Old/New Testament

² परमेश्वर तुझे राज्य वाढवायला मदत करेल.
    तुझे राज्य सियोनपाशी सुरु होईल आणि ते तू तुझ्या शत्रूंवर त्यांच्या देशात जाऊन राज्य करशील.
³ तू तुझ्या सैन्याची जमवाजमव करशील
    त्यावेळी तुझे लोक स्वयंसेवक बनून दाखल होतील.
त्यांचा खास पोशाख परिधान करतील आणि भल्या पहाटे एकत्र जमतील.
    हे तरुण लोक जमिनीवर जसे दव पडते त्याप्रमाणे तुझ्याभोवती असतील. ^[a]

⁴ परमेश्वराने वचन दिले आहे
    आणि आता तो त्याचे मन बदलणार नाही.
“तू सदैव याजक राहिला आहेस
    मलकिसदेक होता तसा याजक तू आहेस.”

⁵ माझा प्रभु तुझ्या उजव्या बाजूला आहे.
    तो रागावेल तेव्हा इतर सर्व राजांचा पराभव करील.
⁶ देव सर्व राष्ट्रांचा न्यायनिवाडा करील.
    सर्व जमीन प्रेतांनी झाकली जाईल
    आणि बलवान राष्ट्रांच्या नेत्यांना देव शिक्षा करील.

⁷ राजा वाटेत झऱ्याचे पाणी पितो.
    तो खरोखरच त्याचे मस्तक उचलेल आणि अतिशय सामर्थ्यवान ^[b] होईल.

111 परमेश्वराची स्तुती करा जिथे चांगले लोक एकत्र येतात
    त्या सभेत मी परमेश्वराला अगदी मनापासून धन्यवाद दिले.
² परमेश्वर अद्भुत गोष्टी करतो देवाकडून येणाऱ्या
    चांगल्या गोष्टी लोकांना हव्या असतात.
³ देव खरोखरच तेजस्वी उत्कृष्ट आणि अद्भुत गोष्टी करतो.
    त्याचा चांगुलपणा सदैव असतो.
⁴ परमेश्वर कृपाळू आणि दयाळू आहे
    हे आपल्या लक्षात राहावे म्हणून देव अद्भुत गोष्टी करीत असतो.
⁵ देव त्याच्या भक्तांना अन्न देतो.
    देवाला त्याचा करार नेहमी आठवतो.
⁶ देवाने ज्या सामर्थ्यवान गोष्टी केल्या
    त्यावरुन तो आपल्या माणसांना त्यांची जमीन देत आहे हे कळून आले.
⁷ देव जे करतो ते चांगले आणि न्यायी असते.
    त्याच्या सर्व आज्ञांवर विश्वास ठेवणे शक्य असते.
⁸ देवाच्या आज्ञा सर्वकाळ असतात.
    त्या आज्ञा देण्यामागची देवाची कारणे खरी आणि शुध्द होती.
⁹ देव आपल्या माणसांना वाचवतो.
    देवाने आपला करार सर्वकाळासाठी केला, देवाचे नाव भीतिदायक आणि पवित्र आहे.
¹⁰ शहाणपणाची सुरुवात देवाबद्दलच्या भीतीने आणि आदराने होते.
    जे लोक देवाचे आज्ञाधारक असतात ते शहाणे असतात.
    देवाला सदैव स्तुतिगीते गायली जातील.

112 परमेश्वराची स्तुती करा.

जो माणूस परमेश्वराला भितो आणि त्याचा आदर करतो तो आनंदी राहील.
    त्या माणसाला देवाच्या आज्ञा आवडतात.
² त्याचे वंशज पृथ्वीवर महान होतील.
    चांगल्या लोकाच्या वंशजांना खरोखरच आशीर्वाद लाभतील.
³ त्या माणसाचे कुटुंब श्रीमंत होईल
    आणि त्याचा चांगुलपणा सदैव राहील.
⁴ चांगल्या लोकांना देव म्हणजे अंधारात चमकणारा प्रकाश वाटतो.
    देव चांगला, दयाळू आणि कृपाळू आहे.
⁵ माणसाने दयाळू आणि उदार असणे चांगले असते.
    माणसाने त्याच्या व्यापार उद्दोगात सचोटीने वागणे चांगले असते.
⁶ तो माणूस कधीही पडणार नाही.
    चांगला माणूस सदैव आठवणीत राहील.
⁷ त्याला वाईट बातमीची भीती वाटणार नाही.
    त्या माणसाचा विश्वास दृढ असेल कारण त्याचा परमेश्वरावर विश्वास आहे.
⁸ ज्याच्याजवळ दृढ विश्वास आहे त्याला भीती वाटणार नाही.
    तो त्याच्या शत्रूचा पराभव करेल.
⁹ तो माणूस सहजपणे गरीबांना वस्तू देतो
    आणि त्याचा चांगुलपणा सदैव असतो.
¹⁰ दुष्ट लोक हे बघतात आणि रागावतात.
    ते रागाने त्यांचे दांत खातील आणि
    नंतर ते नाहीसे होतील दुष्ट लोकांना जे खूप हवेहवेसे वाटते ते मिळणार नाही.