New Testament in a Year

¹⁷ Kaya huwag kayong maging mga mangmang, ^(A)kundi unawain ninyo kung ano ang kalooban ng Panginoon.

¹⁸ At ^(B)huwag kayong magsipaglasing ng alak na kinaroroonan ng kaguluhan, kundi kayo'y mangapuspos ng Espiritu;

¹⁹ Na kayo'y mangagusapan ^(C)ng mga salmo at mga himno at mga awit na ukol sa espiritu, na nangagaawitan at nangagpupuri sa inyong mga puso sa Panginoon;

²⁰ Na kayo'y laging magpasalamat ^(D)sa lahat ng mga bagay ^(E)sa pangalan ng ating Panginoong Jesucristo sa ^(F)Dios na ating Ama;

²¹ Na pasakop kayo sa isa't isa sa takot kay Cristo.

²² Mga babae, ^(G)pasakop kayo sa inyo-inyong sariling asawa, na ^(H)gaya ng sa Panginoon.

²³ Sapagka't ang lalake ^(I)ay pangulo ng kaniyang asawa, gaya naman ni Cristo na pangulo ng iglesia, na siya rin ang tagapagligtas ^(J)ng katawan.

²⁴ Datapuwa't kung paanong ang iglesia ay nasasakop ni Cristo, ay gayon din naman ang mga babae ay pasakop sa kani-kaniyang asawa sa lahat ng mga bagay.

²⁵ Mga lalake, ^(K)ibigin ninyo ang inyo-inyong asawa, gaya naman ni Cristo na umibig sa iglesia, at ^(L)ibinigay ang kaniyang sarili dahil sa kaniya;

²⁶ Upang kaniyang pakabanalin ito, na nilinis ^(M)sa pamamagitan ng paghuhugas ng tubig ^(N)na may salita,

²⁷ Upang ang iglesia ay maiharap sa kaniyang sarili na ^(O)maluwalhati, na ^(P)walang dungis o kulubot o anomang gayong bagay; ^(Q)kundi ito'y nararapat maging banal at walang kapintasan.

²⁸ Gayon din naman nararapat ibigin ng mga lalake ang kani-kaniyang sariling asawa, na gaya ng kanilang sariling mga katawan. Ang umiibig sa kaniyang sariling asawa ay umiibig sa kaniyang sarili:

²⁹ Sapagka't walang sinoman na napoot kailan man sa kaniyang sariling katawan; kundi kinakandili at minamahal, gaya naman ni Cristo sa iglesia;

³⁰ Sapagka't ^(R)tayo ay mga sangkap ng kaniyang katawan.

³¹ Dahil dito'y ^(S)iiwan ng lalake ang kaniyang ama at ina, at makikisama sa kaniyang asawa; at ang dalawa ay magiging isang laman.

³² Ang hiwagang ito ay dakila: datapuwa't sinasalita ko ang tungkol kay Cristo at tungkol sa iglesia.

^33 (T)Gayon man ay umibig naman ang bawa't isa sa inyo sa kani-kaniyang sariling asawa gaya ng sa kaniyang sarili; at ang babae ay ^(U)gumalang sa kaniyang asawa.