Old/New Testament

94 परमेश्वरा, तू लोकांना शासन करणारा देव आहेस.
    असा तू देव आहेस जो येतो आणि लोकांसाठी शासन आणतो.
² तू संपूर्ण पृथ्वीचा न्यायाधीश आहेस.
    गर्विष्ठ दुष्ट माणसांना योग्य अशी शिक्षा दे.
³ परमेश्वरा, दुष्ट लोक किती काळ मजा करीत राहाणार आहेत?
    परमेश्वरा किती काळ?
⁴ आणखी किती काळ हे गुन्हेगार त्यांनी केलेल्या
    गुन्ह्यांबद्दल गौरवोद्गार काढणार आहेत?
⁵ परमेश्वरा, ते तुझ्या माणसांना त्रास देतात.
    त्यांनी तुझ्या माणसांना यातना भोगायला लावल्या.
⁶ ते दुष्ट लोक विधवांना आणि आपल्या देशात आलेल्या परकीयांना ठार मारतात.
    ते अनाथ मुलांचा खून करतात.
⁷ आणि ते म्हणतात की या वाईट गोष्टी करताना परमेश्वर त्यांना बघत नाही.
    ते म्हणतात की जे काही घडते आहे ते इस्राएलाच्या देवाला माहीत नाही.

⁸ तुम्ही दुष्ट लोक, मूर्ख आहात.
    तुम्ही तुमचा धडा कधी शिकणार?
तुम्ही वाईट लोक किती मूर्ख आहात!
    तुम्ही समजण्याचा प्रयत्न केलाच पाहिजे.
⁹ देवानेच आपले कान केलेत
    तेव्हा त्यालाही कान असलेच पाहिजेत
आणि जे काही घडते ते तो ऐकू शकतो.
    देवानेच आपले डोळे केलेत.
तेव्हा त्यालाही डोळे असलेच पाहिजेत
    आणि जे काही घडते ते तो पाहू शकतो.
¹⁰ देव त्या लोकांना शिस्त लावेल.
    देव लोकांना काय करायचे ते शिकवेल.
¹¹ लोक काय विचार करतात ते देवाला माहीत असते.
    लोक म्हणजे वाऱ्याचा झोत आहे हे देवाला माहीत आहे.

¹² परमेश्वर ज्या माणसाला शिस्त लावेल तो सुखी होईल.
    देव त्या माणसाला जगण्याचा योग्यमार्ग शिकवेल.
¹³ देवा, तू त्या माणसाला संकटात शांत राहाण्यास शिकवशील.
    तू त्या माणसाला वाईट लोक थडग्यात जाईपर्यंत शांत राहाण्यास मदत करशील.
¹⁴ परमेश्वर त्याच्या माणसांना सोडून जाणार नाही.
    तो त्याच्या माणसांना मदत केल्याशिवाय सोडून जाणार नाही.
¹⁵ न्याय प्रस्थापित होईल आणि तो न्यायीपणा आणेल आणि
    नंतर प्रामाणिक आणि चांगले लोक तेथे येतील.

¹⁶ वाईट लोकांशी लढायला मला कोणीही मदत केली नाही.
    वाईट कृत्य करणाऱ्या लोकांशी लढण्यासाठी माझ्या बरोबरीने कोणीही उभे राहिले नाही.
¹⁷ आणि जर परमेश्वराने मला मदत केली
    नसतीतर मी मेलो असतो.
¹⁸ मी पडायला आलेलो आहे हे मला माहीत आहे,
    पण परमेश्वराने त्याच्या भक्तांना आधार दिला.
¹⁹ मी खूप चिंताग्रस्त आणि उदास होतो.
    परंतु परमेश्वरा, तू माझे सांत्वन केलेस.

²⁰ देवा, तू दुष्ट न्यायाधीशांना मदत करीत नाहीस.
    ते वाईट न्यायाधीश कायद्याचा दुरुपयोग करुन लोकांचे आयुष्य कठीण करतात.
²¹ ते न्यायाधीश चांगल्या माणसांवर हल्ला करतात.
    ते निरपराधी लोक अपराधी आहेत असे म्हणतात आणि त्यांना ठार मारतात.
²² परंतु परमेश्वर माझी उंच पर्वतावरची सुरक्षित जागा आहे.
    देव माझा खडक माझी सुरक्षित जागा आहे.
²³ देव त्या दुष्ट न्यायाधीशांना त्यांनी केलेल्या वाईटकृत्याबद्दल शिक्षा करेल.
    त्यांनी पाप केले म्हणून देव त्यांचा नाश करेल.
    परमेश्वर आपला देव त्या दुष्ट न्यायाधीशांचा सर्वनाश करेल.

95 चला, परमेश्वराची स्तुती करु या.
    जो खडक आपल्याला वाचवतो त्याचे गुणगान करु या.
² परमेश्वराला धन्यावाद देणारी गाणे गाऊ या.
    त्याला आनंदी स्तुती गीते गाऊ या.
³ का? कारण परमेश्वर मोठा देव आहे,
    इतर “देवांवर” राज्य करणारा तो महान राजा आहे.
⁴ सगळ्यांत खोल दऱ्या आणि
    सर्वांत उंच पर्वत परमेश्वराचे आहेत.
⁵ महासागरही त्याचाच आहे-त्यानेच तो निर्मिर्ण केला.
    देवाने स्वःतच्या हाताने वाळवंट निर्माण केले.
⁶ चला, आपण त्याची वाकून उपासना करु या.
    ज्या देवाने आपल्याला निर्माण केले त्याची स्तुती करु या.
⁷ तो आपला देव आहे आणि आपण त्याची माणसे.
    आपण जर त्याचा आवाज ऐकला तर आपण त्याची मेंढरे होऊ.

⁸ देव म्हणतो, “तू मरिबात आणि मस्साच्या वाळवंटात
    जसा हटवादी होतास तसा होऊ नकोस.
⁹ तुझ्या पूर्वजांनी माझी परीक्षा पाहिली,
    त्यांनी माझी पारख केली आणि मी काय करु शकतो ते त्यांना दिसले.
¹⁰ मी त्या लोकांच्या बाबतीत चाळीस वर्षे सहनशील राहिलो
    आणि ते प्रमाणिक नव्हते हे मला माहीत आहे.
    त्या लोकांनी माझी शिकवण आचरणात आणायचे नाकारले.
¹¹ म्हणून मी रागावलो आणि शपथ घेतली की
    ते माझ्या विसाव्याच्या जागेत प्रवेश करणार नाही.”

96 परमेश्वराने ज्या नवीन गोष्टी केल्या त्यांची स्तुती करण्यासाठी नवे गाणे गा.
    सगळ्या जगाने परमेश्वराच्या स्तुतीचे गाणे गावे.
² परमेश्वराला गाणे गा.
    त्याच्या नावाचा जयजयकार करा.
चांगली बात्तमी सांगा.
    तो रोज आपला उध्दार करतो ते सांगा.
³ लोकांना सांगा की देव खरोखरच अद्भुत आहे.
    देव सगळीकडे ज्या विस्मयजनक गोष्टीकरतो त्याबद्दल सांगा.
⁴ परमेश्वर महान आहे आणि स्तुतीला योग्य आहे.
    तो इतर “देवांपेक्षा” भयंकर आहे.
⁵ इतर देशांतले “देव” केवळ पुतळे आहेत.
    पण परमेश्वराने मात्र स्वर्ग निर्माण केला.
⁶ त्याच्या समोर सुंदर तेजोवलय असते.
    देवाच्या पवित्र मंदिरात शक्ती आणि सौंदर्य असते.
⁷ कुटुंबानो आणि राष्ट्रांनो,
    परमेश्वरासाठी स्तुतीपर आणि गौरवपर गीते गा.
⁸ परमेश्वराच्या नावाचा जयजयकार करा.
    तुमची अर्पणे घेऊन मंदिरात जा.
⁹ परमेश्वराची त्याच्या सुंदर मंदिरात उपासना करा.
    पृथ्वीवरचा प्रत्येक माणूस परमेश्वराची उपासना करो.
¹⁰     सगळ्या राष्ट्रांना सांगा की परमेश्वर राजा आहे म्हणून जगाचा नाश होणार नाही.
परमेश्वर लोकांवर न्यायाने राज्य करेल.
¹¹ स्वर्गांनो, सुखी राहा!
    पृथ्वीमाते आनंदोत्सव कर.
    समुद्र आणि त्यातील प्राण्यांनो आनंदोत्सव करा.
¹² शेते आणि त्यात उगवणारे सर्व सुखी व्हा.
    जंगलातल्या वृक्षांनो गा आणि सुखी व्हा.
¹³ परमेश्वर येत आहे म्हणून आनंदी व्हा.
    परमेश्वर जगावर राज्य करायला येत आहे.
तो जगावर न्यायाने आणि सत्याने राज्य करेल.

“ज्यांना त्याचे वर्तमान आले नाही ते ऐकतील
    आणि ऐकले नाही ते समजतील.” ^(A)