Old/New Testament

⁴ शत्रूंनी मंदिरात युध्द गर्जना केल्या.
    ते युध्द जिंकले आहे हे दाखविण्यासाठी त्यांनी मंदिरात झेंडे फडकवले.
⁵ फावड्याने गवत कापणाऱ्यासारखे
    शत्रुचे सैनिक दिसत होते.
⁶ देवा, त्यांनी कुऱ्हाडीचा आणि हातोडीचा उपयोग करुन
    तुझ्या मंदिरातील कोरीव काम तोडून टाकले.
⁷ त्या सैनिकांनी तुझे पवित्र स्थान जाळून टाकले.
    तुझ्या नावाला गौरव प्राप्त करुन देण्यासाठी
    ते मंदिर बांधले होते पण त्यांनी ते मातीत मिळवले.
⁸ शत्रूंनी आमचा संपूर्ण नाश करायचे ठरवले.
    त्यांनी देशातील प्रत्येक पवित्र स्थान जाळून टाकले.
⁹ आम्हाला आमचे एकही चिन्ह दिसू शकले नाही.
    आता कोणी संदेष्टे राहिले नाही.
    कुणालाही काय करावे ते कळत नाही.
¹⁰ देवा, आणखी किती काळ शत्रू आमची चेष्टा करणार आहेत?
    तू त्यांना कायमचीच तुझ्या नावाचा अनादर करायची परवानगी देणार आहेस का?
¹¹ देवा, तू आम्हाला इतकी मोठी शिक्षा का दिलीस?
    तू तुझी महान सत्ता वापरलीस आणि आमचा संपूर्ण नाश केलास.
¹² देवा, तू खूप काळापासून आमचा राजा आहेस
    या देशात लढाया जिंकायला तू आम्हाला मदत केलीस.
¹³ देवा, लाल समुद्र दुभागण्यासाठी
    तू तुझ्या शक्तीचा उपयोग केलास.
¹⁴ समुद्रातल्या मोठ्या राक्षसांचा तू पराभव केलास लिव्याथानाचे डोके तू ठेचलेस
    आणि त्याचे शरीर प्राण्यांना खाण्याकरता ठेवून दिलेस.
¹⁵ तू नद्या नाल्यांना पाणी आणतोस
    आणि तूच नद्या कोरड्या करतोस.
¹⁶ देवा, तू दिवसावर आणि रात्रीवर नियंत्रण ठेवतोस.
    सूर्य आणि चंद्र तूच निर्माण केलेस.
¹⁷ पृथ्वीवरील प्रत्येक गोष्ट तूच सीमित केलीस.
    तूच उन्हाळा आणि हिवाळा निर्माण केलास.
¹⁸ देवा, या गोष्टींची आठवण ठेव.
    शत्रूंनी तुझा प्राण उतारा केला ते लक्षात असू दे.
    ती मूर्ख माणसे तुझ्या नावाचा तिरस्कार करतात.
¹⁹ त्या जंगली प्राण्यांना तुझे कबुतर घेऊ देऊ नकोस.
    तुझ्या गरीब माणसांना कायमचे विसरु नकोस.
²⁰ आपला करार आठव या देशातील
    प्रत्येक अंधाऱ्या कोपऱ्यात हिंसा आहे.
²¹ देवा, तुझ्या माणसांना वाईट वागणुक मिळाली.
    त्यांना आणखी दु:ख होणार नाही असे पाहा.
    गरीब आणि असहाय्य लोक तुझी स्तुती करतात.
²² देवा, ऊठ! आणि युध्द कर!
    त्या मूर्खांनी तुला आव्हान दिले याची आठवण ठेव.
²³ तुझ्या शत्रूंच्या आरोळ्या विसरु नकोस
    त्यांनी तुझा पुन्हा पुन्हा अपमान केला आहे.

² देव म्हणतो “मी न्यायदानाची वेळ निवडली,
    मी बरोबर न्याय करीन.
³ पृथ्वी आणि तिच्यावरील सारे काही थरथर कापेल
    आणि पडायला येईल पण मी त्याला स्थिरता देईन.”

^4-5 “काही लोक गर्विष्ठ असतात.
    ते शक्तीशाली आणि महत्वपूर्ण आहेत असे त्यांना वाटते,
परंतु मी त्यांना सांगतो, ‘फुशारक्या मारु नका.
    एवढे गर्विष्ठ बनू नका.’”

⁶ या पृथ्वीवर एखाद्या व्यक्तीला मोठा बनवू शकेल
    अशी कोणतीही शक्ती नाही. ^[a]
7 देव न्यायाधीश आहे. कोणी मोठे व्हायचे ते देवच ठरवतो.
    देव एखाद्याला वर उचलतो आणि त्याला मोठे बनवतो.
    देव एखाद्याला खाली उतरवतो आणि त्याला मोठा करत नाही.
⁸ देव दुष्टांना शासन करण्यास तयार आहे.
    परमेश्वराच्या हातात पेला आहे.
तो पेला विषयुक्त द्राक्षारसाने भरलेला आहे.
    तो तो द्राक्षारस ओतेल आणि दुष्ट लोक तो शेवटच्या थेंबापर्यंत पितील.
⁹ मी नेहमी लोकांना याबद्दल सांगेन.
    मी इस्राएलाच्या देवाचे गुणगान करीन.
¹⁰ मी दुष्टांकडून सत्ता काढून घेईन
    आणि मी चांगल्या लोकांकडे सत्ता देईन.

⁴ देवा, तू ज्या डोंगरावर शत्रूचा पराभव केलास
    त्या डोंगरावरुन परतताना तू वैभवशाली दिसतोस.
⁵ त्या सैनिकांना आपण खूप बलवान आहोत असे वाटत होते.
    परंतु आता ते रणांगणावर मरुन पडले आहेत.
त्यांची शरीरे आता त्यांच्या जवळच्या वस्तू ओरबाडल्या गेल्यामुळे उघडी पडली आहेत.
    या शूर सैनिकांपैकी कुणीही स्वत:चे रक्षण करु शकला नाही.
⁶ याकोबाचा देव त्या सैनिकांवर ओरडला
    आणि ते सैन्य त्यांचा रथ आणि घोडे यांच्यासकट मरुन पडले.
⁷ देवा, तू भयकारी आहेस.
    तू रागावतोस तेव्हा तुझ्याविरुध्द कुणीही उभा राहू शकत नाही.
^8-9 परमेश्वर न्यायाधीश म्हणून उभा ठाकला.
    त्याने त्याचे निर्णय जाहीर केले.
देवाने देशातल्या दीन लोकांना वाचवले त्याने स्वर्गातून निर्णय दिला.
    सर्व पृथ्वी शांत आणि घाबरलेली होती.
¹⁰ तू जेव्हा दुष्टांना शिक्षा करतोस, तेव्हा देवा लोक तुला मान देतात.
    तू तुझा क्रोध दाखवतोस आणि वाचलेले लोक शक्तिमान होतात.

¹¹ लोकहो! तुम्ही तुमच्या परमेश्वराला, देवाला वचने दिलीत.
    आता तुम्ही जी वचने दिलीत ती पूर्ण करा.
प्रत्येक ठिकाणचे लोक देवाला घाबरतात आणि त्याला मान देतात.
    ते देवासाठी भेटी आणतात.
¹² देव मोठ्या नेत्यांचा सुध्दा पराभव करतो.
    पृथ्वीवरचे सर्व राजे त्याला घाबरतात.

“जे माझे लोक नव्हते,
    त्यांना मी माझे लोक म्हणेन.
आणि ज्या स्त्रीवर प्रीति केली नव्हती
    तिला प्रिय म्हणेन.” ^(A)

²⁶ “आणि असे होईल की,
    जेथे ‘तुम्ही माझे लोक नाहीत’
    असे म्हटले होते तेथे त्यांना जिवंत देवाची मुले म्हणण्यात येईल.” ^(B)

“जरी इस्त्राएलाविषयी मुलांची संख्या
    समुद्राच्या वाळूसारखी असली तरी त्यांच्यातील
फक्त थोडेच तारण पावतील.
²⁸     कारण पूर्ण करुन व आटोपते घेऊन प्रभु पृथ्वीवर आपला शब्द अंमलात आणील.” ^(C)

“जर सेनाधीश परमेश्वराने
    आम्हांसाठी बीज राहू दिले नसते तर
आम्ही सदोम
    आणि गमोरासारखे झालो असतो.” ^(D)

“पाहा मी सीयोनात अडखळण्याचा दगड
    आणि अपाय करणारा खडक ठेवतो.
परंतु जो त्याच्यावर विश्वास ठेवतो
    तो लज्जित होणार नाही.” ^(E)