New Testament in a Year

⁴⁷ “माझा आत्मा प्रभूची स्तुति करतो;
    माझा आत्मा माझ्या तारणाऱ्या देवामध्ये आनंद करतो.
⁴⁸ कारण त्याने त्याच्या नम्र दासीची काळजी वाहिली होय,
    येथून पुढे सर्व लोक मला धन्य म्हणतील.
⁴⁹ कारण सर्वसमर्थाने माझ्यासाठी महान कृत्ये केली आहेत,
    त्याचे नाव पवित्र आहे.
⁵⁰ जे त्याचे भय धरतात,
    त्यांच्यावर तो पिढ्यानपिढ्या दया करतो.
⁵¹ त्याने आपल्या बाहूंनी आपले सामर्थ्य दाखविले;
    गर्विष्ठ लोकांना त्यांच्या बढाईखोर विचारांसह विखरुन टाकले आहे.
⁵² सत्ताधीशांना त्याने त्यांच्या सिंहासनावरुन खाली आणले आहे,
    आणि नम्र जनांना त्याने उंच केले आहे.
⁵³ त्याने भुकेलेल्यांना उत्तम पदार्थांनी समाधान दिले आहे.
    श्रीमंत लोकांना त्याने रिकामे पाठविले आहे.
⁵⁴ त्याचा सेवक जो इस्राएल याला
    मदत करण्यास तो आला आहे.
⁵⁵ त्याने आपल्या पूर्वजांना जे अभिवचन दिले होते त्याप्रमाणे
    अब्राहाम व त्याच्या वंशजांवर दया करण्याचे तो लक्षात ठेवतो.”