Old/New Testament

91 तुम्ही लपण्यासाठी परात्पर देवाकडे जाऊ शकता.
    तुम्ही संरक्षणासाठी सर्वशक्तिमान देवाकडे जाऊ शकता.
² मी परमेश्वराला म्हणतो, “तू माझी सुरक्षित जागा आहेस, माझा किल्ला,
    माझा देव आहेस मी तुझ्यावर विश्वास ठेवतो.”
³ देव तुम्हाला अवचित् येणाऱ्या संकटांपासून
    आणि भयानक रोगांपासून वाचवेल.
⁴ तुम्ही रक्षणासाठी देवाकडे जाऊ शकता.
    पक्षी जसा आपले पंख पसरुन पिल्लांचे रक्षण करतो तसा
    तो तुमचे रक्षण करील देव तुमचे रक्षण करणारी ढाल आणि भिंत असेल.
⁵ रात्री तुम्हाला घाबरण्यासारखे काहीही नसेल
    आणि तुम्हाला दिवसाही शत्रूंच्या बाणांची भीती वाटणार नाही.
⁶ अंधारात येणाऱ्या रोगाची किंवा दुपारी येणाऱ्या भयानक
    आजाराची तुम्हाला भीतीवाटणार नाही.
⁷ तुम्ही 1,000 शत्रूंचा पराभव कराल,
    तुमचा उजवा हात 10,000 शत्रू सैनिकांचा पराभव करेल.
    तुमचे शत्रू तुम्हाला स्पर्शसुध्दा करु शकणार नाहीत.
⁸ तुम्ही नुसती नजर टाकलीत तरी
    त्या दुष्टांना शिक्षा झालेली तुम्हाला दिसेल.
⁹ का? कारण तुम्ही परमेश्वरावर विश्वास ठेवता.
    परात्पर देवाला तुम्ही तुमची सुरक्षित जागा बनवले आहे.
¹⁰ तुमचे काहीही वाईट होणार नाही.
    तुमच्या घरात रोगराई असणार नाही.
¹¹ देव तुमच्यासाठी त्याच्या दूतांना आज्ञा देईल
    आणि तुम्ही जिथे जिथे जाल तिथे ते तुमचे रक्षण करतील.
¹² तुम्हाला दगडाची ठेच लागू नये म्हणून
    ते त्यांच्या हातांनी तुम्हाला धरतील.
¹³ तुमच्याजवळ सिंहावरुन आणि
    विषारी सापांवरुन चालण्याची शक्ती असेल.
¹⁴ परमेश्वर म्हणतो, “जर एखादा माणूस माझ्यावर विश्वास ठेवेल, तर मी त्याचे तारण करीन.
    जे माझे अनुयायी माझी उपासना करतात त्यांचे मी रक्षण करतो.
¹⁵ माझे भक्त मला मदतीसाठी हाक मारतात आणि मी त्यांना ओ देतो.
    ते संकटात असतील तेव्हा मी त्यांच्याजवळ असेन.
    मी त्यांची सुटका करीन आणि त्यांना मान देईन.
¹⁶ मी माझ्या भक्तांना खूप आयुष्य देईन.
    आणि त्यांना वाचवीन.”

⁹ परमेश्वरा, तुझ्या सगळ्या शत्रूंचा नाश होईल.
    वाईट गोष्टी करणाऱ्या सर्व लोकांचा नाश होईल.
¹⁰ पण तू मला बलवान बनवशील.
    मी ताकदवान शिंग असलेल्या मेंढ्यासारखा असेन.
पण तू माझी माझ्या खास कामासाठी निवड केलीस.
    तू तुझे ताजेतवाने करणारे तेल माझ्यावर ओतलेस.
¹¹ मी माझे शत्रू माझ्याभोवती बघतो.
ते भल्या मोठ्या बैलाप्रमाणे माझ्यावर चालकरुन येण्याच्या तयारीत आहेत.
    ते माझ्याबद्दल काय बोलतात ते मी ऐकतो.

^12-13 परंतु चांगला माणूस वाढणाऱ्या खजुराच्या झाडाप्रमाणे असतो.
    चांगला माणूस लबानोनमधल्या मोठ्या देवदार वृक्षासारखा असतो.
चांगली माणसे परमेश्वराच्या मंदिरात लावलेल्या मजबूत वृक्षासारखी असतात.
    आमच्या देवाच्या मंदिरातील अंगणात ती झपाट्याने वाढतील.
¹⁴ ते जुने झाल्यावरही फळे देत राहातील.
    ते सशक्त हिरव्या झाडासारखे असतील.
¹⁵ परमेश्वर चांगला आहे हे प्रत्येकाला दाखवण्यासाठी ती (चांगली माणसे) तेथे आहेत
    तो माझा खडक असून तो काहीही चुकीचे करत नाही.

93 परमेश्वर राजा आहे.
    त्याने ऐश्वर्य आणि सामर्थ्य वस्त्राप्रमाणे पांघरले आहे.
तो सज्ज आहे त्यामुळे सर्व जग सुरक्षित आहे.
    ते कंपित होणार नाही.
² देवा, तुझे राज्य कायमचे अस्तित्वात राहिले आहे.
    देवा, तू सदैव जीवंत आहेस.
³ परमेश्वरा, नद्यांचा आवाज प्रचंड मोठा आहे.
    आदळणाऱ्या लाटांचा आवाज खूप मोठा आहे.
⁴ समुद्राच्या आदळणाऱ्या लाटा फार ताकदवान आहेत आणि
    त्यांचा आवाज खूप मोठा आहे.
    परंतु वरचा परमेश्वर अधिक ताकदवान आहे.
⁵ परमेश्वरा, तुझे नियम सदैव राहातील. ^[a]
    तुझे पवित्र मंदिर खूप काळ उभे राहील.

“म्हणून विदेशी लोकांमध्ये मी तुझे उपकार मानीन.
    आणि तुझ्या नावाची स्तुति करीन.” ^(A)

“विदेशी लोकांनो, देवाच्या निवडलेल्या लोकांबरोबर आनंद करा.” ^(B)

“अहो सर्व विदेशी लोकांनो, प्रभूचे स्तवन करा
    आणि सर्व लोक त्याची स्तुति करोत.” ^(C)

“इशायाचे मूळ प्रगट होईल,
    ते राष्ट्रावर राज्य करावयास उत्पन्र होईल.
ती राष्ट्रे त्याच्यावर आपला विश्वास ठेवतील.” ^(D)