Old/New Testament

17 “मोर जिउने कि इच्छा नस्ट कीन्ह ग अहइ।
    मोर प्राण लगभग जाइ चुका अहइ।
    कब्र मोर बाट जोहत अहइ।
² लोग मोका घेर लेत हीं अउर मोह पइ हँसत हीं।
    मइँ ओनका लखत हउँ जब लोग मोर अपमान करत हीं।

³ “परमेस्सर, मोर बेकसूर होइ क पुस्टि करा।
    मोर निर्दोख होइ क गवाही देइ बरे कउनो तइयार नाहीं होइ।
⁴ मोरे मीतन क मन तू मूदँ ल्या ह।
    एह बरे उ पचे जीत नाहीं सकब।
⁵ लोग जउन कहत ह उ तू जानत ह,
    ‘मनई आपन मीत क मदद करइ बरे
    आपन गदेलन क नज़र अन्दाज़ करत ह।’
⁶ परमेस्सर मोर नाउँ हर कउनो बरे अपसब्द बनाएस ह
    अउर लोग मोरे मुँहे पइ थूका करत हीं।
⁷ मोर आँखी लगभग आँधर होइ चुकी अहइ काहेकि मइँ बहोत दुःखी हउँ।
    मोर देह एक छाया क तरह दुर्बल होइ चुकी अहइ।
⁸ नीक लोगन ब्याकुल अहइं कि इ घटि सकत ह।
    निरअपराध लोग ओन क खिलाफ उत्तेजित अहइ।
    जउन परमेस्सर क मज़ाक उड़ावत ह।
⁹ मुला सज्जन नेकी क जिन्नगी जिअत रहहीं।
    निरापाराधी लोग सक्तीसाली होइ जइहीं।

¹⁰ “जदि तू लउटि आउब्या, तउ आवा।
    किन्तु मइँ दिखाउब कि तू पचन मँ स कउनो बुहिदमान नाहीं अहइँ।
¹¹ मोर जिन्नगी यो ही बीतन अहइ।
    मोर सबइ जोजना टूट गइ अहइँ अउर आसा चली गइ अहइ।
¹² हरेक चीज क उलझा दीन्ह ग ह,
    उ पचे रात क दिन कहत ह अउर प्रकास अँधियारा लिआवत ह।

¹³ “मइँ आसा करउँ कि कब्र मोर घर
    अउ अँधियारा मोर बिछउना होइ।
¹⁴ अगर मइँ कब्र स कहउँ, ‘तू मोरे बाप अहा,’
    अउर कीरा स ‘तू मोर महतारी अहा,’ या ‘तू मोर बहिन अहा।’
¹⁵ अगर उ मोर सिरिफ एक ठु आसा अहइ तबइ तु कउनो आसा मोका नाहीं अहइ
    अउर कउनो भी मनई मोरे बरे कउनो आसा नाहीं लखि सकत ह।
¹⁶ का मोर आसा भी मोरे संग मरि जाइ?
    का मइँ अउर मोरे आसा एक संग कब्र मँ मिलिहीं?”

⁵ “हाँ, बुरा मनई क प्रकास बुझी
    अउर ओकर आगी क लौ न चमकी।
⁶ ओकरे घरे क प्रकास करिया पड़ि जाइ
    अउर जउन दिया ओकरे लगे अहइ उ बुझ जाइ।
⁷ सक्तीसाली मनई क कदम धीमे स बढ़त ह।
    आपन ही बुरा जोजनन स उ पतन क झेलब्या।
⁸ ओकर आपन ही कदम ओका एक जाल क फंदा मँ गिराए देइहीं।
    उ चलिके जालि मँ जाई अउर फँस जाई।
⁹ कउनो जाल ओकर एड़ी क पकड़िके धइ लेइ।
    एक ठु जाल ओका कसिके जकर लेइ।
¹⁰ एक रस्सा ओकरे बरे धरती मँ छुपा रही।
    कछू फंदा ओकरे राहे मँ झुठ बोलब्या।
¹¹ ओकरे चारिहुँ कइँती सबहिं आतंक होइ।
    ओकर हर कदम क डर पाछा करत रही।
¹² खुउफनाक मुसीबतन ओकरे बरे भुखान होइँ।
    जब उ गिरी, विध्वंस ओकरे बरे तइयार रहहीं।
¹³ महा बियाधि ओकरे चमड़ी क हींसन क लील जाई।
    उ ओकरे बाँहिन अउ ओकर हँड्डियन क सड़ाइ देइ।
¹⁴ आपन घरे सुरच्छा स दुट्ठ व्यक्ती क दूर कीन्ह जाइ।
    आतंक क राजा क लगे ओका लइ जावा जाइ।
¹⁵ ओकरे घरे मँ तब तलक कछू भी न बची
    जब तलक ओकरे सचमुच घरे मँ धधकत भइ गन्धक बिखेरी जाइ।
¹⁶ ओकरे खाले गइ भइ जड़न झुराइ जइहीं
    अउर ओकरे ऊपर क डारन मुरझाइ जइहीं।
¹⁷ धरती क लोग ओका याद नाहीं करिहीं।
    बस अब कउनो भी ओका याद नाहीं करी।
¹⁸ प्रकास स ओका हटाइ दीन्ह जाइ अउर उ अँधियारा मँ ढकेला जाइ।
    उ पचे ओका दुनिया स दूर भगाए देइहीं।
¹⁹ ओकर कउनो गदेलन अउ सन्तानन नाहीं होइहीं।
    ओकरे घरे मँ कउनो जिअत नाहीं बची।
²⁰ पच्छिम क लोग सहमा रहि जइहीं जब उ पचे जानिहीं कि उ दुट्ठ मनइयन क संग का घटेस ह।
    पूरब मँ लोग आतंकित होइके सन्न रहि जइहीं।
²¹ फुरइ दुर्जन व्यक्ति क घरे क संग अइसा ही घटी।
    अइसा ही घटी उ मनई जउन परमेस्सर क नाहीं जानतेन।”

¹³ “परमेस्सर मोरे बन्धुअन क मोर दुस्मन बनाइ दिहेस।
    आपन मीतन बरे मइँ पराया होइ गएउँ।
¹⁴ मोर रिस्तेदारन मोका तजि दिहन।
    मोर मीतन मोका बिसराइ दिहन।
¹⁵ मोर घरे क अतिथियन स लइके मेहरारु नउकरन तलक
    मोरे संग अइसा बेउहार करत ह जइसा मइँ कउनो अजनबी अहउँ।
¹⁶ मइँ आपन नउकर क बोलावत हउँ पर उ मोर नाहीं सुनत ह।
    उ पचे मोका मदद बरे भीख माँगाएस ह।
¹⁷ मोर पत्नी मोरे साँस क गंध स घिना करत ह।
    मोर आपन ही गदेलन मोहसे घिना करत हीं।
¹⁸ नान्ह गदेला तलक मोर हँसी उड़ावत हीं।
    जब कबहुँ मइँ जागत हउँ, तउ उ पचे मोरे खिलाफ बोलत हीं।
¹⁹ मोर आपन मीत मोहसे घिना करत हीं।
    हिआँ तलक कि अइसे लोग जउन प्रिय अहइँ, मोर बिरोधी होइ गवा अहइँ।

²⁰ “मइँ एँतना दुर्बल अहउँ जइसे मइँ सिरिफ खाल अउर हाड़न होइ गवा अहउँ।
    अब मइँ सिरिफ जिअत हउँ।

²¹ “हे मोर मीतो मोह पइ दाया करा, दाया करा मोह पइ
    काहेकि परमेस्सर क हाथ मोहका छू गवा अहइ।
²² काहे मोका तू भी सतावत अहा जइसे मोका परमेस्सर सताएस ह
    काहे तू मोका दुख देत भए कबहुँ अघात्या नाहीं?

²³ “जउन मइँ कहत हउँ ओका कउनो क याद राखइ चाही अउ किताबे मँ लिख देइ चाही!
    मोर सब्द कउनो क गोल पत्रक पइ लिख देइ चाही!
²⁴ मइँ जउने बातन क कहत ओनका कउनो लोहा क कलम स सीसा पइ लिखा जाइ चाही
    या ओनका चट्टाने पइ खोद दीन्ह जाइ चाही ताकि उ हमेसा बरे रहइ जाइ।
²⁵ मोका इ जानत हउँ कि कउनो एक अइसा अहइ जउन मोर बरे बोलब्या अउर मोर रच्छा करब्या।
    मोका बिस्सास अहइ कि आखिर मँ उ धरती पइ खड़ा होब्या अउर मोरे बचाव करब्या।
²⁶ मोरे आपन देह छोड़इ अउर मोर चमड़ी तबाह होइक पाछे भी
    मइँ जानत हउँ कि मइँ परमेस्सर क लखब।
²⁷ मइँ परमेस्सर क खुद आपन आँखिन स लखब।
    खुद स कउनो दूसर नाहीं, परमेस्सर क लखब।
    मइँ बता नाहीं केतँना खुसी अनुभव करत हउँ।

²⁸ “होइ सकत ह तू कहा, ‘हम अय्यूब क तंग करब।
    मइँ मामला क जड़ तलक जाब।’
²⁹ मुला तोहका तरवारे स डरइ चाहीं,
काहेकि परमेस्सर किरोधित होब्या अउर तोहका तरवार स सजा देब्या।
    अउर तब तू पचन्क समझब्या कि हुआँ निआउ क एक निहचित समइ अहइ।”