Old/New Testament

³ देव म्हणाला, “मी निवडलेल्या राजाशी करार केला.
    मी दावीदला, माझ्या सेवकाला वचन दिले.
⁴ दावीद, मी तुझा वंश चालू राहील असे करीन.
    तुझे राज्य सदैव राहील असे मी करीन.”

⁵ परमेश्वरा, तू अद्भुत गोष्टी करतोस याबद्दल स्वर्ग तुझी स्तुती करतात.
    लोक तुझ्यावर अवलंबून राहू शकतात.
    पवित्र लोकांची सभा याबद्दलचे गाणे गाते.
⁶ स्वर्गातला कोणीही परमेश्वरा समान नाही.
    “देवा” पैकी कुणाचीही परमेश्वराशी तुलना होऊ शकत नाही.
⁷ देव पवित्र लोकांना भेटतो.
ते देवदूत त्याच्या सभोवती असतात.
    ते देवाला घाबरतात आणि त्याला मान देतात.
    ते भयग्रस्त होऊन त्याच्या भोवती उभे राहातात.
⁸ सर्वशाक्तिमान परमेश्वरा, देवा, तुझ्यासारखा कुणीही इथे नाही.
    आम्ही तुझ्यावर संपूर्ण विश्वास टाकू शकतो.
⁹ तू गर्वाने समुद्रावर राज्य करतोस
    तू त्याच्या क्रोधित लाटांना शांत करु शकतोस.
¹⁰ देवा, तू राहाबचा पराभव केलास
    तू तुझ्या बलवान बाहूंनी तुझ्या शत्रूंना इतस्तत पांगवलेस.
¹¹ देवा, स्वर्गातल्या आणि पृथ्वीवरच्या सर्वगोष्टी तुझ्या आहेत, तूच जग
    आणि त्यातल्या सर्वगोष्टी निर्माण केल्यास.
¹² उत्तरेकडच्या आणि दक्षिणेकडच्या सर्व गोष्टी तूच निर्माण केल्यास ताबोर पर्वत
    आणि हार्मोन पर्वत तुझ्या नावाचा जयजयकार करतात.
¹³ देवा, तुझ्याजवळ शक्ती आहे.
    तुझीशक्ती महान आहे.
    विजय तुझाच आहे.
¹⁴ तुझे राज्य सत्य आणि न्याय यावर वसलेले आहे.
    प्रेम आणि सत्य तुझ्या सिंहासनासमोर सेवक आहेत.
¹⁵ देवा, तुझे इमानी भक्त खरोखरच सुखी आहेत.
    ते तुझ्या दयेच्या प्रकाशात जगतात.
¹⁶ तुझे नाव त्यांना नेहमी आनंद देते.
    ते तुझ्या चांगुलपणाची स्तुती करतात.
¹⁷ तू त्यांची अद्भुत शक्ती आहेस.
    त्यांची शक्ती तुझ्यापासूनच येते.
¹⁸ परमेश्वरा, तू आमचा रक्षणकर्ता आहेस.
    इस्राएलचा पवित्र देव आमचा राजा आहे.
¹⁹ तू तुझ्या भक्तांशी दृष्टांतात बोललास आणि म्हणालास,
“मी गर्दीतला एक माणूस निवडला आणि त्या माणसाला महत्व दिले.
    मी त्या तरुण सैनिकाला बलवान केले.
²⁰ माझा सेवक दावीद मला सापडला
    आणि मी त्याला माझ्या खास तेलाने अभिषेक केला.
²¹ मी दावीदाला माझ्या उजव्या हाताने आधार दिला
    आणि माझ्या शक्तीने मी त्याला बलवान केले.
²² त्या निवडलेल्या राजाचा शत्रू पराभव करु शकला नाही.
    दुष्टलोक त्याचा पराभव करु शकले नाहीत.
²³ मी त्याच्या शत्रूंना संपवले, जे लोक माझ्या निवडलेल्या
    राजाचा तिरस्कार करीत होते त्यांचा मी पराभव केला.
²⁴ माझ्या निवडलेल्या राजावर मी नेहमी प्रेम करीन आणि त्याला मदत करीन.
    मी त्याला नेहमी सामर्थ्यवान बनवेन.
²⁵ मी माझ्या निवडलेल्या राजाला समुद्राच्या हाती सोपवले,
    तो नद्यांना काबूत ठेवेल.
²⁶ तो मला म्हणेल, ‘तुम्ही माझे वडील आहात
    तू माझा देव आहेस माझा खडक माझा तारणारा आहेस.’
²⁷ आणि मी त्याला माझा पहिला मुलगा बनवेन.
    तो पृथ्वीवरचा महान राजा असेल.
²⁸ माझे प्रेम त्या राजाचे सदैव रक्षण करेल
    त्याच्या बरोबरचा माझा करार कधीही संपणार नाही.
²⁹ त्याचा वंश सदैव चालू राहील.
    स्वर्ग असेपर्यंत त्याचे राज्य असेल.
³⁰ जर त्याचे वंशज माझा कायदा पाळायचे थांबवतील आणि
    माझ्या आज्ञा पाळणे बंद करतील तर मी त्यांना शिक्षा करेन.
³¹ जर त्या निवडलेल्या राजाच्या
    वंशजांनी माझे नियम मोडले.
³² आणि माझ्या आज्ञांकडे दुर्लक्ष केले
    तर मी त्यांना जबरदस्त शिक्षा करेन.
³³ परंतु त्या लोकांवरचे माझे प्रेम मी कधीच बाजूला करणार नाही.
    मी त्यांच्याशी नेहमी निष्ठावान राहीन.
³⁴ मी दावीदाशी झालेला माझा करार मोडणार नाही.
    मी आमचा करार बदलणार नाही.
³⁵ माझ्या पवित्रतेतून मी त्याला वचन दिले आहे
    आणि मी दावीदशी खोटे बोलणार नाही.
³⁶ दावीदाचा वंश सदैव चालू राहील.
    त्याचे राज्य सूर्य असे पर्यंत राहील.
³⁷ ते चंद्राप्रमाणे सदैव राहील.
    आकाश या कराराचा पुरावा आहे त्या करारावर तुम्ही विश्वास ठेवू शकता.”

³⁸ पण देवा, तू तुझ्या निवडलेल्या राजावर रागावलास
    आणि तू त्याला एकटे सोडून दिलेस.
³⁹ तू तुझा करार पाळला नाहीस.
    तू राजाचा मुकुट धुळीत फेकून दिलास.
⁴⁰ तू राजाच्या नगरातील भिंती पाडल्यास.
    तू त्याचे सर्व किल्ले उध्वस्त केलेस.
⁴¹ लोक जाता जाता त्याच्या वस्तू चोरतात.
    त्याचे शेजारी त्याला हसतात.
⁴² तू राजाच्या सर्व शत्रूंना आनंदी केलेस.
    तू त्याच्या शत्रूंना युध्द जिंकू दिलेस.
⁴³ देवा, तू त्यांना स्वःतचे रक्षण करायला मदत केलीस.
    तू तुझ्या राजाला युध्द जिंकायला मदत केली नाहीस.
⁴⁴ तू त्याला युध्द जिंकू दिले नाहीस.
    तू त्याचे सिंहासन जमिनीवर फेकलेस.
⁴⁵ तू त्याचे आयुष्य कमी केलेस.
    तू त्याला शरम आणलीस.

⁴⁶ परमेश्वरा, हे किती काळ चालणार आहे?
    तू आमच्याकडे सदैव दुर्लक्ष करणार आहेस का?
    तुझा राग अग्नीसारखा सदैव धुमसत राहाणार आहे का?
⁴⁷ माझे आयुष्य किती लहान आहे ते लक्षात ठेव
    तू आम्हाला छोटे आयुष्य जगण्यासाठी व नंतर मरुन जाण्यासाठी निर्माण केलेस.
⁴⁸ कोणीही माणूस जगून कधीही मरणार नाही असे होणार नाही.
    कोणीही थडगे चुकवू शकणार नाही.

⁴⁹ देवा, तू पूर्वी दाखवलेले प्रेम कुठे आहे?
    तू दावीदाला त्याच्या कुटुंबाशी इमान राखण्याचे वचन दिले होतेस.
^50-51 प्रभु, तुमच्या सेवकाचा लोकांनी कसा अपमान केला होता ते लक्षात ठेवा.
परमेश्वरा, तुझ्या शत्रूंनी केलेल्या सर्व अपमानांना मला तोंड द्यावे लागले.
    त्या लोकांनी तू निवडलेल्या राजाचा अपमान केला.

⁵² परमेश्वराला सदैव दुवा द्या.
    आमेन आमेन.

³ तूच लोकांना या जगात आणतोस आणि
    तूच त्यांची पुन्हा माती करतोस.
⁴ तुझ्यासाठी हजारो वर्षे
    म्हणजे कालचा दिवस, कालची रात्र.
⁵ तू आम्हाला झाडून टाकतोस. आमचे आयुष्य स्वप्नासारखे आहे.
    सकाळ झाली की आम्ही मेलेलो असतो.
आम्ही गवतासारखे आहोत.
⁶     गवत सकाळी उगवते आणि
    संध्याकाळी ते वाळते व मरणाला टेकते.
⁷ देवा, तू रागावतोस तेव्हा आमचा नाश होतो.
    आम्हाला तुझ्या रागाची भीती वाटते.
⁸ तुला आमच्या सर्व पापांची माहिती आहे.
    देवा, तू आमचे प्रत्येक गुप्त पाप पाहतोस.
⁹ तुझा राग आमचे आयुष्य संपवू शकतो एखाद्या कुजबुजी सारखे
    आमचे आयुष्य विरुन जाऊ शकते.
¹⁰ आम्ही कदाचित् 70 वर्षे जगू आणि
    जरा सशक्त असलो तर 80 वर्षे.
आमचे आयुष्य कठोर परिश्रम आणि दु:ख यांनी भरलेले आहे
    आणि नंतर आमचे आयुष्य अवचित् संपते आणि आम्ही उडून जातो.
¹¹ देवा, तुझ्या रागाच्या संपूर्ण शक्तीची कुणालाच जाणीव नाही.
    परंतु देवा, आमची भीती आणि तुझ्याबद्दलचा आदर तुझ्या रागाइतकाच महान आहे.
¹² आमचे आयुष्य खरोखरच किती छोटे आहे
    ते आम्हाला शिकव म्हणजे आम्ही खरेखुरे शहाणे बनू शकू.
¹³ परमेश्वरा, नेहमी आमच्याकडे परत
    ये तुझ्या सेवकाशी दयेने वाग.
¹⁴ तुझ्या प्रेमाने आम्हांला रोज सकाळी न्हाऊ घाल.
    आम्हाला सुखी होऊ दे आणि समाधानाने आयुष्य जगू दे.
¹⁵ तू आम्हाला आयुष्यात खूप संकटे आणि खिन्नता दिलीस.
    आता आम्हांला सुखी कर.
¹⁶ तू तुझ्या सेवकांसाठी कोणत्या अद्भुत गोष्टी करु
    शकतोस ते त्यांना बघू दे.
¹⁷ देवा, प्रभु, आमच्यावर दया कर.
    आम्ही जे जे करतो त्यात आम्हाला यश दे.

“प्रभु म्हणतो खात्रीने मी जिंवत आहे
    ‘प्रत्येक गुडघा माझ्यासमोर टेकला जाईल
    आणि प्रत्येक जीभ देवाचे उपकार मानील.’” ^(A)