Read the New Testament in 24 Weeks

14 Huwag magulumihanan ang inyong puso: ^(A)magsisampalataya kayo sa Dios, magsisampalataya naman kayo sa akin.

² Sa bahay ng aking Ama ay maraming tahanan; kung di gayon, ay sinabi ko sana sa inyo; sapagka't ako'y paroroon upang ipaghanda ko kayo ng dakong kalalagyan.

³ At kung ako'y pumaroon at kayo'y maipaghanda ng kalalagyan, ^(B)ay muling paririto ako, at kayo'y tatanggapin ko sa aking sarili; upang kung saan ako naroroon, kayo naman ay dumoon.

⁴ At kung saan ako paroroon, ay nalalaman ninyo ang daan.

^5 (C)Sinabi sa kaniya ni Tomas, Panginoon, ^(D)hindi namin nalalaman kung saan ka paroroon; paano ngang malalaman namin ang daan?

⁶ Sinabi sa kaniya ni Jesus, Ako ^(E)ang daan, at ^(F)ang katotohanan, at ^(G)ang buhay: ^(H)sinoman ay di makaparoroon sa Ama, kundi sa pamamagitan ko.

⁷ Kung ako'y nangakilala ninyo ay mangakikilala ninyo ang aking Ama: buhat ngayon siya'y inyong mangakikilala, at siya'y inyong nakita.

⁸ Sinabi sa kaniya ni Felipe, Panginoon, ipakita mo sa amin ang Ama, at sukat na ito sa amin.

⁹ Sinabi sa kaniya ni Jesus, Malaon nang panahong ako'y inyong kasama, at hindi mo ako nakikilala, Felipe? ^(I)ang nakakita sa akin ay nakakita sa Ama; paanong sinasabi mo, Ipakita mo sa amin ang Ama?

¹⁰ Hindi ka baga nananampalataya na ^(J)ako'y nasa Ama, at ang Ama ay nasa akin? ang mga salitang aking sinasabi sa inyo'y ^(K)hindi ko sinasalita sa aking sarili: kundi ang Ama na tumatahan sa akin ay gumagawa ng kaniyang mga gawa.

¹¹ Magsisampalataya kayo sa akin na ako'y nasa Ama, at ang Ama ay nasa akin: ^(L)o kungdi kaya'y magsisampalataya kayo sa akin dahil sa mga gawa rin.

¹² Katotohanan, katotohanang sinasabi ko sa inyo, Ang sa akin ay sumasampalataya, ay gagawin din naman niya ang mga gawang aking ginagawa; at lalong dakilang mga gawa kay sa rito ang gagawin niya; sapagka't ako'y paroroon sa Ama.

^13 (M)At ang anomang inyong hingin ^(N)sa aking pangalan, ay yaon ang aking gagawin, upang ang Ama ay lumuwalhati sa Anak.

¹⁴ Kung kayo'y magsisihingi ng anoman sa pangalan ko, ay yaon ang aking gagawin.

¹⁵ Kung ako'y inyong iniibig, ^(O)ay tutuparin ninyo ang aking mga utos.

¹⁶ At ako'y dadalangin sa Ama, at ^(P)kayo'y bibigyan niya ng ibang Mangaaliw, upang siyang suma inyo magpakailan man,

¹⁷ Sa makatuwid baga'y ang Espiritu ^(Q)ng katotohanan: ^(R)na hindi matatanggap ng sanglibutan; sapagka't hindi nito siya nakikita, ni nakikilala man siya: siya'y nakikilala ninyo; sapagka't siya'y tumatahan sa inyo, at sasa inyo.

¹⁸ Hindi ko kayo iiwang ^(S)magisa: ako'y paririto sa inyo.

¹⁹ Kaunti pang panahon, at hindi na ako makikita ng sanglibutan; nguni't ^(T)inyong makikita ako: ^(U)sapagka't ako'y nabubuhay, ay mangabubuhay rin naman kayo.

^20 (V)Sa araw na yao'y makikilala ninyong ako'y nasa aking Ama, at kayo'y nasa akin, at ako'y nasa inyo.

²¹ Ang mayroon ng aking mga utos, at tinutupad ang mga yaon, ay siyang umiibig sa akin: at ang umiibig sa akin ay iibigin ng aking Ama, at siya'y iibigin ko, at ako'y magpapakahayag sa kaniya.

²² Si ^(W)Judas (hindi ang Iscariote) ay nagsabi sa kaniya, Panginoon, ano't mangyayari na sa amin ka magpapakahayag, at hindi sa sanglibutan?

²³ Sumagot si Jesus at sinabi sa kaniya, Kung ang sinoman ay umiibig sa akin, ay kaniyang tutuparin ang aking salita: at siya'y iibigin ng aking Ama, ^(X)at kami'y pasasa ka niya, at siya'y gagawin naming aming tahanan.

²⁴ Ang hindi umiibig sa akin ay hindi tumutupad ng aking mga salita: at ang salitang inyong narinig ay hindi akin, kundi sa Amang nagsugo sa akin.

²⁵ Ang mga bagay na ito'y sinalita ko sa inyo, samantalang ako'y tumatahang kasama pa ninyo.

²⁶ Datapuwa't ^(Y)ang Mangaaliw, sa makatuwid baga'y ^(Z)ang Espiritu Santo, na susuguin ng Ama sa aking pangalan, ^(AA)siya ang magtuturo sa inyo ng lahat ng mga bagay, at magpapaalaala ng lahat na sa inyo'y aking sinabi.

^27 (AB)Ang kapayapaan ay iniiwan ko sa inyo; ^(AC)ang aking kapayapaan ay ibinibigay ko sa inyo: hindi gaya ng ibinibigay ng sanglibutan, ang ibinibigay ko sa inyo. Huwag magulumihanan ang inyong puso, ni matakot man.

²⁸ Narinig ninyo kung paanong sinabi ko sa inyo, Papanaw ako, at paririto ako sa inyo. Kung ako'y inyong iniibig, kayo'y mangagagalak, dahil sa ^(AD)ako'y pasasa Ama: sapagka't ^(AE)ang Ama ay lalong dakila kay sa akin.

²⁹ At ngayon ay sinabi ko sa inyo bago mangyari, upang, kung ito'y mangyari, ay magsisampalataya kayo.

³⁰ Hindi na ako magsasalita pa ng marami sa inyo, ^(AF)sapagka't dumarating ang prinsipe ng sanglibutan: at siya'y walang anoman sa akin;

³¹ Datapuwa't upang maalaman ng sanglibutan na ako'y umiibig sa Ama, at ^(AG)ayon sa kautusang ibinigay sa akin ng Ama, ay gayon din ang aking ginagawa. Magsitindig kayo, at magsialis tayo rito.

15 Ako ^(AH)ang tunay na puno ng ubas, at ang aking Ama ang magsasaka.

² Ang bawa't sanga ^(AI)na sa akin ay hindi nagbubunga, ay inaalis niya: at ang bawa't sanga na nagbubunga ay nililinis niya, upang lalong magbunga.

³ Kayo'y ^(AJ)malilinis na sa pamamagitan ng salita na sa inyo'y aking sinalita.

^4 (AK)Kayo'y manatili sa akin, at ako'y sa inyo. Gaya ng sanga na di makapagbunga sa kaniyang sarili maliban na nakakabit sa puno; gayon din naman kayo, maliban na kayo'y manatili sa akin.

⁵ Ako ang puno ng ubas, ^(AL)kayo ang mga sanga: Ang nananatili sa akin, at ako'y sa kaniya, ay siyang nagbubunga ng marami: sapagka't kung kayo'y hiwalay sa akin ay wala kayong magagawa.

⁶ Kung ang sinoman ay hindi manatili sa akin, ay siya'y matatapong katulad ng sanga, at matutuyo; at mga titipunin at ^(AM)mga ihahagis sa apoy, at mangasusunog.

⁷ Kung kayo'y magsipanatili sa akin, at ang mga salita ko'y magsipanatili sa inyo, ay ^(AN)hingin ninyo ang anomang inyong ibigin, at gagawin sa inyo.

⁸ Sa ganito'y lumuluwalhati ang aking Ama, na kayo'y magsipagbunga ng marami; at gayon kayo'y magiging aking mga alagad.

⁹ Kung paanong inibig ako ng Ama, ay gayon din naman iniibig ko kayo: magsipanatili kayo sa aking pagibig.

¹⁰ Kung tinutupad ninyo ang aking mga utos, ay magsisipanahan kayo sa aking pagibig; gaya ng aking pagtupad sa mga utos ng aking Ama, at ako'y nananatili sa kaniyang pagibig.

¹¹ Ang mga bagay na ito ay sinalita ko sa inyo, upang ang ^(AO)aking kagalakan ay mapasa inyo, at upang ang ^(AP)inyong kagalakan ay malubos.

¹² Ito ang aking utos, ^(AQ)na kayo'y mangagibigan sa isa't isa, na gaya ng pagibig ko sa inyo.

¹³ Walang may lalong dakilang ^(AR)pagibig kay sa rito, na ibigay ng isang tao ang kaniyang buhay dahil sa kaniyang mga kaibigan.

¹⁴ Kayo'y aking mga kaibigan, kung gawin ninyo ang mga bagay na aking iniuutos sa inyo.

¹⁵ Hindi ko na kayo tatawaging mga alipin; sapagka't hindi nalalaman ng alipin kung ano ang ginagawa ng kaniyang panginoon: nguni't tinatawag ko kayong mga kaibigan; ^(AS)sapagka't ang lahat ng mga bagay na narinig ko sa aking Ama ay mga ipinakilala ko sa inyo.

¹⁶ Ako'y hindi ninyo hinirang, nguni't kayo'y ^(AT)hinirang ko, at aking kayong inihalal, upang kayo'y magsiyaon at magsipagbunga, at upang manatili ang inyong bunga: upang ang ^(AU)anomang inyong hingin sa Ama sa aking pangalan, ay maibigay niya sa inyo.

¹⁷ Ang mga bagay na ito ay iniuutos ko sa inyo, upang kayo'y mangagibigan sa isa't isa.

¹⁸ Kung kayo'y kinapopootan ng sanglibutan, ay inyong ^(AV)talastas na ako muna ang kinapootan bago kayo.

¹⁹ Kung kayo'y taga sanglibutan, ay ^(AW)iibigin ng sanglibutan ang kaniyang sarili: nguni't ^(AX)sapagka't kayo'y hindi taga sanglibutan, kundi kayo'y hinirang ko sa sanglibutan, kaya napopoot sa inyo ang sanglibutan.

²⁰ Alalahanin ninyo ang salitang sa inyo'y aking sinabi, ^(AY)Ang alipin ay hindi dakila kay sa kaniyang panginoon. Kung ako'y kanilang pinagusig, kayo man ay kanilang paguusigin din; kung tinupad nila ang aking salita, ang inyo man ay tutuparin din.

²¹ Datapuwa't ang lahat ng mga bagay na ito ay gagawin nila sa inyo ^(AZ)dahil sa aking pangalan, ^(BA)sapagka't hindi nila nakikilala ang sa akin ay nagsugo.

²² Kung hindi sana ako naparito ^(BB)at nagsalita sa kanila, ay hindi sila magkakaroon ng kasalanan: datapuwa't ngayo'y wala na silang madadahilan sa kanilang kasalanan.

²³ Ang napopoot sa akin ay napopoot din naman sa aking Ama.

²⁴ Kung ako sana'y hindi gumawa sa gitna nila ^(BC)ng mga gawang hindi ginawa ng sinomang iba, ay hindi sana sila nangagkaroon ng kasalanan: datapuwa't ngayon ay kanilang nangakita at kinapootan nila ako at ang aking Ama.

²⁵ Nguni't nangyari ito, upang matupad ang salitang nasusulat sa ^(BD)kanilang kautusan, ^(BE)Ako'y kinapootan nila na walang kadahilanan.

²⁶ Datapuwa't pagparito ^(BF)ng Mangaaliw, na aking susuguin sa inyo mula sa Ama, sa makatuwid baga'y ang Espiritu ng katotohanan, na nagbubuhat sa Ama, ay siyang magpapatotoo sa akin:

²⁷ At kayo naman ay magpapatotoo, sapagka't kayo'y nangakasama ko ^(BG)buhat pa nang una.