Old/New Testament

⁷ परमेश्वरा, त्वरा करुन मला उत्तर दे.
    माझा धीर आता सुटला आहे.
माझ्यापासून दूर जाऊ नकोस.
    मला मरु देऊ नकोस आणि थडग्यात पडलेल्या मेलेल्या माणसांप्रमाणे मला होऊ देऊ नकोस.
⁸ परमेश्वरा, या सकाळी मला तुझे खरे प्रेम दाखव.
    माझा तुझ्यावर विश्वास आहे.
मी ज्या गोष्टी करायला हव्या त्या मला दाखव.
    मी माझे आयुष्य तुझ्या हाती सोपवले आहे.
⁹ परमेश्वरा, मी तुझ्याकडे संरक्षणासाठी येतो.
    माझ्या शत्रूपासून माझे रक्षण कर.
¹⁰ मी जे करावे असे तुला वाटते ते मला दाखव.
    तू माझा देव आहेस तुझे चांगले मन आत्मा मला साध्या देशात घेऊन जाऊ दे.
¹¹ परमेश्वरा, मला जगू दे, म्हणजे लोक तुझ्या नावाची स्तुती करतील.
    तू खरोखरच चांगला आहेस हे
मला दाखव आणि माझ्या शत्रूपासून माझे रक्षण कर.
¹² परमेश्वरा, मला तुझे प्रेम दाखव.
    जे शत्रू मला ठार मारायचा प्रयत्न करीत आहेत
त्यांचा पराभव कर.
    का? कारण मी तुझा सेवक आहे.

³ परमेश्वरा, तुला लोक महत्वाचे का वाटतात?
    आम्ही तुझ्या लक्षात तरी कसे येतो?
⁴ माणसाचे आयुष्य म्हणजे हवेचा झोत,
    माणसाचे आयुष्य म्हणजे नाहीशी होत जाणारी सावली.

⁵ परमेश्वरा, आकाश फाड आणि खाली ये,
    पर्वतांना हात लाव आणि त्यांतून धूर बाहेर येईल.
⁶ परमेश्वरा, विजेला पाठव आणि माझ्या शत्रूला पांगव,
    तुझे बाण सोड आणि त्यांना पळवून लाव.
⁷ परमेश्वरा, स्वर्गातून खाली पोहोच आणि मला वाचव.
    मला या शत्रूंच्या समुद्रात बुडू देऊ नकोस.
    मला त्या परक्यांपासून वाचव.
⁸ हे शत्रू खोटारडे आहेत.
    ते खऱ्या नसलेल्या गोष्टी सांगतात.

⁹ परमेश्वरा, मी तू करत असलेल्या अद्भुत गोष्टींबद्दलचे नवे गाणे गाईन.
    मी तुझी स्तुती करेन आणि दहा तारांची वीणा वाजवेन.
¹⁰ परमेश्वर राजांना त्यांच्या लढाया जिंकायला मदत करतो.
    परमेश्वराने त्याचा सेवक दावीद याला त्याच्या शत्रूंच्या तलवारीपासून वाचवले.
¹¹ मला या परक्यांपासून वाचव.
    हे शत्रू खोटारडे आहेत.
    ते खऱ्या नसलेल्या गोष्टी सांगतात.

¹² आमची तरुण मुले बळकट झाडांसाखी आहेत.
    आमच्या मुली राजवाड्यातल्या सुंदर सजावटीप्राणे आहेत.
¹³ आमची धान्यांची कोठारे वेगवेगळ्या धान्यांनी भरलेली आहेत.
    आमच्या शेतात हजारो मेंढ्या आहेत.
¹⁴     आमचे सैनिक सुरक्षित आहेत.
कुठलाही शत्रू आत येण्याचा प्रयत्न करीत नाही.
    आम्ही लढाईवर जात नाही.
    आमच्या रस्त्यात लोक ओरडत नाहीत.

¹⁵ अशा वेळी लोक खूप आनंदी असतात.
    जर परमेश्वर त्यांचा देव असेल तर लोक खूप आनंदी असतात.

⁸ परमेश्वर दयाळू आणि कृपाळू आहे.
    परमेश्वर सहनशील आणि प्रेमळ आहे.
⁹ परमेश्वर प्रत्येक मनुष्याशी चांगला वागतो.
    तो त्याने निर्माण केलेल्या प्रत्येक गोष्टीवर दया करतो.
¹⁰ परमेश्वरा, तू ज्या गोष्टी करतोस त्यामुळे तुला गौरव प्राप्त होतो.
    तुझे भक्त तुला धन्यवाद देतात.
¹¹ तुझे राज्य किती महान आहे हे ते सांगतात.
    तू किती महान आहेस हे ते सांगतात.
¹² म्हणून परमेश्वरा, तू ज्या महान गोष्टी करतोस त्याबद्दल इतर लोकांनाही कळते.
    तुझे राज्य किती महान आणि अद्भुत आहे हे त्या लोकांना कळते.
¹³ परमेश्वरा, तुझे राज्य सदैव राहील.
    तू सदैव राज्य करशील.

¹⁴ जे लोक खाली पडले आहेत त्यांना परमेश्वर उचलतो.
    जे लोक संकटात आहेत त्यांना परमेश्वर मदत करतो.
¹⁵ परमेश्वरा, सर्व प्राणीमात्र अन्नासाठी तुझ्याकडे बघतात.
    आणि तू त्यांना योग्य वेळी त्यांचे अन्न देतोस.
¹⁶ परमेश्वरा, तू तुझे हात उघडतोस
    आणि तू प्रत्येक प्राणीमात्राला जे लागेल ते सर्व देतोस.
¹⁷ परमेश्वर जे काही करतो ते सर्व चांगले असते.
    तो जे करतो ते सर्व तो किती चांगला आहे, ते दाखवते.
¹⁸ जे कोणी परमेश्वराला मदतीसाठी बोलावतात,
    त्या सर्वांच्या तो खूप जवळ असतो.
जो त्याची अगदी मनापासून प्रार्थना करतो,
    त्याच्या अगदी जवळ तो असतो.
¹⁹ भक्तांना जे हवे असते ते परमेश्वर करतो.
    परमेश्वर त्याच्या भक्तांचे ऐकतो.
तो त्यांच्या प्रार्थनेला उत्तर देतो
    आणि त्यांना वाचवतो.
²⁰ जे परमेश्वरावर प्रेम करतात त्यांचे तो रक्षण करतो.
    परंतु परमेश्वर वाईट लोकांचा नाश करतो.
²¹ मी परमेश्वराची स्तुती करेन.
    प्रत्येकाने त्याच्या पवित्र नावाचा सतत जयजयकार करावा असे मला वाटते.

“इतर भाषा बोलणाऱ्याचा
    उपयोग करुन,
मी या लोकांशी बोलेन
    तरीसुद्धा ते माझे ऐकणार नाहीत.” ^(A)