Old/New Testament

4 अगवा आवइवाली समइ इ घटना घटी।
    यहोवा क मन्दिर क पहाड़ सबहिं पहाड़न मँ बहोत ही महत्व स भरा भवा होइ जाइ।
ओका पहाड़न क ऊपर उठाइ दीन्ह जाइ।
    दूसर देसन क लोग ऍकरी कइँती उमड़ि पड़िहीं।
² अनेक दूसर रास्ट्र आइहीं अउर कइहीं,
    “आवा! यहोवा क पहाड़े पइ ऊपर चलइँ।
    याकूब क परमेस्सर क मन्दिर चलइँ।
परमेस्सर हम पचन्क आपन राह सिखाइ।
    तउ हम पचे ओकरे पथ पइ चलब।”

⁶ यहोवा कहत ह,
“उ समइ मँ मइँ जउन लँगड़ा होइ गवा ह
    एक संग बटोरब।
मइँ ओन लोगन क बटोरब जउन भेजा ग अहइ
    अउर ओन लोगन क जेकरे संग मइँ बुरा काम किहे रहउँ ह।

⁹ अब तू पचे काहे ऍतनी ऊँच आवाज मँ गोहरावत अहा?
    का तोहाँर सबन क राजा जात रहा बाटइ?
का तू पचे आपन मुखिया खोइ दिहा ह तू पचे अइसे तड़पत अहा
    जइसे कउनो मेहरारू बच्चा पइदा करइ क समइ मँ तड़पत ह।
¹⁰ सिय्योन क बिटिया, तू पीरा क झेला।
    तू उ मेहरारू जइसा होइ जा
जउन बच्चा पइदा करइ क समइ मँ फड़फड़ात ह।
    काहेकि अब तोहका नगर (यरूसलेम) क तजइ क बाटइ।
तोहका खुले मइदान मँ रहइ क बाटइ।
    तोहका बाबुल जाइ क होइ
किन्तु उ जगह स तोहार रच्छा होइ जाइ।
    यहोवा हुँआ आइ अउर उ तोहका तोहरे दुस्मनन स वापिस लइ आइ।

¹¹ तोहसे लड़इ बरे अनेक जाति अइहीं।
    उ पचे कहत हीं, “सिय्योन क लखा।
    ओह पइ हमला करा!”
¹² लोगन्क ओनकर आपन जोजनन अहइँ,
    मुला ओनका अइसी ओन बातन क पता नाहीं जेनके बारे मँ यहोवा योजना बनावत अहइ।
यहोवा ओन लोगन्क कउनो खास प्रयोजन बरे हिआँ लिआवा।
    उ सबइ लोग वइसे कुचुर दीन्ह जइहीं जइसे खरिहाने मँ अनाज क पूरी कुचरी जात हीं।

¹³ “हे सिय्योन क बिटिया, खड़ी होइ जा अउर तू ओन क कुचरि द्या।
    मइँ तोहका सक्तीसाली बनाउब।
तू अइसी होउबिउ जइसे तोहरे सींग लोहा क अउर तोहरे खुर काँसा क होइँ।
    तू बहोत स जातियन क नस्ट करब्या।
तू ओनके धने क यहोवा क अर्पित करा।
    तू ओनकर खजानन क समूची धरती क सुआमी क समर्पित करब्या।”

² हे बेतलेहेम एप्राता,
    तू यहूदा क छोटा सहर अहा
अउर तोहार परिवार गनती मँ बहोत कम अहइ।
    किन्तु “इस्राएल क सासक” मोर बरे तोहसे आइ।
बहोत पहिले सुदूर पुराने जमाने मँ
    ओकरे घराने क जड़न बहोत पहिले स होइहीं।
³ यहोवा आपन लोगन्क ओनकर दुस्मनन क हाथे मँ सौंपि देइ।
    उ पचे उ समइ तलक हुअँइ पइ बना रइहीं
जब तलक उ मेहरारू आपन लरिका क नाहीं जन्म देत।
    फुन ओकरे बचा भवा भाईयन इस्राएल क लोगन्क लगे लउटिके अइहीं।
⁴ तब इस्राएल क सासक खड़ा होइ अउर भेड़िन क झुंड क चराइ।
    यहोवा क सक्ति स उ ओनका राह देखाँइ।
उ यहोवा आपन परमेस्सर क अजूबा नाउँ क सक्ति स ओनका राह देखाँइ।
    हुआँ सान्ति होइ, काहेकि उ समइ मँ ओकर महानता धरती क छोरन तलक पहोंच जाइ।
⁵     हुआँ सान्ति होइ,

¹⁰ यहोवा कहत ह:
“उ समइ मइँ तू पचन्स तोहार सबन्क घोड़ा छोरि लेबउँ।
    तोहार सबन्क रथन क बर्बाद कइ देबउँ।
¹¹ तोहार सबन्क नगरन उजारि देबउँ।
    मइँ तोहार सबन्क सबहिं गढ़न क ढहाइ देबउँ।
¹² मइँ तोहार जादूगरन क नस्ट कइ देब।
    अउर तोहार लगे अइसा एक भी मनई नाहीं होब्या जउन भविस्सवक्ता होइ।
¹³ मइँ तोहार पचन्क लबार देवतन क मूर्तियन क बर्बाद करब।
    ओन लबार देवन क पाथरन क स्मृति-स्तंभ मइँ उखारिके लोकाँउबउ जेनका तू पचे आपन हाथन स बनाया ह।
    तू पचे ओनकर पूजा नाहीं कइ पउब्या।
¹⁴ मइँ असेरा क पूजा क खम्भन क नस्ट कइ देबउँ।
    मइँ तू पचन्क नगरन क तहस-नहस कइ देबउँ।
¹⁵ मइँ आपन बदला किरोध स लेबउँ
    अउर ओह पइ तीव्र होबउँ जउन मोर नाहीं सुनिहीं।”