New Testament in a Year

¹⁹ Mga kapatid, yamang ^(A)may kalayaan ngang makapasok sa ^(B)dakong banal sa pamamagitan ng dugo ni Jesus,

²⁰ Sa pamamagitan ng daang bago at buhay na kaniyang itinalaga sa atin, ^(C)sa pamamagitan ng tabing, sa makatuwid baga'y sa kaniyang laman;

²¹ At yamang may ^(D)isang Dakilang Saserdote na pangulo sa ^(E)bahay ng Dios;

²² Tayo'y magsilapit na may tapat na puso ^(F)sa lubos na pananampalataya, na ang ating mga puso na winisikan mula ^(G)sa isang masamang budhi: at ^(H)mahugasan ang ating katawan ng dalisay na tubig,

²³ Na ating ingatang matibay ang ^(I)pagkakilala ng ating pagasa upang huwag magalinlangan: sapagka't ^(J)tapat ang nangako:

²⁴ At tayo'y mangagtinginan upang tayo'y mangaudyok sa pagiibigan at mabubuting gawa;

²⁵ Na huwag nating pabayaan ang ^(K)ating pagkakatipon, na gaya ng ugali ng iba, kundi mangagaralan sa isa't isa; at lalo na kung inyong namamalas na nalalapit na ^(L)ang araw.

²⁶ Sapagka't ^(M)kung ating sinasadya ang pagkakasala pagkatapos na ating matanggap ang pagkakilala sa katotohanan, ^(N)ay wala nang haing natitira pa tungkol sa mga kasalanan,

²⁷ Kundi isang kakilakilabot na paghihintay sa paghuhukom, at isang kabangisan ng apoy na lalamon sa mga kaaway.

^28 (O)Ang magpawalang halaga sa kautusan ni Moises sa patotoo ng dalawa o tatlong saksi, ay mamamatay na walang awa:

²⁹ Gaano kayang higpit ng parusa, sa akala ninyo, ^(P)ang ihahatol na nauukol doon ^(Q)sa yumurak sa ^(R)Anak ng Dios, at umaring di banal ^(S)sa dugo ng ^(T)tipan na ^(U)nagpabanal sa kaniya, ^(V)at umalipusta sa Espiritu ng biyaya?

³⁰ Sapagka't ating nakikilala yaong nagsabi, ^(W)Akin ang paghihiganti, ako ang gaganti. At muli, Huhukuman ^(X)ng Panginoon ang kaniyang bayan.

³¹ Kakilakilabot na bagay ang mahulog sa mga kamay ng Dios na buhay.

³² Datapuwa't ^(Y)alalahanin ang mga nakaraang araw, na sa mga yaon, pagkatapos na kayo'y maliwanagan, ay nangagtiis kayo ng malaking pakikilaban ng mga pagbabata;

³³ Na una una ay naging isang katawatawa dahil sa mga pagkasiphayo at gayon din sa mga kahirapan; at sa ikalawa, ay naging kasama niyaong mga inaring gayon.

³⁴ Sapagka't kayo'y nangahabag sa mga may tanikala, at tinanggap ninyo ng buong galak ^(Z)ang pagkaagaw ng inyong pagaari, palibhasa'y inyong nalalamang ^(AA)mayroon kayo sa inyong sarili ng isang pagaaring lalong mabuti at tumatagal.

³⁵ Huwag nga ninyong itakuwil ang inyong pagkakatiwala, na may dakilang ganting-pala.

³⁶ Sapagka't kayo'y nangangailangan ^(AB)ng pagtitiis, upang kung inyong magawa ang kalooban ng Dios, ay ^(AC)magsitanggap kayo ng pangako.

³⁹ Nguni't tayo'y hindi doon ^(AG)sa mga nagsisibalik sa kapahamakan; kundi doon sa mga may pananampalataya sa ikaliligtas ng kaluluwa.