
“इस्राएलच्या व यहूदाच्या लोकांनो, तुम्हाला कधीही बरी न होणारी जखम झाली आहे,
    कधीही भरुन न येणारी हानी पोहोचली आहे.
¹³ तुमच्या व्रणांची काळजी घेणारा कोणीही नाही,
    म्हणून तुम्ही बरे होणार नाही.
¹⁴ तुम्ही बऱ्याच राष्ट्रांचे मित्र झालात
    पण ती राष्ट्रे तुमची पर्वा करीत नाहीत.
    तुमचे ‘मित्र’ तुम्हाला विसरले आहेत.
मी शत्रूला दुखवावे, तसे तुम्हाला दुखविले आहे.
    मी तुम्हाला कडक शिक्षा केली.
तुमच्या भयंकर अपराधांसाठी मी हे केले.
    तुम्ही खूप पापे केलीत, म्हणून मी असे केले.
¹⁵ इस्राएल आणि यहूदा, तुमच्या जखमेबद्दल तुम्ही आरडाओरड का करता?
    तुमची जखम यातना देणारी आहे.
    पण त्यावर काही इलाज नाही.
मी, परमेश्वराने, तुमच्या भयंकर अपराधांबद्दल ह्या गोष्टी घडवून आणल्या.
    तुमची पापे खूप वाढली. म्हणून मी असे केले.
¹⁶ त्या राष्ट्रांनी तुमचा नाश केला.
    पण आता त्या राष्ट्रांचा नाश केला जाईल.
इस्राएल व यहूदा, तुमच्या शत्रूंना कैद केले जाईल.
त्या लोकांनी तुमच्या वस्तू चोरल्या.
    पण आता दुसरे लोक त्यांच्या वस्तू चोरतील.
युद्धात त्यांनी तुम्हाला लुटले.
    आता लढाईत इतर लोक त्यांना लुटतील.
¹⁷ मी तुम्हाला पुन्हा तंदुरूस्त करीन.
    तुमच्या जखमा मी बऱ्या करीन.”
    हा परमेश्वराकडून आलेला संदेश आहे.
“का? कारण दुसरे लोक म्हणतात तू बहिष्कृत आहेस.
    ते म्हणतात, ‘सियोनाची काळजी करणारे कोणीही नाही.’”

¹⁸ परमेश्वर म्हणतो,
“सध्या याकोबाची माणसे बंदिवासात आहेत.
    पण ती परत येतील.
    याकोबाच्या घरांची मला दया येईल.
सध्या नगरी म्हणजे पडक्या
    इमारतींनी भरलेली टेकडी आहे.
    पण नगरी पुन्हा बांधली जाईल.
राजाचा राजवाडाही योग्य जागी बांधला जाईल.
¹⁹ तेथील लोक स्तुतिस्तोत्रे गातील.
    तेथे हास्याच्या लहरी उठतील.
त्यांना मी पुष्कळ संतती देईन
    इस्राएल व यहूदा यांचा आकार लहान राहणार नाही
मी त्यांना मान मिळवून देईन.
    कोणीही त्यांना खाली पाहणार नाही.
²⁰ याकोबाचे घराणे पूर्वीच्या इस्राएलच्या घराण्याप्रमाणे होईल.
मी, इस्राएल आणि यहूदा, यांना सामर्थ्यशाली करीन
    आणि त्यांना इजा करणाऱ्यांना मी शिक्षा करीन.
²¹ त्यांच्यातीलच एक त्यांचे नेतृत्व करील.
    तो माझ्या माणसांपैकीच एक असेल.
मी सांगितल्यावरच लोक माझ्याजवळ येऊ शकतील.
मग मी त्या नेत्याला माझ्याजवळ यायला सांगीन आणि तो माझ्याजवळ येईल.
    तो मला जवळचा होईल.
²² तुम्ही लोक माझे व्हाल
    आणि ती तुमचा देव होईन.”

²³ परमेश्वर खूप रागावला होता.
    त्याने लोकांना शिक्षा केली.
शिक्षा वादळाप्रमाणे आली.
    त्या दुष्ट माणसांविरुद्ध शिक्षा तुफानाप्रमाणे आली.
²⁴ लोकांची शिक्षा पूर्ण होईपर्यंत
    परमेश्वराचा राग राहील.
परमेश्वराने ठरविलेली शिक्षा पूर्ण होईपर्यंत
    तो शांत होणार नाही.
यहूदाच्या लोकांनो,
    तो दिवस उजाडल्यावरच तुम्हाला हे समजेल.

² परमेश्वर म्हणतो:
“काही लोक शत्रूकडून मारले गेले नव्हते. ते लोक वाळवंटात आश्रय घेतील.
    इस्राएल विश्रांतीच्या अपेक्षेने तेथे जाईल.”
³ खूप लांबून परमेश्वर
    लोकांना दर्शन देईल.

परमेश्वर म्हणतो, “लोकांनो, मी तुमच्यावर प्रेम करतो आणि ते चिरंतन राहील.
    तुमची निष्ठा मी कायमची सांभाळीन.
⁴ इस्राएल, माझ्या वधू, मी तुझी पुन्हा निर्मिती करीन.
    तुझ्यातून देश निर्माण करीन.
तू तुझी खंजिरी उचलशील आणि मौजमजा करणाऱ्या
    इतर लोकांबरोबर नृत्यात सामील होशील.
⁵ इस्राएलमधील शेतकऱ्यांनो, तुम्ही पुन्हा द्राक्षाच्या बागा लावाल.
शोमरोन शहराच्या भोवतालच्या टेकडीवर
    तुम्ही द्राक्षवेलींची लागवड कराल.
त्या द्राक्षमळ्यातील
    पिकांचा तुम्ही आस्वाद घ्याल.
⁶ अशी एक वेळ येईल की पहारेकरी ओरडून
    पुढील आदेश देतील.
‘या, आपण परमेश्वर देवाची उपासना करण्यासाठी वर
    सियोनला जाऊ या.’
एफ्राईम या डोंगराळ प्रदेशातील पहारेकरीसुद्धा ओरडून हा संदेश देतील.”

⁷ परमेश्वर म्हणतो,
“आनंदित व्हा आणि याकोबासाठी गा.
    सर्व राष्ट्रांत अग्रेसर असलेल्या इस्राएलचा जयघोष करा.
स्तुतिस्तोत्रे गा व
    ‘परमेश्वराने त्याच्या लोकांना वाचविले ^[a] असे जाहीर करा.
    इस्राएलच्या जिवंत राहिलेल्या लोकांचे देवाने रक्षण केले.’
⁸ लक्षात ठेवा, मी त्या उत्तरेकडच्या देशातून इस्राएलला आणीन.
जगातील दूरदूरच्या ठिकाणाहून
    मी इस्राएलच्या लोकांना एकत्र करीन.
काही लोक आंधळे आणि पंगू असतील.
    काही बायका गर्भवती असतील आणि त्यांच्या प्रसूतींची वेळ आली असेल.
    पण खूप खूप लोक परत येतील.
⁹ ते लोक रडत परत येतील.
    पण मी त्यांचे नेतृत्व करीन व त्यांचे सांत्वन करीन.
मी त्यांना सोप्या वाटेने नेईन म्हणजे ते अडखळणार नाहीत.
मी त्यांना अशाच मार्गाने नेईन
    कारण मी इस्राएलचा पिता आहे
आणि एफ्राईम माझा पहिला मुलगा आहे.

¹⁰ “राष्ट्रांनो, परमेश्वराकडून आलेला संदेश ऐका!
समुद्राकडील दूरच्या देशांत हा संदेश पोहोचवा.
‘देवाने इस्राएलच्या लोकांना पांगविले.
    पण देव त्यांना पुन्हा गोळा करील
आणि तो आपल्या कळपावर (लोकांवर)
    मेंढपाळाप्रमाणे लक्ष ठेवील.’
¹¹ परमेश्वर याकोबाला परत आणील.
    परमेश्वराच्या लोकांपेक्षा बलवान असलेल्या लोकांपासून परमेश्वर त्याच्या लोकांचे रक्षण करील.
¹² इस्राएलचे लोक सियोनच्या शिखरावर येतील
    आणि आनंदाने आरोळ्या ठोकतील.
परमेश्वराने दिलेल्या चांगल्या गोष्टींमुळे
    त्यांचे चेहरे आनंदाने उजळतील.
परमेश्वर त्यांना धान्य, ताजा द्राक्षरस,
    ताजे तेल, कोकरे आणि गाई देईल.
भरपूर पाणी मिळालेल्या बागेप्रमाणे त्यांची स्थिती होईल.
    इस्राएलच्या लोकांना पुन्हा कधीही त्रास होणार नाही.
¹³ मग इस्राएलमधील तरुणी
    आनंदित होऊन नाचतील
आणि तरुण व वृद्ध
    त्यांच्या नाचात सामील होतील.
मी त्यांचे दु:खाचे सुखात रुपांतर करीन.
    मी इस्राएलच्या लोकांना समाधानात ठेवीन.
    मी त्यांच्या दु:खाचे सुखात रुपांतर करीन.
¹⁴ मी याजकांना भरपूर अन्न देईन.
    मी दिलेल्या चांगल्याचुंगल्या गोष्टींमुळे माझ्या लोकांचे समाधान होईल.”
हा परमेश्वराकडून आलेला संदेश आहे.

¹⁵ परमेश्वर म्हणतो,
“रामामधून आवाज ऐकू येईल.
    तो भयंकर आकांत असेल खूप शोक असेल.
राहेल आपल्या मुलांसाठी रडेल
    तिची मुले मेल्यामुळे ती कोणाकडूनही
    सांत्वन करुन घेणार नाही.”

¹⁶ पण परमेश्वर म्हणतो, “रडू नकोस!
    तुझे डोळे आसवांनी भरु नकोस
तुझ्या कामाबद्दल तुला बक्षीस मिळेल”
हा परमेश्वराकडून आलेला संदेश आहे.
“इस्राएलचे लोक त्यांच्या शत्रूंच्या देशातून परत येतील.
¹⁷ इस्राएल, तुला आशा आहे.”
हा परमेश्वराचा संदेश आहे.
    “तुझी मुले त्यांच्या स्वतःच्या देशात परत येतील.
¹⁸ एफ्राईमला रडताना मी ऐकले आहे.
    एफ्राईमला मी पुढील गोष्टी बोलताना ऐकले आहे.
    ‘परमेश्वर तू खरोखरच मला शिक्षा केलीस आणि मी धडा शिकलो.
    मी बेबंद वासराप्रमाणे होतो.
कृपा करुन मला शिक्षा करण्याचे थांबव.
    मी तुझ्याकडे परत येईन.
    तू खरोखरच, परमेश्वर, माझा देव आहेस.
¹⁹ परमेश्वरा, मी तुझ्यापासून भटकले होते.
    पण मी केलेली पापे मला कळली,
    म्हणून मी माझे मन आणि जीवन बदलले.
मी तरुण असताना केलेल्या मूर्खपणाच्या गोष्टींची मला लाज वाटते.
त्यामुळे मला ओशाळे वाटते.’”
²⁰ देव म्हणतो,
“एफ्राईम माझा लाडका मुलगा आहे,
    हे तुम्हांला माहीतच आहे मी त्याच्यावर प्रेम करतो.
हो! मी नेहमीच एफ्राईमवर टीका केली.
    पण तरीही मला त्याची आठवण येते.
तो मला अतिशय प्रिय आहे
    आणि मी खरोखरच त्यांच्यावर दया करतो.”
हा परमेश्वराकडून आलेला संदेश आहे.

²¹ “इस्राएलच्या लोकानो, रस्त्यांवर खुणांचे फलक लावा.
    घराकडे जाणाऱ्या वाटेवर खूण करा.
वाटेवर लक्ष ठेवा.
    तुम्ही ज्या रस्त्यावरुन जात आहात.
    त्याचे स्मरण ठेवा.
इस्राएल माझ्या पत्नी, घरी ये.
    तुझ्या गावांना परत ये.
²² तू विश्वासघातकी मुलगी होतीस.
    पण तू बदलशील.
    तू घरी येण्याआधी किती वेळ वाट बघशील?

“परमेश्वराने अघटित निर्माण केले आहे.
    स्त्रीला पुरुषाभोवती फिरु दिले.” ^[b]

‘पण त्याची चव मात्र मुलांना चाखावी लागली.
    ही म्हण लोक पुन्हा कधीही वापरणार नाहीत.’

³⁶ परमेश्वर पुढील गोष्टी सांगतो,
“इस्राएलचे वंशज कधीही राष्ट्र बनल्याखेरीज राहणार नाहीत.
    सूर्य, चंद्र, तारे व समुद्र ह्यांच्यावरील माझे नियंत्रण ढळले, तरच असे होणे शक्य आहे.”

³⁷ परमेश्वर म्हणतो, “मी इस्राएलच्या वंशजांना कधीही नाकारणार नाही.
    लोक जर आकाशाचे मोजमाप करु शकले किवा पृथ्वीच्या पोटातील सर्व रहस्ये जाणू शकले, तरच हे घडणे शक्य आहे.
    तरच मी इस्राएलच्या वंशजांना नाकारीन.
त्यांनी केलेल्या दुष्कृत्यांबद्दल, मगच मी त्यांना दूर करीन.”
हा परमेश्वराचा संदेश आहे.