Old/New Testament

² जर वाळवंटात माझी धर्मशाळा असती
    तर मी माझ्या लोकांना सोडून त्यांच्यापासून खूप दूर जाऊ शकलो असतो.
का? कारण त्यांनी सर्वांनी देवाचा विश्वासघात केला आहे.
    ते देवाच्या विरुद्ध गेले आहेत.

³ “ते त्यांच्या जिभा धनुष्यासारख्या वापरतात.
    त्यातून खोट्याचे बाण उडतात.
ह्या भूमीवर, सत्य नव्हे, तर असत्य, खोटे बलवान झाले आहे,
हे लोक एका पापाकडून दुसऱ्या पापाकडे जातात.
    त्यांना माझे ज्ञान नाही.”
परमेश्वर असे म्हणाला आहे.

⁴ “तुमच्या शेजाऱ्यावर नजर ठेवा.
    तुमच्या स्वतःच्या भावावरसुध्दा विश्वास ठेवू नका का?
कारण प्रत्येक भाऊ लबाड आहे.
    प्रत्येक शेजारी चहाडखोर आहे.
⁵ प्रत्येकजण आपल्या शेजाऱ्याशी खोटे बोलतो,
    कोणीही खरे बोलत नाही.
यहूदाच्या लोकांनी आपल्या जिभांना
    खोटे बोलण्यास शिकविले आहे
त्यांना परत येणे अशक्य होईपर्यंत
    त्यांनी पाप केले.
⁶ एका वाईट गोष्टीमागून दुसरी वाईट गोष्ट आली.
    खोट्यामागून खोटे आले.
    लोकांनी मला जाणून घ्यायचे नाकारले.”
परमेश्वराने ह्या सर्व गोष्टी सांगितल्या.

⁷ म्हणून, सर्वशाक्तिमान परमेश्वर म्हणतो:
“धातू शुद्ध आहे की नाही हे बघण्यासाठी कामगार तो तापवितो.”
त्याप्रमाणे मी यहूदाच्या लोकांची परीक्षा घेईन.
    मला दुसरा पर्याय नाही.
    माझ्या लोकांनी पाप केले.
⁸ यहूदाच्या लोकांच्या जिभा टोकदार बाणाप्रमाणे आहेत.
    ते खोटे बोलतात.
प्रत्येकजण शेजाऱ्याशी वरवर चांगले बोलतो.
    पण गुप्तपणे तो शेजाऱ्यावर हल्ला करण्याचा बेत आखत आहे.
⁹ “मी आता यहूदाच्या लोकांना शिक्षा करावी.”
हा परमेश्वराकडून आलेला संदेश आहे.
“मी शिक्षा करावी अशा प्रकारचे ते लोक आहेत हे तुम्हाला माहीत आहे.
    त्यांना योग्य ती शिक्षा मी करावी.”

¹⁰ मी, यिर्मया, डोंगरासाठी आकांत करीन.
    मी वैराण शेतांसाठी शोकगीत गाईन.
    का? कारण सजीव सृष्टी नाहीशी केली गेली आहे.
तेथून आता कोणीही प्रवास करीत नाही.
    गुरांचे हंबरणे ऐकू येत नाही.
पक्षी दूर उडून गेले आहेत.
    प्राणी निघून गेले आहेत.

¹¹ “मी, परमेश्वर, यरुशलेम नगरी म्हणजे कचऱ्याचा ढीग करीन.
    मी कोल्ह्यांचे वसतिस्थान होईल.
मी यहूदातील नगरे नष्ट करीन.
    मग तेथे कोणीही राहणार नाही.”

¹² ह्या गोष्टी समजू शकण्याइतका सुज्ञ कोणी आहे का?
    परमेश्वराकडून शिकविला गेलेला कोणी आहे का?
परमेश्वराच्या संदेशाचे स्पष्टीकरण कोणी करु शकेल का?
    ह्या भूमीचा नाश का झाला?
    जेथे कोणीही जात नाही अशा वाळवंटासारखी ती का केली गेली?

¹³ परमेश्वराने ह्या प्रश्नांची उत्तरे दिली.
तो म्हणाला, “माझ्या शिकवणुकीला अनुसरायचे यहूदाच्या लोकांनी सोडून दिले.
मी त्यांना पाठ दिले.
    पण त्यांनी ऐकायचे नाकारले.
    ते माझ्या शिकवणुकीप्रमाणे वागले नाहीत.
¹⁴ यहूदातील लोक त्यांच्या मर्जीप्रमाणे
    जगले ते दुराग्रही होते.
बआल या खोट्या देवाला ते अनुसरले.
    त्यांच्या वडिलांनी त्यांना खोट्या देवांना अनुसरायला शिकविले.”

¹⁵ सर्वशक्तिमान परमेश्वर, इस्राएलचा देव म्हणतो,
“लवकरच मी यहूदाच्या लोकांना कडू अन्न खायला लावीन,
    विषारी पाणी प्यायला लावीन.
¹⁶ मी यहूदाच्या लोकांना दुसऱ्या राष्ट्रांतून विखरु टाकीन
त्यांनी किंवा त्यांच्या वडिलांनी पूर्वी कधीही ज्यांच्याबद्दल
    ऐकले नव्हते अशा परक्या देशांत ते राहतील.
मी तलवारी घेतलेले लोक पाठवीन.
    ते यहूदाच्या लोकांना ठार मारतील.
    सर्व लोकांचा नाश होईपर्यंत ते संहार करतील.”

¹⁷ सर्वशक्तिमान परमेश्वर असे म्हणतो,
“आता या गोष्टींचा विचार करा.
    प्रेतयात्रेच्या वेळी रडणाऱ्या भाडोत्री बायकांना बोलवा.
    त्या कामात वाकबगार असलेल्या स्त्रियांना बोलवा.
¹⁸ लोक म्हणतात,
‘त्या बायकांना लवकर येऊन आमच्यासाठी रडू द्या
मग आमचे डोळे भरुन येतील
    आणि अश्रूंचा पूर येईल.’

¹⁹ “सियोन मधून मोठ्याने रडण्याचा आवाज ऐकायला येतो आहे.
    ‘आपला खरोखरच नाश झाला
    आपली खरोखरच अप्रतिष्ठा झाली.
आता आपण आपली भूमी सोडलीच पाहिजे. कारण आपली घरे नष्ट केली गेली.
    आता ती दगडधोंड्यांचा ढिगारा झाली आहेत.’”

²⁰ आता, यहूदातील स्त्रियांनो, परमेश्वराकडून आलेला संदेश ऐका.
    परमेश्वराच्या तोंडचे शब्द ऐका.
देव म्हणतो, “तुमच्या मुलींना मोठ्याने रडायला शिकवा.
    प्रत्येक बाईला शोकगीत गाता आलेच पाहिजे.
²¹ ‘मृत्यू आला आहे.
तो चढून खिडक्यातून आत आला.
    मृत्यू राजवाड्यात आला.
रस्त्यांवर खेळणाऱ्या आमच्या मुलांकडे आला.
    सार्वजनिक ठिकाणी जमणाऱ्या तरुणांकडे तो आला.’

²² “यिर्मया, या गोष्टी सांग:
परमेश्वर म्हणतो, ‘मृत शरीरे खताप्रमाणे शेतांत पडतील.
    शेतकऱ्यांनी कापलेल्या धान्याप्रमाणे ती जमिनीवर पडतील.
    पण त्यांना गोळा करणारे कोणीही नसेल.’”
²³ परमेश्वर म्हणतो,
“शहाण्यांनी त्यांच्या शहाणपणाबद्दल,
    बलवानांनी त्यांच्या बळाबद्दल
व श्रीमंतांनी त्यांच्या पैशाबद्दल
    बढाई मारु नये.
असे परमेश्वर म्हणतो.
²⁴ पण कोणाला बढाईच मारायची असेल तर त्याला ह्या गोष्टीसाठी मारु द्या.
    तो मला ओळखायला शिकला म्हणून बढाई मारु द्या.
मी परमेश्वर आहे,
    मी कृपाळू व न्यायी आहे,
    जगात चांगल्या गोष्टी मी करतो
    आणि त्या गोष्टी मला आवडतात हे कळल्याबद्दल त्याला बढाई मारु द्या.”
हा परमेश्वराचा संदेश आहे.

“दुसऱ्या देशांतील लोकांचे अनुकरण करु नका.
    आकाशात दिसणाऱ्या काही खास गोष्टींना घाबरु नका.
या आकाशातील गोष्टी बघून दुसरे देश घाबरतात.
    परंतु तुम्ही अजिबात घाबरु नका.
³ त्या लोकांच्या चालीरीती अर्थशून्य आहेत.
त्यांच्या मूर्ती म्हणजे दुसरे काही नसून जंगलातील लाकडे आहेत
कामगार लाकूड पटाशीने छिनून त्या मूर्ती बनवितो.
⁴ ते लोक, त्या मूर्ती चांदीसोन्याने मढवून त्यांना सुंदर रुप देतात.
त्या खाली पडू नयेत म्हणून हातोड्याने
    खिळे मारुन घट्ट बसवितात.
⁵ इतर देशांतील अशा मूर्ती काकडीच्या
    मळ्यातील बुजगावण्यासारख्या आहेत.
त्या बोलू शकत नाहीत वा चालू शकत नाहीत.
    लोकांनाच त्या वाहून न्याव्या लागतात.
तेव्हा त्यांना घाबरु नका.
    त्या मूर्ती तुमचे वाईटही करु शकत नाहीत
व चांगलेही करु शकत नाहीत.”

⁶ परमेश्वर तुझ्यासारखा दुसरा कोणीही नाही.
    तू महान आहेस.
    तुझ्या नावातच मोठेपण व सामर्थ्य आहे.
⁷ परमेश्वर, प्रत्येक माणसाने तुझा आदर केला पाहिजे.
    तू सर्व राष्ट्रांचा राजा आहेस.
म्हणूनच सर्वाना आदरणीय आहेस त्या राष्ट्रांमध्ये काही शहाणी माणसे जरुर आहेत
    पण तुझ्या इतके सुज्ञ कोणीही नाही.

⁸ दुसऱ्या देशातील लोक मतिमंद आणि मूर्ख आहेत.
दीड दमडीच्या लाकडाच्या मूर्ती त्यांना उपदेश करतात.
⁹ ते लोक तार्शिशहून आणलेल्या चांदीचा
    आणि उफाजहून आणलेल्या सोन्याचा वापर करुन पुतळे बनवितात.
ह्या मूर्ती सुतार आणि सोनार घडवितात त्या मूर्तीवर ते निळ्या
आणि जांभळ्या रंगाचे कपडे चढवितात
    “शहाणे लोक” असे “देव” तयार करतात.
¹⁰ पण परमेश्वरच फक्त खरा देव आहे.
    खरा सजीव असा केवळ देवच आहें
    शाश्वत शासन करणारा असा तो राजा आहें
त्याला राग आल्यास पृथ्वी कंप पावते.
    त्याचा कोप देशांतील लोक सहन करु शकत नाहीत.

¹¹ परमेश्वर म्हणतो, “त्या लोकांना पुढील संदेश द्या.
    ‘त्या खोट्या देवांनी पृथ्वीची आणि स्वर्गाची निर्मिती केली नाही.
    ते स्वर्ग आणि पृथ्वीवरुन नाहीसे होतील.’”m

¹² ज्याने आपल्या सामर्थ्याने पृथ्वी निर्माण केली असा एकमेव देवच आहे.
    आपल्या ज्ञानाचा उपयोग करुन
त्याने जग निर्माण केलें आपल्या समंजसपणाच्या
    आधारे पृथ्वीवर आकाश पांघरले.
¹³ ढगांचा गडगडाट आणि
    आकाशातून पडणारा मुसळधार पाऊस ही देवाचीच करणी आहे.
पृथ्वीच्या प्रत्येक भागावरील आकाशात तो मेघ पाठवितो.
    पावसाबरोबर वीज पाठवितो.
    आपल्या भांडारातून वारा आणतो.

¹⁴ लोक अगदी मूर्ख आहेत.
    आपण निर्माण केलेल्या मूर्तीमुळेच सोनार मूर्ख बनविले जातात.
त्या मूर्ती म्हणजे फक्त असत्य आहे.
    ते फक्त थोतांडच ^[a] आहे
¹⁵ त्या मूर्ती शून्य किंमतीच्या आहेत.
    त्या खोट्या आहेत, न्यायदानाच्या वेळी त्यांचा नाश होईल.
¹⁶ पण याकोबाचा देव त्या मूर्तीसारखा नाही.
त्याने सर्व गोष्टींची निर्मिती केली
    आणि इस्राएलच्या वंशजांची, स्वतःचे खास लोक म्हणून निवड केली.
“सर्वशक्तिमान परमेश्वर” हेच देवाचे नाव.

¹⁹ अरेरे, मी (यिर्मया) फारच जखमी झालो.
    माझ्या जखमा भरुन येण्यासारख्या नाहीत.
तरीसुद्धा मी स्वतःलाच सांगतो, “हे माझे दु:ख
    मला पूर्णपणे भोगलेच पाहिजे.”
²⁰ माझ्या तंबूचा नाश झाला.
    तंबूचे सर्व दोर तुटले आहेत.
माझी मुले मला सोडून निघून गेली आहेत.
माझा तंबू उभारायला एकही माणूस उरला नाही.
    माझा निवारा बांधायला एकही माणूस शिल्लक नाही.
²¹ मेंढपाळ (नेते) मूर्ख आहेत.
    ते परमेश्वराचा शोध घेण्याचा प्रयत्नच करीत नाहीत.
ते शहाणे नाहीत.
    त्यामुळे त्यांचे कळप (लोक) इतस्ततः विखरुन हरवले आहेत.
²² मोठा आवाज ऐका!
    तो आवाज उत्तरेकडून येत आहे;
यहुदातील शहरांचा तो नाश करील.
    युहदाचे निर्जन वाळवंट होईल.
    तेथे कोल्ह्यांची वस्ती होईल.

²³ परमेश्वरा, माणसाच्या आयुष्यावर त्याचा स्वतःचा खरा हक्क नसतो, हे मला माहीत आहे.
    लोक भविष्याच्या योजना खरोखरच ठरवू शकत नाहीत.
²⁴ परमेश्वरा, आम्हाला सुधार!
    पण न्याय्य रीतीने सुधार!
रागाच्या भरात आम्हांला शिक्षा करु नकोस.
    नाही तर तू कदाचित् आमचा नाश करशील.
²⁵ तुला राग आला असेल,
    तर दुसऱ्या राष्ट्रांना शिक्षा कर.
ते तुला जाणत नाहीत वा मान देत नाहीत.
    ते तुझी उपासना करीत नाहीत.
त्या राष्ट्रांनी याकोबच्या कुटुंबाचा विनाश केला.
    त्यांनी इस्राएल नेस्तनाबूत केले
    आणि इस्राएलच्या भूमीचा नाश केला.

¹⁵ “माझी प्रेमिका (यहूदा) माझ्या घरात (मंदिरात) का?
    तिला तेथे येण्याचा काही अधिकार नाही.
    तिने बरीच पापे केली आहेत.
यहूदा, तुझी विशेष वचने आणि प्राण्यांचे बळी तुला विनाशापासून तारतील, असे तुला वाटते का?
    मला यज्ञ अर्पण करुन तू शिक्षा टाळू शकशील असे तुला वाटते का?”

¹⁶ “दिसावयास देखणे असणाऱ्या हिरव्यागार जैतुन झाडाचे नाव
    परमेश्वराने तुला दिले.”
पण जोराच्या वादळाने देव त्या झाडाला आग लावील
    आणि त्याच्या फांद्या जाळून टाकील.
¹⁷ सर्वशक्तिमान परमेश्वराने तुझे रोपटे लावले,
    आणि आता तोच तुझ्यावर संकटे येणार असे म्हणतो.
का? कारण इस्राएल आणि
    यहूदाच्या लोकांनी कुकर्मे केली.
त्यांनी “बआल” देवाला यज्ञ अर्पण केले
    म्हणून मला राग आला.