◀ All Reading Plans / Old/New Testament / Job 25-27 Acts 12 (Awadhi Bible: Easy-to-Read Version)

Prev Day

July 2, 2004

Next Day

Use the calendar to view readings from this devotional.

July 2004
Su	Mo	Tu	We	Th	Fr	Sa
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Return to today's reading

Old/New Testament

Each day includes a passage from both the Old Testament and New Testament.

Duration: 365 days

अय्यूब 25-27

बिल्दद क अय्यूब क जवाब

25 फिन सूह प्रदेस क निवासी बिल्दद जवाब देत भए कहेस।

²“परमेस्सर सासक अहइ
    अउर हर मनई क चाही कि परमेस्सर स डेराइ अउर ओकर मान करइ।
    परमेस्सर आपन सरग क राज्ज मँ सान्ति राखत ह।
³कउनो आपन फउजन क गन नाहीं सकत ह,
    परमेस्सर क प्रकास सब पइ चमकत ह।
⁴मुला फुरइ परमेस्सर क अगवा कउनो मनई उचित नाहीं ठहर सकत ह।
    कउनो मनई जउन मेहरारु स पइदा भवा होइ फुरइ निर्दोख नाहीं होइ सकत ह।
⁵परमेस्सर क आँखिन क समन्वा चाँद तलक चमकीला नाहीं अहइ।
    परमेस्सर क आँखिन क समन्वा तारन निर्मल नाहीं अहइँ।
⁶मनई तउ बहोत कम भला अहइँ।
    मनई तउ बस कीरा अहइ एक ठु अइसा कीरा जउन बेकार क होत ह।”

अय्यूब क बिल्दद क जवाब

26 तब अय्यूब कहेस।

²“हे बिल्दद, सोपर अउर एलीपज़ जउन लोग दुर्बल अहइँ तू फुरइ ओनका सहारा देइ सकत ह।
    अरे हाँ, तू दुर्बल बाहँन क फुन स सक्तीसाली बनाया ह।
³हाँ तू निर्बुध्दि क सम्मति दिहा ह।
    कइसा महागियान तू देखाँया ह।
⁴इ बातन क कहइ मँ कउन तोहर मदद किहस?
    केकर आतिमा तोहका प्रेरणा दिहस।?

⁵“जउन लोगन मरि गवा अहइँ ओनकर आतिमा
    धरती क खाले पानी मँ भय स बहोत काँपति अहइँ।
⁶मउत क जगह परमेस्सर क आँखी क समन्वा खुली अहइ,
    परमेस्सर क अगवा विनास क जगह ढका नाहीं अहइ।
⁷परमेस्सर उत्तरी अकासे क खाली जगह पइ फइलावत ह।
    परमेस्सर खाली जगह मँ धरती लटकाएस ह।
⁸परमेस्सर घने बादरन क पानी स भरत ह,
    मुला पानी क भारी भार स बादरन क फाटइ नाहीं देत ह।
⁹परमेस्सर पूरा चन्दमा क ढाँपत ह,
    परमेस्सर चाँद पइ आपन बादर फइलावत ह अउर ओका ढाँकि लेत ह।
¹⁰परमेस्सर छितिज क रचत ह
    प्रकास अउ अँधिरा क सीमा रेखा क रुप मँ समुन्ददर पइ।
¹¹जब परमेस्सर डाँटत ह तउ उ सबइ नेवंन जउने पइ आकास टिका अहइ
    डर स काँपइ लागत हीं।
¹²परमेस्सर क सक्ती सागर क सांत कइ देत ह।
    परमेस्सर क बुध्दि राहब^[a] क नस्ट किहस।
¹³परमेस्सर क साँस अकास क साफ पकइ देत ह।
    परमेस्सर क हाथ उ साँप क मारि दिहस जउन पराइ जाइ क जतन किहेस।
¹⁴इ सबइ तउ परमेस्सर क अजूबा कारजन क तनिक सी बातन अहइँ।
    बस हम थोड़के परमेस्सर क अवाज क फुसफुसाहट क सुनित ह।
    मुला फुरइ कउनो मनई परमेस्सर क सक्ती क गर्जन क नाहीं समुझ सकत ह।”

27 फुन अय्यूब कहइ क जारी राखेस। उ कहेस,

²“फुरइ परमेस्सर जिअत ह अउर इ जेतँना सच अहइ कि परमेस्सर जिअत ह
    फुरइ उ वइसेन ही मोरे बोर अनिआउ स भरा रहा अहइ।
हाँ! सर्वसक्तीसाली परमेस्सर मोरे जीवन मँ कड़वाहट भरेस ह।
³    मुला जब तलक मोहमाँ प्राण अहइ
    अउर परमेस्सर क साँस मोहे मँ अहइ।
⁴तब तलक मोरे होंठ झूठी बातन नाहीं बोलिहीं,
    अउर मोर जिभिया कबहुँ झूठ नाहीं बोली।
⁵मइँ कबहुँ न मानब कि तू लोग सही अहा।
    जब तलक मइँ मरब उ दिन तलक कहत रहब कि मइँ निर्दोख हउँ।
⁶मइँ आपन धार्मिक भाव क मजबूती क थामे रहब।
    मइँ कबहुँ उचित करम करब मोर चेतना मोका तंग नाहीं करी जब तलक मइँ जिअत हउँ।
⁷मोरे दुस्मनन क दुस्ट जइसा बनइ दया,
    अउर ओनका सजा पावइ द्या जइसे दुस्ट लोग दण्डित होत हीं।
⁸अइसे उ मनई बरे मरत वक्त कउनो आसा नाहीं अहइ जउन परमेस्सर क परवाह नाहीं करत ह।
    जब परमेस्सर ओकर प्राण लेइ तब भी ओकरे बरे कउनो आसा नाहीं अहइ।
⁹जब उ बुरा मनई बुरा दुःखी पड़ी अउर ओका पुकारी,
    परमेस्सर नाहीं सुनी।
¹⁰ओका चाही कि उ उ आनन्द क चाहइ जेका सिरिफ सर्वसाक्तीमान परमेस्सर देत ह।
    ओका चाही कि उ हर समइ परमेस्सर स पराथना करत रहा।

¹¹“मइँ तोहका परमेस्सर क सक्ती सिखाउब।
मइँ सर्वसक्तीसाली परमेस्सर क योजनन क नाहीं छिपाउब।
¹²खुद तू आपन अँखिन स परमेस्सर क सक्ती लख्या ह,
तउ काहे तू बेकार क बातन बोलत ह?

¹³“दुस्ट लोगन बरे अइसी जोजना बनाया ह।
    दुस्ट लोगन क सर्वसक्तीसाली परमेस्सर स अइसा ही मिली।
¹⁴दुस्ट क चाहे केतँनी ही सन्तानन होइँ, मुला ओकर संतानन जुद्ध मँ मारी जइहीं।
    दुस्टन क सन्तानन कबहुँ भरपेट खाना नाहीं पइहीं।
¹⁵अउर अगर दुस्टन क सन्तानन ओकरी मउत क पाछे भी जिअत रहइँ तउ महामारी ओनका मारि डाई।
    ओकर राँड़ ओनके बरे दुःखी नाहीं होइहीं।
¹⁶दुस्ट जन चाहे चाँदी क ढेर बटोरइँ, एतना बड़का ढेर जेतँना माटी क ढूहा होत ह,
    माटी क ढूहन जइसे ओढ़ना होइँ ओकरे लगे।
¹⁷जउने ओढ़नन क दुस्ट मनई जुटावत रहा ओन ओढ़नन क सज्जन पहिरी,
    दुस्ट क चाँदी निर्दोखन मँ बँटी।
¹⁸दुस्ट क बनावा घर जियादा दिनन नाहीं टिकत ह,
    उ मकड़ी जाल जइसा या कउनो चौकीदार क झोपड़ी जइसा कमजोर होत ह।
¹⁹दुस्ट लोग आपन खुद क दौलत क संग आपन बिछउना पइ सोवइ जात ह,
    मुला एक अइसा दिन आइ जब उ फुन बिस्तरे मँ वइसे ही नाहीं जाइ पाई।
    जब उ आँखी खोली तउ ओकर सम्पत्ति जाइ चुकी होइ।
²⁰दुःख ओका बाढ़ क जइसा ढाँक लेइहीं,
    रातउ रात तूफान ओका उड़ाइ लइ जाइ।
²¹पुर वइया हवा ओका दूर उड़ाइ देइ,
    तुफान ओका ओकरे घरे क बाहेर खींचली।
²²तूफान ओह पइ बगैर दाया किए भए पइ आइ अउर उ ओमँ स दुर भागइ क जतन करी।
    मुला लपेटके मारि।
²³जब दुस्ट मनई पराई, लोग ओह पइ तालियन बजाइहीं,
    दुस्ट जन जब निकरिके पराइ, अपने घरे स तउ लोग ओह पइ सीटियन बजइहीं।”

प्रेरितन क काम 12

हेरोदेस क कलीसिया प जुल्म

12 उहइ समइया क लगभग राजा हेरोदेस कलीसिया क कछू निअंबर क सताउब सुरू किहेस। ²उ यूहन्ना क भाई याकूब क तरवार स कतल कराइ दिहेस। ³उ जब इ लखेस कि इ बात स यहूदी खुस होत हीं तउ उ पतरस क भी गिरफतार करइ बरे सोचेस (इ बे खमीरे क रोटी क उत्सव क दिनन क बात अहइ) ⁴हेरोदेस पतरस क धइके जेलि मँ धाँध दिहेस। ओका चार चार सिपाहियन क कतार क पहरा लगाइ दीन्ह गवा। मतलब इ रहा कि ओह प मुकदमा चलावइ बरे फसह क त्यौहार पाछे ओका मनइयन क समन्वा बाहेर लइ आवा जाइ। ⁵तउ पतरस क जेल मँ रोक दीन्ह गवा। ओहर कलीसिया हिरदय स ओकरे बरे परमेस्सरस पराथना करत रही।

जेल स पतरस क छूटब

⁶जब हरोदेस मुकदमा चलावइ बरे ओका बाहेर लोगन क सामने लइ आवइ क रहा, उ रात पतरस दुइ सिपाहियन क बीच सोवा रहा। उ दुइ जंजीरे स बँधा रहा अउर दुआर प पहरुआ जेल क रखवारी करत रहेन। ⁷एकाएक पर्भू क सरगदूत हुँवा आइके खड़ा भवा, जेल क खोली रोसनी स जगमगाइ उठी। उ पतरस क बगली थपथपाएस अउर ओका जगावत भवा कहेस, “हाली, खड़ा ह्वा!” जंजीर ओकरे हाथ मँ खुलके गिरि गइ। ⁸तबहिं सरगदूत ओका कहेस, “तइयार ह्वा अउर आपन चप्पल पहिरा।” तउ पतरस वइसा ही किहेस। सरगदूत ओका फिन कहेस, “आपन चोगा पहिरा अउर मोरे पाछे चला आवा।”

⁹फिन ओकरे पाछे-पाछे पतरस बाहेर निकरि आवा। उ समुझ नाहीं पाएस कि सरगदूत जउन कछू करत रहा, उ फुरइ रहा। उ बिचारेस कि उ कउनो दर्सन लखत अहइ। ¹⁰पहिले अउर दूसर पहरे क छोड़िके आगे बढ़त भवा उ पचे लोहा क उ फाटक प आइ गएन जउन सहर कइँति जात रहा। उ फाटक ओनकइ बरे खुद ही खुलि गवा। अउर उ पचे बाहेर निकरि गएन। उ पचे अबहिं गली क पार किहेन कि उ सरगदूत एकाएक ओका छोड़ि गवा।

¹¹फिन पतरस क जइसे होस आवा, उ बोला, “अब मोरी समझ मँ आवा ह कि असल मँ फुरइ अहइ कि पर्भू आपन सरगदूत क पठइके हेरोदेस क पंजा स मोका छुटकारा दियाएस ह। यहूदी लोग मोह प जउन कछू बुरा होइ क सोचत रहेन, ओहसे उहइ मोका बचाएस ह।”

¹²जब उ इ समझ गवा तउ उ यूहन्ना क महतारी मरियम क घर चला गवा। (यूहन्ना जउन मरकुस भी कहवावत ह।) हुँवा ढेर मिला बटुरा रहेन अउर पराथना करत रहेन। ¹³पतरस दुआरे क बाहेर स खटखटाएस ओका लखइ रूदे ऩाउँ क एक दासी हुँवा आइ। ¹⁴पतरस क अवाज क पहिचान के खुसी क मारे ओकरे बरे फाटक बगैर खोले भए उ उलटिके भीतर दउड़ आइ अउर उ बताएस कि पतरस दुआरे प खड़ा अहइ। ¹⁵उ पचे ओसे बोलेन, “तू पागल होइ गइ अहा।” मुला उ जोर दइके कहतइ रही कि इ अइसा ही अहइ। ऍह पॅइ उ पचे कहेन, “उ ओकर सरगदूत होइ।”

¹⁶ओहर पतरस दुआर खटखटावत ही रहा। फिन उ पचे जब दुआर खोलेन तउ उ पचे अचरज मँ पड़ि गएन। ¹⁷ओनकइ हाथे स चुप रहइ क इसारा करत भए उ खोलिके बताएस कि पर्भू ओका जेलि स कइसे बाहेर निकारेस ह। उ कहेस, “याकूब अउर दूसर भाइयन क इ बारे मँ बताइ दिहा।” अउर तब उ ठहुर क तजिके कउनो दूसर स्थान प चला गवा।

¹⁸जब भोर भवा तउ पहरुअन मँ बड़ी खलबली मचि गइ। उ पचे अचरज मँ पड़ा सोचत रहेन कि पतरस क संग का भवा होइ। ¹⁹ऍकरे पाछे हेरोदेस जब ओकर छानबीन कइ चुका अउर उ ओका नाहीं मिला तउ उ आपन पहरुअन स पूछताछ किहेस अउर ओनका मारि डावइ क हुकुम दिहेस।

हेरोदेस क मउत

हेरोदेस फिन यहूदिया स जाइके कैसरिया मँ रहइ लाग। हुँवा उ कछू समइ बिताएस। ²⁰उ सूर अउर सैदा क मनइयन स बहोत कोहान रहत रहा। उ पचे एक झुण्ड बनइके ओसे भेंटइ आइ रहेन। राजा क खुद क सेवक बलास्तुस क मान मनउवल कइके उ पचे हरोदेस स सांति क पराथना किहेन काहेकि ओनकइ देस क राजा क देस स खाइक मिलत रहा।

²¹एक निहचत दिन हेरोदेस आपन राजसी वेस-भूसा पहिरिके आपन सिंहासन प बइठा अउर मनइयन क बियाख्यान देइ लाग। ²²लोग चिचियाने, “इ तउ कउनो देवता क बानी अहइ, मनई क नाहीं।” ²³काहेकि हेरोदेस परमेस्सर क महिमा नाहीं दिहेस, यह बरे फउरन पर्भू क एक दूत ओका बीमार कइ दिहेस। अउर ओहमाँ किरवा परि गएन जउन खाइ लागेन अउर उ मरि गवा।

²⁴मुला परमेस्सर क बचन क प्रचार होत रहा अउर उ फइलत जात रहा अउर बिसवासियन की संख्यि बढ़त जात रही।

²⁵बरनाबस अउर साऊल आपन काम पूरा कइके मरकुस कहवावइवाला यूहन्ना का भी संग लइके अन्ताकिया लौटि आएऩ।

Awadhi Bible: Easy-to-Read Version (ERV-AWA)