Old/New Testament

43 देवा तुला न अनुसरणारा एक माणूस इथे आहे.
    तो कपटी आहे आणि तो खोटे बोलतो देवा मी बरोबर आहे हे सिध्द कर.
    माझा बचाव कर.
    मला त्या माणसापासून वाचव.
² देवा, तू माझे सुरक्षित स्थान आहेस
    तू मला का सोडलेस?
माझ्या शत्रूंपासून कशी सुटका करायची ते
    तू मला का दाखवले नाहीस?
³ देवा, तुझा प्रकाश आणि सत्य माझ्यावर उजळू दे तुझा प्रकाश आणि सत्य मला मार्ग दाखवेल.
    ते मला तुझ्या पवित्र डोंगराकडे नेतील.
    ते मला तुझ्या घराकडे नेतील.
⁴ मी देवाच्या वेदीजवळ जाईन
    मला अत्यंत सुखी करणाऱ्या देवाकडे मी येईन.
देवा, माझ्या देवा मी तुझी वीणा वाजवून स्तुती करीन.

⁵ मी इतका खिन्न का आहे?
    मी इतका का तळमळतो आहे?
मी देवाच्या मदतीची वाट पहायला हवी.
    मला देवाची स्तुती करायची आणखी संधी मिळेल.
    तो मला वाचवेल.

⁹ परंतु देवा, तू आम्हाला सोडून गेलास.
    तू आम्हाला अडचणीत टाकलेस तू आमच्याबरोबर लढाईत आला नाहीस.
¹⁰ तू आमच्या शत्रूंना आम्हाला मागे रेटू दिलेस.
    शत्रूंनी आमची संपत्ती घेतली.
¹¹ तू आम्हाला मेंढ्यासारखे खायचे अन्न म्हणून देऊन टाकले.
    तू आम्हाला राष्ट्रांमध्ये इतस्तत: विखरुन टाकले.
¹² देवा, तू आम्हाला कवडीमोलाने विकलेस.
    तू किंमतीसाठी घासाघीस देखील केली नाहीस.
¹³ तू शेजाऱ्यांमध्ये आमचे हसे केलेस.
    आमचे शेजारी आम्हाला हसतात.
    ते आमची मस्करी करतात.
¹⁴ आम्ही म्हणजे लोकांनी सांगितलेली हसवणूक आहोत,
    ज्यांना स्वत:चा देश नाही असे लोकही आम्हाला हसतात आणि मान हलवतात.
¹⁵ मी लाजेने वेढला गेलो आहे.
    दिवसभर मला माझी लाज दिसते.
¹⁶ माझ्या शत्रूंनी मला अडचणीत आणले
    माझे शत्रू माझी चेष्टा करुन जशास तसे वागायचा प्रयत्न करतात.
¹⁷ देवा, आम्ही तुला विसरलो नाही तरीही तू आम्हाला या सगळ्या गोष्टी करतोस
    आम्ही तुझ्याबरोबर केलेल्या करारनाम्यावर सही केली तेव्हा खोटे बोललो नाही.
¹⁸ देवा, आम्ही तुझ्यापासून दूर गेलो नाही.
    आम्ही तुझा मार्ग चोखाळणे बंद केले नाही.
¹⁹ परंतु देवा, तू आम्हाला कोल्हे राहातात त्या जागेत चिरडलेस,
    मृत्यूसारख्या अंधाऱ्याजागेत तू आम्हाला झाकलेस.
²⁰ आम्ही आमच्या देवाचे नाव विसरलो का?
    आम्ही परक्या देवाची प्रार्थना केली का? नाही.
²¹ देवाला खरोखरच या गोष्टी माहीत असतात.
    त्याला आपल्या ह्रदयातल्या अगदी आतल्या गुप्त गोष्टीही माहीत असतात.
²² देवा आम्ही रोज तुझ्यासाठी मारले जात आहोत.
    मारण्यासाठी नेल्या जाणाऱ्या मेंढ्यांप्रमाणे आम्ही आहोत.
²³ प्रभु, ऊठ तू का झोपला आहेस?
    ऊठ आम्हाला कायमचा सोडून जाऊ नकोस.
²⁴ देवा, तू आमच्यापासून लपून का राहात आहेस?
    तू आमची दु:ख आणि संकट विसरलास का?
²⁵ तू आम्हाला घाणीत ढकलून दिले आहेस
    आम्ही धुळीत ^[a] पोटावर पडलो आहोत.
²⁶ देवा, ऊठ! आम्हाला मदत कर.
    मेहेरबानी करुन आम्हाला वाचव.

² तू कोणाही पेक्षा खूप सुंदर आहेस.
    तू चांगला वक्ता आहेस,
    म्हणून देव तुला सदैव आशीर्वाद देईल.
³ तुझी तलवार म्यानात ठेव हे सर्वशक्तीमान,
    तुझा गौरवशाली गणवेश परिधान कर.
⁴ तू खूप अद्भूत दिसतोस जा आणि चांगल्यासाठी व न्यायासाठी होत असलेली लढाई जिंकून ये.
    तुझा बलवान उजवा हात विस्मयजनक गोष्टी करण्यासाठी वापर.
⁵ तुझे बाण तीक्ष्ण आहेत.
    तू खूप लोकांचा पराभव करशील ते तुझ्यापुढे जमिनीवर पडतील.
⁶ देवा ^[b] तुझे सिंहासन नेहमी साठी आहे.
    चांगुलपणा हा तुझा राजदंड आहे.
⁷ तुला चांगुलपणा आवडतो
    आणि तू वाईटाचा तिरस्कार करतो म्हणून देवा,
    तुझ्या देवाने तुलाच तुझ्या मित्रांचा ^[c] राजा निवडले.
⁸ तुझ्या वस्त्रांना बोळ, अगरु, ऊद आणि दालचिनी यांचा सुगंध येतो.
    हस्तिदंताने अच्छादलेल्या महालातून तुला आनंदीत करण्यासाठी संगित ऐकू येते.
⁹ राजांच्या मुली करवल्या आहेत.
    तुझी वधू तुझ्या उजव्या हाताला शुध्द सोन्याचा मुगुट धारण करुन उभी आहे.

¹⁰ मुली, माझे ऐक, लक्षपूर्वक ऐक म्हणजे तुला कळेल.
    तुझी माणसे आणि तुझ्या वडिलांचे कुटुंबयांना विसरुन जा.
¹¹ राजाला तुझे सौंदर्य आवडते.
    तो तुझा नवा नवरा (स्वामी) असेल.
    तू त्याला मान देशील.
¹² सोराचे लोक तुझ्यासाठी भेटी आणतील.
    श्रीमंत लोक तुला भेटायची इच्छा धरतील.

¹³ राजकन्या म्हणजे एक किमती
    आणि सोन्यात मढवलेला सुंदर हिरा आहे.
¹⁴ सुंदर वस्त्रप्रावरणांनी सजलेल्या वधूला राजाकडे नेले जाते.
    तिच्या करवल्या तिच्या मागून जातात.
¹⁵ त्या अतिशय आनंदात आहेत.
    आनंदविभोर होऊन त्या राजाच्या राजवाड्यात प्रवेश करतात.

¹⁶ राजा, तुझी मुले तुझ्यानंतर राज्य करतील.
    तू त्यांना तुझ्या संपूर्ण राज्याचे अधिपती करशील.
¹⁷ मी तुझे नाव सदैव प्रसिध्द राहील असे करीन.
    लोक सदैव तुझी स्तुती करतील.