Old/New Testament

यरदन नदी क पूरब क परिवार समूहन

32 रूबेन अउ गाद परिवार समूहन क लगे ढेर तदाद मँ मवेसियन रहेन। ओनॅ मनइयन याजेर अउ गिलाद क निचके क धरती लखेन। उ पचे बिचारेन कि उ धरती ओनके गोरु बरे ठीक अहइ। ² एह बरे रूबेन अउ गद परिवार समूहन क लोग मूसा क निअरे आएन। उ पचे मूसा, याजक एलीआज़ार अउ मनइयन क नेता लोगन स बात किहेन। ^3-4 उ पचे कहेन, “आपक सेवक हम सबन क लगे भारी तदाद मँ गोरु अहइँ। अउर उ भुइयाँ जेका परमेस्सर हम लोगन क जीतइ अउर कब्जा करइ क दिहस, गोरूअन बरे एक ठू बाढ़ियाँ चरागाह अहइ। इ पहँटा मँ अतारोत, दीबोन, याजेर, हेसबोन, एलाले सबाम, नबो, बोन सामिल अहइँ। ⁵ अगर आप लोगन क रजामन्दी होइ तउ हम पचे चाहब कि इ पहँटा हम पचन क दीन्ह जाइ। हम लोगन क यरदन नदी क दूसर कइँती न लइ जाइँ।”

⁶ मूसा रूबेन अउ गाद क परिवार समूहन स पूछेस, “का तू पचे हिआँ बसब्या अउ आपन भाइयन क हिआँ स जाइ अउ जुद्ध करइ देब्या? ⁷ तू पचे इस्राएल क लोगन क उत्साह काहे भंग करइ चाहत बाट्या? होइ सकत ह उ पचे यरदन नदी क पार जउन पहँटा यहोवा ओनका दिसह ह नाहीं लेइ चाहीं। ⁸ तोहार बाप अउ दादा मोरे संग अइसा ही किहन। जब मइँ कादेसबनेर् स जासूसन क प्रदेस क छान-बीन करइ पठएउँ रहेउँ। ⁹ उ पचे ऍस्कोल घाटी तलक गएन। उ सबइ प्रदेस क लखेन। अउर उ सबइ इस्राएल क लोगन क उ धरती प जाइ क उत्साह भंग कइ दिहस। उ पचे इस्राएल क लोगन क उ पहँटा मँ जाइ क इच्छा नाहीं करइ दिहन जेहसे यहोवा ओनका दइ दिहे रहा। ¹⁰ यहोवा मनइयन प बहोतइ कोहान। यहोवा इ कठोर निसेध अग्या क बनाएस: ¹¹ ‘मिस्र स आवइ वालन लोगन अउ बीस बरिस या जियादा उमर क कउनो भी मनई क उ भूइँया क जेकरे बरे मइँ इब्राहीम, इसहाक अउ याकूब क बचन दिहेउँ रहा। लखइ क आग्यिा नाहीं होब्या। मइँ इ भूइँया क लोगन क देइ क बचन दिहेउँ रहा। मुला उ पचे मोर ठीक तरह नाहीं मानेन। एह बरे उ पचे इ भूइँया क न पइहीं। ¹² सिरिफ कनजी यपुन्ने क पूत कालेब अउर नून क पूत यहोसू यहोवा क पूरी तरह मानेस।’

¹³ “यहोवा इस्राएल क लोगन क खिलाफ बहोतइ कोहान रहा। एह बरे यहोवा मनइयन क 40 बरिस तलक रेगिस्तान मँ रोके रहा। यहोवा ओनका तब तलक रोके रहा, जब ताई उ पचे यहोवा क खिलाफ पाप किहे रहेन, मर नाहीं गएन। ¹⁴ अउर अब तू पचे उहइ करत अहा जउन तोहार पुरखन किहन ह। अरे पापियो! का तू चाहत ह कि यहोवा इस्राएल क लोग क खिलाफ अउ जियादा कोहाइ जाइ? ¹⁵ अगर तू पचे ओकर पाछा करइ स मुड़ि जाब्या तउ यहोवा इस्राएल क अउर जियादा समइ तलक रेगिस्ताने मँ ठहराइ देइ। तब तू इ सब मनइयन क नास कइ देब्या।”

¹⁶ मुला रूबेन अउ गाद परिवार समूहन क लोग मूसा क लाग गएन। उ सबइ कहेन, “हिआँ हम पचे आपन गदेलन बरे सहर अउ आपन गोरुअन बरे बाड़ा बनउबइ। ¹⁷ तब हमार गदेलन दूसर लोगन स सुरच्छित रइहीं जउन इ प्रदेस मँ रहत हीं। मुला ह पचे खुसी स अगवा बढ़िके इस्राएल क लोगन क मदद करब। हम लोग ओनका ओनके देस मँ लइ जाब। ¹⁸ हम पचे तब तलक घर नाहीं लउटब जब तलक हर एक मनई इस्राएल मँ आपन धरती क हींसा पाइ जात। ¹⁹ हम लोग यरदन नदी क पच्छिम मँ कउनो धरती नाहीं लेब, हम सबन क धरती क हींसा यरदन नदी क पूरब ही बाटइ।”

²⁰ तउ मूसा ओनसे कहेस, “जदि तू पचे इ सब करब्या तउ इ रेगिस्तान तू पचन क होइ। मुला तोहरे फउजियन क यहोवा क समन्वा जुद्ध मँ जाइ चाही। ²¹ तोहरे सिपाहियन क यरदन नदिया पार करइ चाही अउ दुस्मनन क उ देस तजि देइ बरे मजबूर करइ चाही। ²² जब हम सबन क धरती पावइ मँ यहोवा मदद कइ चुकइँ तब तू सबइ घर जाइ सकत ह। तब यहोवा अउ इस्राएल तोहका अपराधी नाहीं मनिहीं। तब यहोवा तू पचन क इ पहँटा लइ लेइ देइहीं। ²³ मुला अगर तू सबइ इ बातन पूरी नाहीं करत्या तउ तू लोग यहोवा क खिलाफ पाप करब्या। अउर उ गाँठ बाँधा कि तू आपन पाप खातिर सजा पउब्या। ²⁴ आपन गदेलन बरे सहर अउ गोरुअन बरे बाड़ा बनावा। मुला ओकरे पाछे ओका पूरा करा जेका करइ क तू पचे बचन दिहे अहा।”

²⁵ तब गाद अउ रूबेन परिवार समूहन क लोग मूसा स कहेन, “हम पचे आप क सेवक अही। आप हमार सुआमी अहइँ। एह बरे हम लोग उहइ करब जउन आप कहत हीं। ²⁶ हमार मेहरारु, गदेलन अउ हमार गोरुअन गिलाद नगर मँ रइहीं। ²⁷ मुला आपक सेवक हम यरदन नदी क पार करब। मुला हम पचे यहोवा क समन्वा आपन सुआमी क कहे क मुताबिक जुद्ध मँ कूदि पड़ब।”

²⁸ मूसा याजक एलीआज़ार, नून क पूत यहोसू अउ इस्राएल क परिवार समूहन क सबहिं नेतागणन क ओकरे बारे मँ हुकुम दिहस। ²⁹ मूसा ओनसे कहेस, “गाद अउ रूबेन क मनई यरदन नदी क पार करिहीं। उ पचे यहोवा क अगवा जुद्ध मँ धावा बोलिहीं। उ सबइ देस जीतइ मँ तोहार मदद करिहीं। अउर तू पचे गिलाद क प्रदेस ओनके हींसा क रूप मँ ओनका दोब्या। ³⁰ मुला जदि उ पचे आपन सिपाहियन क तोहार संग पार नाहीं भेजइ तउ होइ सकत ह कि उ कनान प्रदेस मँ तोहार लोगन क बीच सिरिफ पैतृक सम्पत्ति ही पाइ।”

³¹ गाद अउ रूबेन क लोग जवाब दिहन, “हम पचे उहइ करइ क बचन देत अही जउन यहोवा क हुकुम अहइ। ³² हम पचे यरदन नदी पार करब अउ कनान देस प यहोवा क समन्वा धावा बोलब। अउ हमरे देस क हींसा यरदन नदी क पूरब क धरती होइ।”

³³ इ तरह मूसा उ प्रदेस क कछू भाग गाद क लोगन, रूबेन क लोगन अउ मनस्से परिवार समूहन क आधे लोगन क दिहस। (मनस्से यूसुफ क पूत रहा।) उ प्रदेस मँ एमोरियन क राजा सिहोन क राज्ज अउ बसान क राजा ओग क राज्ज मिला रहा। उ प्रदेस मँ उ इलाका क चारहों कइँती क सहर भी मिला रहेन।

³⁴ गाद क मनइयन दीबोन, अतारोत, अरोएर, ³⁵ अत्रौत, सोपान, याजेर, योगबहा, ³⁶ बेतनिम्रा अउ बेथारान सहरन क बनाएन। उ पचे मजबूत चहर-देवार क संग सहरन क बनाएस अउ आपन गोरुअन क बाड़ा बनाएन।

³⁷ रूबेन क मनइयन हसबोन, एलाले, किर्यातैन, ³⁸ नबो, बालमोन अउर तित्पा सहर। उ दूसर सहरन क नाउँ दिहस जेका उ बनाए। मुला नेबो अउ बाल मिआँन क नवा नाम स पुकारेस।

³⁹ मनस्से परिवार समूह क सन्तान माकीर स जन्मा लोग गिलाद क गएन। उ पचे सहर क हराएन। उ पचे ओन एमोरी क हराएन जउन हुवाँ रहत रहेन। ⁴⁰ एह बरे मनस्से क परिवार समूह क माकीर बरे मूसा गिलाद दिहस। एह बरे ओकर परिवार हुवाँ बस गवा। ⁴¹ मनस्से क परिवार समूह क यैर नान्ह-नान्ह सहरन जेका हेवोल याईर कहा जात ह क जीत लिहस ह। ⁴² तउ नोबह कनात अउ ओकरे लगे क नान्ह-नान्ह सहरन क हराएस। तब उ उ ठउर क नाउँ आपन नाउँ प नोबह धरेस।

मिस्र स इस्राएलियन क जात्रा

33 इ सबइ इस्राएली लोगन क जात्रा अहइ जउन उ मूसा अउ हारून क अगवाइ मँ आपन परिवार समूहन क संग मिस्र स बाहर आएन। ² मूसा ओनँ जात्रन क बारे मँ लिखे अहइ जेनका यहोवा हुकुम दिहेस रहा। उ सबइ जात्रा हिआँ दर्ज अहइँ:

³ पहिले महीना क पन्द्रहवाँ दिन उ पचे रामसेस तजेन। फसह क पाछे भिन्सारे इस्राएल क मनइयन बिजयी क संग मिस्र स बाहेर गएन। मिस्र क सब मनइयन लखेन। ⁴ मिस्र क लोग आपन पहिलौठा पूतन क दफनावत रहेन जेका परमेस्सर मार डाए रहेन। परमेस्सर मिस्र क देवता लोगन क खिलाफ आपन निर्णय देखाए रहा।

⁵ इस्राएल क लोग रामसेस क तजि दिहेन अउ सुक्कोत मँ सिबिर डाएन। ⁶ सुक्कोत स उ पचे एताम क जात्रा किहेन। हुवाँ प लोगन रेगिस्तान क छोर प सिबिर डाएन। ⁷ उ सबइ एताम क तजेन अउ पीहहीरोत क गएन। इ बालसपोन क लगे रहा। उ सबइ मिगदोल क लगे सिबिर डाएन।

⁸ लोगन पीहीरोत तजि दिहेन अउ समुद्दर क बीच स चलेन। तब उ पचे तीन दिन तलक एथम रेगिस्तान स होइके चलेन। लोगन मरा मँ सिबिर डाएन।

⁹ लोगन मरा क तजि दिहेन अउ एलीम मँ सिबिर डाएन। हुवाँ प बारह पानी क झरना रहेन अउ 70 खजूर क बृच्छ रहेन।

¹⁰ लोग एलीम तजेन अउ लाल-सागर क लगे सिबिर डाएन।

¹¹ लोग लाल-सागर तजेन अउ सीन रेगिस्तान मँ सिबिर डाएन।

¹² लोग सीन रेगिस्तान क तजेन अउ दोपका मँ सिबिर डाएन।

¹³ लोग दोपका तजेन अउ आलूस मँ सिबिर डाएन।

¹⁴ लोग आलुस तजेन अउ रपीदीम मँ सिबिर डाएन। हुवाँ लोग क पानी पिअइ बरे नाहीं रहा।

¹⁵ लोग रपीदीम तजेन अउ सिनाइ रेगिस्तान मँ सिबिर डाएन।

¹⁶ लोग सिनाइ रेगिस्तान तजेन अउ किब्रोथत्ताबा मँ सिबिर डाएन।

¹⁷ लोग किब्रोत्तावा तजेन अउ हसेरोत मँ सिबिर डाएन।

¹⁸ लोग हसेरोत क तजेन अउ रित्मा मँ सिबिर डाएन।

¹⁹ लोग रित्मा क तजेन अउ रिम्मोनपेरेस मँ सिबिर डाएन।

²⁰ लोग रिम्मोनपेरेस क तजेन अउ लिब्ना मँ सिबिर डाएन।

²¹ लोग लिब्ना तजेन अउ रिस्सा मँ सिबिर डाएन।

²² लोग रिस्सा तजेन अउ कहेलाता मँ सिबिर डाएन।

²³ लोग कहेलाता तजेन अउ सेपेर पहाड़े प सिबिर डाएन।

²⁴ लोग सेपेर पहाड़ तजेन अउ हरादा मँ सिबिर डाएन।

²⁵ लोग हरादा तजेन अउ मखेलोत मँ सिबिर डाएन।

²⁶ लोग मखेलोत तजेन अउ तहत मँ सिबिर डाएन।

²⁷ लोग तहत तजेन अउ तेरह मँ सिबिर डाएन।

²⁸ लोग तेरह तजेन अउ मित्का मँ सिबिर डाएन।

²⁹ लोग मित्का तजेन अउ हसमोना मँ सिबिर डाएन।

³⁰ लोग हसमोना तजेन अउ मोसेरोत मँ सिबिर डाएन।

³¹ लोग मोसेरोत तजेन अउ बने-याकन मँ सिबिर डाएन।

³² लोग बने-याकन तजेन अउ हाँर होर्हग्गिदगाद मँ सिबिर डाएन।

³³ लोग होर्हग्गिदगाद तजेन अउ योताबात मँ सिबिर डाएन।

³⁴ लोग योतबात तजेन अउ अब्रोना मँ सिबिर डाएन।

³⁵ लोग अब्रोना तजेन अउ एस्योनगेबेर मँ सिबिर डाएन।

³⁶ लोग एस्योनगेबेर तजेन अउ सीने रेगिस्तान मँ कादेस मँ सिबिर डाएन।

³⁷ लोग कादेस तजेन अउ होर मँ सिबिर डाएन। इ एदोम देस क सिवाने प एक पहाड़ रहा। ³⁸ याजक हारून यहोवा क आग्या मानेस अउ उ हॉर पहाड़े प चढ़ा। हारून पाँचवाँ महीना क पहिले दिन मरा। उ मिस्र क इस्राएल क लोगन क जरिया तजि देइ क चालिसवाँ बरिस रहा। ³⁹ हारून जब होर पहाड़े प मरा तब उ 123 बरिस क रहा।

⁴⁰ अरात कनान क नेगेव प्रदेस मँ रहा। कनानी राजा हुवाँ सुनेस कि इस्राएली लोगन आवत अहइँ। ⁴¹ लोग हॉर पहाड़े क तजेन अउ सलमोना मँ सिबिर डाएन।

⁴² लोग सलमोना क तजेन अउ पूनोन मँ सिबिर डाएन।

⁴³ लोग पूनोन तजेन अउ ओबोस मँ सिबिर डाएन।

⁴⁴ लोग ओबोस तजेन अउ इये अबारीम मँ सिबिर डाएन। इ मोआब देस क चउहद्दी प रहा।

⁴⁵ लोग इयीन (इये अबारीम) क तजेन अउ दिबोन-गाद मँ सिबिर डाएन।

⁴⁶ लोग दिबोन-गाद तजेन अउ अल्मोनदिबलातैम मँ सिबिर डाएन।

⁴⁷ लोग अल्मोनदिबलातैम तजेन अउ नबो क लगे अबीराम पहाड़न प सिबिर डाएन।

⁴⁸ लोग अबीराम पहाड़न क तजेन अउ यरदन नदी क लगे मोआब क प्रदेस मँ सिबिर डाएन। इ जेरिको क निअरे रहा। ⁴⁹ उ पचे मोआब मँ यरदन घाटी मँ यरदन नदी क निअरे सिबिर डाएन। ओनकइ डेरन वेत्यसीमोत स अबेलसित्तीम चरागाह तलक फइला रहेन।

⁵⁰ उ ठउरे प यहोवा मूसा स बात किहेस, ⁵¹ “इस्राएल क लोगन स कहा। ओनसे इ बातन क बतावा: तू सबइ यरदन नदी पार करब्या। तू पचे कनान देस मँ जाब्या। ⁵² तू पचे ओनँ लोगन स भुइयाँ लइ लेब्या जउन हुवाँ रहत ह तू पचन क ओनकइ खोदी भइ मूरत अउ प्रतिमा क नस्ट कइ देइ चाही। तोहका ओनके सबहिं ऊँच ठउरे क नास कइ देइ चाही। ⁵³ तू पचे उ देस लेब्या अउ हुवाँ बसि जाब्या। काहे? काहे की इ देस मइँ तू सबन क देत अहउँ। इ तोहरे परिवारे क होइ। ⁵⁴ तोहार हर एक परिवार भुइयाँ क हींसा पाई। तू पचे इ बात बरे गोटी दुउब्या कि देस क कउन सा हीसं कउन परिवारे क मिलत ह। बड़का परिवार भुइयाँ क बड़का हिंसा पाइ। नान्ह परिवार देस क नान्ह नान्ह हींसा पाइ। भुइयाँ ओनॅ लोगन क दीन्ह जाइ जेकर नाउँ गोटी तय करी। हर एक परिवार समूह आपन भुइयाँ पाइ।

⁵⁵ “तू पचन क दूसर लोगन स देस खाली कराइ लेइ चाही। अगर तू पचे ओनँ लोगन क आपन देस मँ ठहरइ देब्या तउ उ पचे तोहरे बरे बहोतइ परेसानी पइदा करिहीं। उ पचे तोहरी आँखी क पिन या तोहरी कखरी क काँटा क तरह होइहीं। उ पचे तोहका परेसानी देइहीं जहाँ तू रहब्या। ⁵⁶ अगर अइसा ह तउ इ होइ सकत ह मोका तू लोगन क संग भी उहइ करइ क होइ जउन जोजना मइँ ओन लोगन संग करइ बरे किहउँ।”

कनान क चउहद्दी

34 यहोवा मूसा स बात किहस। उ कहेस, ² “इस्राएल क लोगन क इ हुकुम द्या: तू पचे कनान देस मँ आवत अहा। तू लोग इ देस क हरउब्या। तू पचे पूरा कनान देस लइ लेब्या। ³ दक्खिनी अउ तू लोग एदोम क निअरे सीन रेगिस्तान क हींसा पाइ लेब्या। दक्खिनी सिवान मृत-सागर क दक्खिनी छोर स सुरु होइ। ⁴ इ बिच्छूदरे क दक्खिन कइँती स गुजरी। इ सीन रेगिस्तान स होइके कादेसबर्ने तलक जाइ, अउर तब हसरद्दार तथा तब इ अस्मोन स होइके चली। ⁵ अस्मोन स सिवान मिस्र नदी तलक जाइ अउ एकर आखिर भूमध्य सागर प होइ। ⁶ तोहार पच्छिउ क सिवान भूमध्य सागर होइ। ⁷ तोहार उत्तरी सीमा भूमध्य सागर प सुरु होइ अउ होर पहाड़े तलक जाइ। लबानोन मँ ⁸ इ लबानोन मँ हाँर पहाड़े स लबोहामात तलक जाइ क प्रवेस दुआर अहइ। एकर बाद इ सदद तक जाइ। ⁹ तब इ चउहद्दी जिप्रोन क जाइ अउर इ हसेरनान प खतम होइ। इ तरह इ तोहार उत्तरी चउहद्दी होइ। ¹⁰ तोहार पुर्बिहा चउहद्दी एनान प सुरु होइ अउर इ सपान तक जाइ। ¹¹ सपान स चउहद्दी ऐन क पूरब रिबला तलक जाइ। किन्नरेत समुद्दर गलील क सागर क संग क पहाड़ियन क संग सिवान चलत रही। ¹² तब सिवान यरदन नदी क संग संग चली। ऍकर अन्त मृत-सागर प होइ। तोहरे देस क चारिहुँ कइँती क चउहद्दी हिअँइ बा।”

¹³ मूसा इस्राइल क लोगन क हुकुम दिहस, “इहइ उ देस अहइ जेका तू पउब्या। तू लोग नौ परिवार समूहन अउ मनस्से परिवार समूह क आधा मनइयन बरे धरती बाँटइ खातिर ओनके नाउँ क गोटी डउब्या। ¹⁴ रूबेन, गाद अउ क परिवार समूहन मनस्से क आधा परिवार समूह क मनइयन पहिलेन ही आपन प्रदेस लइ लिहे अहइँ। ¹⁵ उ अढ़ाई परिवार समूहन यरीहो क निचके यरदन नदी क पूरब आपन पहँटा लइ लिहे अहइ।”

¹⁶ तब यहोवा मूसा स बात किहेस। उ कहेस, ¹⁷ “इ सबइ उहइ लोग अहइँ जउन भुइँया बाँटइ मँ तोहार मदद करिहीं: याजक एलीआज़ार, नून क पूत यहोसू, ¹⁸ अउ हर एक परिवार समूहन स तू पचे एक ठु नेता चुनब्या। इ लोग भुइँया क बँटवारा करिहीं। ¹⁹ नेता लोगन क नाउँ इ अहइँ:

²⁹ यहोवा इ मनइयन क इस्राएल क लोगन मँ कनान क भुइँया बाँटइ बरे चुनेस।

आपन मउत क बारे मँ ईसू क कहब

(मत्ती 17:22-23; लूका 9:43b-45)

³⁰ उ सबइ हुवाँ छोड़ि चलेन अउर गलील होइ क जात रहेन अउ ईसू नाहीं चाहत रहा कि कउनो एका जानइ कि उ सब कहाँ बाटन? ³¹ एह बरे उ आपन चेलन क सिच्छा देत रहा। उ ओनसे कहेस, “मनई क पूत मनइयन क हाथन स पकड़वाइ जाई अउर उ सबइ ओका मारि डइहीं। मारि डाए क तीन दिना क पाछे उ जिन्दा होइ जाइ।” ³² मुला चेलन इ न समझेन कि ईसू का मतलब अहइ अउर उ ओसे ऍकरे बारे मँ पूछइ क डेरात रहेन।

ईसू कहत ह कि सबते बड़कवा कउन अहइ

(मत्ती 18:1-5; लूका 9:46-48)

³³ ईसू चेलन क साथ कफरनहूम आएन। उ सबइ एक घरे मँ गएन। उ ओनसे पूछेस, “राहे मँ तू सबइ का बतियात रह्या?” ³⁴ मुला उ सबइ खमोस होइ गएन। एह बरे उ सबइ राहे मँ एक दुसरे स सोचेन बिचारेन कि कउन सबस बड़कवा अहइ।

³⁵ तउ उ बैठि गवा। उ बारहु प्रेरितन आपन नगिचे बोलाएस अउर ओनसे कहेस, “जदि कउनो सब स बड़का होइ चाहत ह, तउ ओका सब स छोट होइ क परी अउर उ सबन क नउकर होइ।”

³⁶ अउर एक बचवा क लइके सब क समन्वा खड़ा किहेस। ओका आपन कोरा मँ लेत भवा ईसू ओनसे कहेस, ³⁷ “जउन एकउ इन बचवन मँ एकउ क मोरे नाउँ स आपनावत ह, उ हमार सुआगत करत अहइ, उ न सिरिफ मोका अपनावत ह, मुला उहउ क अपनावत ह, जउन मोका पठएस ह।”

जउन हमार बिरोधी नाहीं, उ हमार आटइ

(लूका 9:49-50)

³⁸ यूहन्ना ईसू स कहेस, “गुरु हम तोहरे नाउँ स कउनो क दुस्ट आतिमन क बाहेर निकारत देखेन ह। हम ओका रोकब चाहा, मुला उ हम पचन मँ नाहीं रहा।”

³⁹ फिन ईसू कहेस, “ओका रोका जिन। इ नाते जउनहुँ मोरे नाउँ स अद्भुत कारजन चाहत बाटइ, उ फउनर मोरे बरे भद्दी बात न कहि पाई। ⁴⁰ जउन मोरे खिलाफ नाहीं, उ हमरे कइँती अहइ। ⁴¹ जउनहुँ तोहका एक लोटा पानी भरि के देइ कि तू मसीह क बाट्या, मइँ तोहका सच सच बतावत हउँ, उ जरूर सुफल होइ जाए बिना न रही।

पापन क परिणामे क बरे ईसू क चेतौउनी

(मत्ती 18:6-9; लूका 17:1-2)

⁴² “जउन इन नान्ह अबोध बचवन मँ स कउनो क जउन मोरे मँ बिसवास करत हीं, ओनसे पाप करावत हीं, तउ ओकरे बरे इ नीक होइ कि ओकरे गटइया मँ चकिया क पाट बाँधिके ओका समुद्दर मँ झोंकि देई। ⁴³ जदि तोहार हाथ तोसे पाप करवावत ह, तू ऍका काट द्या। हथ कटा होइ क अनन्त जीवन मँ प्रवेस करना नीक अहइ। बजाऍ ऍहके कि दुइ हाथ धरइ अउर नरक मँ नाइ दीन्ह जाइ, जहाँ अगिया कबहुँ न बुझत। ^{44 [a] 45} जदि तोहार गोड़ तोसे पाप करावत ह, ओका काट द्या। लँगड़ा होइ क अनन्त जीवन मँ प्रवेस करना जिआदा नीक होइ, बजाय ऍकरे कि दुइनइँ गोड़वा धइ क नरके मँ नाइ दीन्ह जाइ। ^{46 [b] 47} जदि तोहार आँख तोसे पाप करावत ह, ओका निकारि डावा। काना होइके परमेस्सर क राज्य मँ घुसब जिआदा नीक अहइ, बजाय कि दुइ आँखिन वाला होइके नरक मँ नाइ दीन्ह जाइ। ⁴⁸ जहाँ कि किरवा मरतेन नाहीं। हुवाँ आगी कबहुँ बुझत नाहीं।

⁴⁹ “हर मनई क आगी प नोनखार कीन्ह जाई।

⁵⁰ “नोन नीक होत ह जदि नोन आपन सोवाद तजि देइ, तउ ऍका नोनखार फिन कइसे बनउब्या? आपन मँ नोन राखा। एक दूसर क संग सांति स रहा।”