◀ All Reading Plans / M’Cheyne Bible Reading Plan / Family: Numbers 26; Psalm 69. Secret: Isaiah 16; 1 Peter 4. (Nepali Bible: Easy-to-Read Version)

Prev Day

May 17, 2025

Next Day

Use the calendar to view readings from this devotional.

May 2025
Su	Mo	Tu	We	Th	Fr	Sa
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Return to today's reading

M’Cheyne Bible Reading Plan

The classic M'Cheyne plan--read the Old Testament, New Testament, and Psalms or Gospels every day.

Duration: 365 days

गन्ती 26

मानिसहरूको गन्ती

26 त्यो डरलाग्दो महामारी पछि परमप्रभुले मोशा र पूजाहारी हारूनको छोरो एलाजारलाई भन्नुभयो, ²“सम्पूर्ण इस्राएली मानिसहरूको समुदायमा जो बीस बर्ष अथवा वेशी उमेरका छन्। तिनीहरूलाई गन र तिनीहरूलाई लडाँईमा जान उपयुक्त हुने परिवार अनुसार सूची बनाऊ।”

³यसकारण मोशा र पूजाहारी एलाजारले तिनीहरूसित यरीहोको पारी यर्दन नदीको नजिक मोआबको मैदानमा कुरा गरे। तिनीहरूले भने, ⁴“इस्राएलका सबै मानिसहरू जो बीस बर्ष भन्दा माथिको छन् सबैको गन्ती गर, परमप्रभुले मोशा र इस्राएलीहरूलाई आज्ञा गर्नु भए जस्तो जो मिश्रबाट बाहिर आए।”

⁵रूबेन इस्राएलको जेठो छोरो हो। रूबेनका सन्तान यस प्रकारले छन्;

हनोकबाट हनोकीहरूको कुलसमूह,

पल्लूबाट पल्लूईहरूको कुल समूह,

⁶हिस्रोनबाट हिस्रोनीहरूको कुलसमूह,

कर्मीबाट कर्मीहरूको कुल समूह।

⁷रूबेनहरूका कुलका कुलसमूह यिनीहरू नै थिए। मानिसहरूको जन संख्या 43,730 थियो।

⁸पल्लूका छोरो एलीआब थिए। ⁹एलीआबका छोराहरू नमूएल, दातान र अबीराम थिए। यी तिनै दातान र अबीराम हुन् जसलाई समुदायबाट चुने अनि तिनीहरू नै मोशा र हारूनको विरोधमा गए। जब तिनीहरूले परमप्रभुको विरोध गरे दातान र अबीराम कोरहको अनुयायीहरूको वीचमा थिए। ¹⁰अनि पृथ्वी चर्किएर मुख बायो अनि कोरह र तिनीहरूलाई निल्यो। जब कोरहको अनुयायीहरू मरे अनि जब 250 जना मानिसहरूलाई आगोले भस्म पार्यो मानिसहरूलाई चेतावनीको निम्ति एउटा दृष्टान्त भयो। ¹¹तर कोरहका छोराहरू मरेनन्।

¹²कुलसमूह अनुसार शिमोनको सन्तानहरू यी नै हुन्;

नमूएलबाट नमूएलको कुलसमूह,

यामीनबाट यामीनीहरूको कुलसमूह,

याकीनबाट याकीनीको कुलसमूह,

¹³जेरहबाट जेरहीहरूको कुलसमूह,

शाऊलबाट शाऊलहीहरूको कुलसमूह,

¹⁴शिमोनहरूका कुलका कुलसमूहहरू यी नै थिए। तिनीहरूमा जम्मा 22,200 मानिसहरू थिए।

¹⁵तिनीहरूको कुलसमूह अनुसार गादको कुलसमूह यस प्रकारको थियोः

सपोनबाट सपोनीहरूको कुलसमूह,

हाग्गैबाट हाग्गैहरूको कुलसमूह,

शूनीबाट शूनीहरूको कुलसमूह,

¹⁶ओजनीबाट ओजनीहरूको कुलसमूह,

एरीबाट एरीहरूको कुलसमूह,

¹⁷अरोदाबाट अरोदाहरूको कुलसमूह

अरेलीबाट अरेलीहरूको कुलसमूह भए।

¹⁸गादाहरूको कुलका कुलसमूहहरू यस प्रकारका थिए र तिनीहरूको जन संख्या 40,500 थियो।

^19-20यहूदाका छोराहरू एर र ओनान थिए र तिनीहरू कनान देशमा मरे। तिनीहरूको कुलसमूह अनुसार यहूदाको सन्तान यस प्रकारको थियोः

शेलहबाट शेलानीहरूको कुलसमूह,

पेरेसबाट पेरेसीहरूको कुलसमूह,

जेरहबाट जेरहातीहरूको कुलसमूह भए।

²¹पेरेसका सन्तानहरू यस प्रकारका थिएः

हेस्रोनबाट हेस्रोनीहरूको कुलसमूह,

हमूलबाट हामूलीहरूको कुलसमूह।

²²यहूदाको कुलका कुलसमूहहरू यही हो र तिनीहरूको जम्मा जन-संख्या 76,500 थियो।

²³तिनीहरूको कुलसमूह अनुसार इस्साकारको सन्तान यस प्रकारको थियोः

तोलाबाट तोलाहीहरूको कुलसमूह,

पुव्वाबाट पुव्वाहीहरूको कुलसमूह।

²⁴याशूबबाट याशूबीहरूको कुलसमूह,

हिम्रोनबाट हिम्रोनीहरूको कुलसमूह।

²⁵इस्साकारको कुलका कुलसमूहहरू यही हो र तिनीहरूको जनसंख्या 64,300 थियो।

²⁶तिनीहरूको कुलसमूह अनुसार जबूलूनको सन्तान यस प्रकारको थियोः

सेरेदबाट सेरेदीहरूको कुलसमूह,

एलोनबाट एलोनीहरूको कुलसमूह,

यहलेलबाट यहेलेलीको कुलसमूह भए।

²⁷जबूलूनको कुलका कुलसमूहहरू यही हो र तिनीहरूको जनसंख्या 60,500 थियो।

²⁸यूसुफका मनश्शे र एप्रैम नाम गरेका दुइ जना छोराहरू थिए। ²⁹मनश्शेबाट भएका सन्तानहरू यिनीहरू नै हुन्

माकीरबाट माकीरी कुलसमूह, (माकीर गिलादका बाबु थिए)

गिलादबाट गिलादीहरूको कुलसमूह,

³⁰गिलादबाट भएका सन्तानहरूः

ईएजरेबाट ईएजेरीहरूको कुलसमूह,

हेलेकबाट हेलेकीहरूको कुलसमूह,

³¹अस्त्रीएलबाट अस्त्रीलीहरूको कुलसमूह,

शेकेमबाट शेकेमीहरूको कुलसमूह,

³²शमीदाबाट शमीदीहरूको कुलसमूह,

हपेरबाट हेपेरीहरूको कुलसमूह

³³सलोफाहद हेपेरका छोरो थिए। यिनीबाट कुनै छोरो जन्मेन तर छोरीहरू मात्रै जन्मे। शलोफाहदका छोरीहरू थिए महला, नोआ, होग्लाह, मिल्का अनि तिर्सा।

³⁴मनश्शेको कुलको कुलसमूहहरू यस प्रकारको छ। तिनीहरूको जन संख्या 52,700 थियो।

³⁵एप्रैमको कुलसमूह यस प्रकार छः

शूतेलहबाट शूतेलहीहरूको कुलसमूह,

बेकेरबाट बेकेरीहरूको कुलसमूह,

तहनबाट तहनीहरूको कुलसमूह।

³⁶शूतेलहका कुलसमूह यस प्रकारका थिएः

एरानबाट एरानीहरूको कुलसमूह।

³⁷एप्रैमको कुलका कुलसमूहहरू यस प्रकार थिए अनि तिनीहरू को जन-संख्या 32,500 थियो। यूसुफको कुल-कुलसमूहहरू तिनीहरू नै हुन्।

³⁸बिन्यामीनका कुलसमूहहरू यिनीहरू हुन्;

बेलाबाट बेलाही कुलसमूह,

अशबेलबाट अशबेलिहरूको कुलसमूह,

अहीरामबाट अहीरामीहरूको कुलसमूह,

³⁹शूपामबाट शपामीहरूको कुलसमूह

हुपामबाट हुपामीहरूको कुलसमूह भए।

⁴⁰अर्द र नामन बेलाका छोराहरू हुन्;

अर्दबाट अर्दीहरूको कुलसमूह,

नामानबाट नामानीहरूको कुलसमूह भए।

⁴¹बिन्यामीनको कुलका कुलसमूहहरू यिनीहरू नै थिए। तिनीहरूको जन-संख्या 45,600 थियो।

⁴²दानका कुलसमूह यिनीहरू हुन्;

शूहामबाट शूहामीहरूको कुलसमूह

⁴³दानको कुलका कुलसमूहहरू यिनीहरू नै थिए अनि सबै शूहामीहरूको जन-संख्या 64,400 थियो।

⁴⁴आशेरको कुलसमूहहरू यस प्रकार थिएः

यिम्नाहबाट यिम्नानीहरूको कुलसमूह,

यिशवी बाट यिश्वीहरूको कुलसमूह,

बेरीयहबाट बेरीयाहरूको कुलसमूह,

⁴⁵बेरीयाहबाट यी परिवारहरू थिएः

हेबेरबाट हेबेरीहरूको कुलसमूह,

मल्कीएलबाट मल्कीएहरूको कुलसमूह।

⁴⁶(आशेरको सेरह नाम गरेकी छोरी थिई)। ⁴⁷कुलसमूह अनुसार आशेर कुलका यही कुलसमूहहरू थिए र तिनीहरूको जन-संख्या 53,400 थियो।

⁴⁸कुलसमूह अनुसार नप्तालीबाट यी कुलसमूहहरू थिएः

यहसेलबाट यहसेलीहरूको कुलसमूह,

गुनीबाट गुनीहरूको कुलसमूह

⁴⁹येसेरबाट येसेरीहरूको कुलसमूह

शिल्लेमबाट शिल्लेमीहरूको कुलसमूह।

⁵⁰कुलसमूह अनुसार नप्ताली कुलका कुलसमूहहरू यिनीहरू नै थिए अनि यिनीहरूको जन-संख्या 45,400 थियो।

⁵¹यसर्थ इस्राएली मानिसहरूको जन-संख्या 6,01,730 थियो।

⁵²परमप्रभुले मोशालाई भन्नुभयो, ⁵³“यी मानिसहरू माझ भूमि वितरण गरिन्छ र तिनीहरूलाई दिइन्छ। यसरी ती सबै गन्तीमा परेका मानिसहरू प्रत्येकले प्रशस्त भूमि पाउनेछन्। ⁵⁴ठूलो परिवारले धेरै र सानो परिवारले कम्ती गरी भूमि पाउनेछन्। तिनीहरूलाई दिइएको भूमि गन्ती गरिएका मानिसहरू बराबर हुनेछ। ⁵⁵तर कसले कुन इलाका पाउने हो त्यो चिठ्ठाद्वारा निर्णय गरिनेछ अनि आफ्ना पुर्खाका कुल अनुसार नाममा तिनीहरू आफ्नो इलाका निर्धारित हुनेछ। ⁵⁶प्रत्येक कुल समूहको अंश चिठ्ठाद्वारा निर्धारण गरिनेछ।”

⁵⁷कुलसमूह अनुसार गन्ती गरिएका लेवी कुलका कुलसमूहहरू यिनीहरू नै हुन्।

गेर्शोनबाट गेर्शोनीहरूको कुलसमूह

कहातबाट कहातीहरूको कुलसमूह

मरारीबाट मरारीहरूको कुलसमूह भए।

⁵⁸लेवी कुलको कुलसमूहहरू यी नै हुन्।

लिब्नीहरूको कुलसमूह,

हेब्रोनीहरूको कुलसमूह,

महलीहरूको कुलसमूह,

मूशीहरूको कुलसमूह,

कोरहीहरूको कुलसमूह।

कहात अम्रामका पिता थिए। ⁵⁹अम्रामकी पत्नीको नाम योकेबेद थियो अनि तिनी लेवी कुलसमूहकी थिइन्। तिनी मिश्रदेशमा लेवी कुलमा जन्मेकी थिइन्। अनि योकेबेल आम्रामका निम्ति, हारून, मोशा र मरियमलाई जन्माईन्।

⁶⁰हारून नादाब, अबीहू, एलाजार अनि इतामारका पिता थिए। ⁶¹तर नादाब र अबीहू परमप्रभुको अघि अनुमति नभएको आगोमा बलि चढाएको कारणले मरे।

⁶²एक महीना र अधिक उमरेका पुरूष गन्दा लेवीहरूको संख्या 23,000 थियो। तिनीहरू मानिसहरूसित गनिएनन् कारण तिनीहरूले इस्राएलका मानिसहरूसित भूमिमा अंश पाएनन्।

⁶³यी मानिसहरूको गन्ती मोशा र पूजाहारी एलाजारले गरेका थिए। मोशा र एलाजार पूजाहारीले इस्राएली मानिसहरूको गन्ती यरीहोको पारी यर्दन नदीको किनार मोआबको मैदानमा गरेका थिए। ⁶⁴धेरै दिन अघि सिनै मरुभूमिमा मोशा र हारूनले जुन इस्राएली मानिसहरूको गन्ती गरेका थिए तिनीहरू मरिसके अनि तिनीहरूमा कोही पनि जीवित थिएनन्। ⁶⁵किनभने तिनीहरू मरुभूमिमा मर्छन भनी परमप्रभुले भन्नु भएको थियो। तिनीहरू मध्ये बाँचेकाहरू हुन् यपुन्नेको छोरो कालेब र नूनको छोरो यहोशू।

भजनसंग्रह 69

प्रमुख संगीतकारलाई: “लिलिको धुनमा” दाऊदको भजन।

¹हे परमेश्वर, मेरो सम्पूर्ण सङ्कटहरूबाट बचाउँनु होस्!
    मेरो मुखसम्म पानी उठिसक्यो।
²त्यहाँ उभिने कुनै ठाउँ छैन।
    म तल-तल दलदलमा भाँसिदैछु,
म गहिरो पानी भित्र छु,
    अनि छालहरूले मलाई जोडसँग चारैतिर हिर्काई रहेछन्।
³तपाईंको सहायताको लागि गुहार माग्नलाई बोलाउँदा बोलाउँदा म कमजोर भइरहेछु।
    मेरो घाँटी पोलिरहेछ।
म तपाईंको सहयोगको निम्ति
    मेरो आँखा नट्टयाउन्जेल सम्म पर्खिरहें,
⁴मेरा शिरका केशहरू भन्दा धेरै शत्रुहरू छन्।
    कारणनै बिना तिनीहरू मलाई हेला गर्छन्।
    तिनीहरूले मलाई विध्वंश पार्ने पूरा चेष्टा गरे।
मेरो विषयमा तिनीहरू झूटो कुराहरू गर्छन्,
    तिनीहरू झूटा छन् र मैले सामानहरू चोरें भन्छन्।
    तिनीहरूले मलाई जबर्जस्ती नचोरेका चीजहरूको मूल्य तिर्न लगाउँदछन्।
⁵हे परमेश्वर, तपाईं जान्नुहुन्छ कि, मैले कुनै गल्ती काम गरेको छैन।
    म तपाईंदेखि आफ्ना पापहरू लुकाउन सक्तिनँ।
⁶हे मेरो स्वामी, सेनाहरूका परमेश्वर, मेरो लागि तपाईंका भक्तजनहरूलाई लज्जित नपार्नु होस्।
    हे इस्राएल का परमेश्वर, जो तपाईंमाथि निर्भरछन, तपाईका उपासकहरूलाई मेरो कारणले लज्जित हुन नदिनुहोस्।
⁷मेरो अनुहार शरमले ढाकिएको छ।
    म तपाईंको निम्ति त्यो शरम सहन्छु।
⁸मेरो दाज्यू-भाइहरूले मलाई परदेशी जस्तो व्यवहार गर्दैछन्।
    मेरो आमाको छोराहरूले मलाई विदेशी सरह व्यवहार गर्दैछन्।
⁹तपाईंको मन्दिर तर्फको मेरो दरिलो जोशले मलाई नष्ट पारिरहेछ।
    म ती मानिसहरूदेखि जसले तपाईंलाई खिसी गर्दछ उपहासको पात्र बनिरहेछु।
¹⁰म रोएँ र उपवास बसें,
    अनि तिनीहरूले यसो गरेको देखेर खिसी गरे।
¹¹आफ्नो उदासीपन देखाउनलाई थोत्रो पोशाक लगाएँ,
    अनि मानिसहरूले मेरो विषयमा ठट्टा गरे।
¹²तिनीहरूले जनसमूहमा मेरो विषय कुराहरू गर्छन।
    मद्यपान गर्नेहरूले मेरो निम्ति उपहासपूर्ण गीतहरू बनाए।
¹³तर, हे परमप्रभु, यो प्रार्थना तपाईंको निम्ति होः
    तपाईंले मलाई ग्रहण गरेको चाहन्छु।
हे परमेश्वर, म तपाईंबाट प्रेमसाथ जवाफ चाहन्छु,
    म जान्दछु कि मलाई बचाउँन तपाईंमाथि भरोसा गर्नसक्छु।
¹⁴दलदल देखि मलाई तान्नु होस्।
    मलाई दलदल भित्र भासिन नदिनुहोस्।
मलाई यो गहन पानीबाट बचाउनुहोस्।
    मलाई ती मानिसहरूबाट बचाउनु होस् जसले मलाई हेला गर्छन्।
¹⁵पानीका छालहरूमा मलाई डुब्न नदिनुहोस्।
    गहीरो प्वालले मलाई निल्न नदिनुहोस्।
    मलाई मेरो शत्रुहरूबाट र यो गम्भीर कष्टबाट बचाउनुहोस्।
¹⁶हे परमप्रभु, तपाईंको प्रेम असल छ।
    म पट्टि फर्कनु होस् र तपाईंको महान् दयाले मलाई सहायता गर्नुहोस्।
¹⁷तपाईंको दासबाट मुख नफर्काउनु होस्।
    म सङ्कटमा छु। चाँडो, मलाई सघाउँनु होस्।
¹⁸आउनु होस् र मेरो प्राण जोगाउनु होस्।
    मेरो शत्रुहरूबाट मलाई जोगाउनु होस्।
¹⁹मेरो लज्जितपन तपाईं जान्नुहुन्छ, मेरो शत्रुहरूले मलाई अपमान गरेको तपाईं जान्नुहुन्छ,
    तिनीहरूले मलाई ती कुराहरू गर्दै गरेको तपाईंले देख्नुभयो।
²⁰गालीले मलाई धूलो-पिठो पारेको छ।
    म गालीको कारणले मर्न लागेको छु
म संवेदना पर्खिएको छु,
    तर कसैबाट पाउन सकिन।
म कतिपय मानिसहरूलाई सान्त्वनाको निम्ति पर्खीं बसें,
    तर कोही पनि आएन।
²¹तिनीहरूले मलाई खानलाई विष दिए।
    तिनीहरूले मलाई सिर्का दिए, दाखरस दिएनन्।
²²तिनीहरूका टेबलहरू खानाहरूले सजिएका छन्।
तिनीहरूसँग त्यस्तो विशाल बन्धुत्वपूर्ण भोजहरू छन्।
    मलाई ती भोजहरूले विनाश गर्ला भन्ने लाग्दछ।
²³तिनीहरूका आँखा अन्धा होउन्, अनि तिनीहरूको पीठ्यूँ सधैँको निम्ति दुर्बल हुन दिनुहोस्।
²⁴तपाईंका सम्पूर्ण क्रोधहरूका अनुभव
    तिनीहरूले पनि गरून्।
²⁵तिनीहरूका घरहरू रित्तो पारिदिनुहोस्।
    कोही पनि त्यहाँ बस्न नपाओस्।
²⁶तिनीहरूलाई दण्ड दिनुहोस्, अनि तिनीहरू भाग्नेछन्।
    त्यसपछि तिनीहरूले कुरा गर्दा पीडा र घायलहरू पाउनेछन्।
²⁷तिनीहरूका अधर्म कामहरूको लागि दण्ड दिनुहोस्।
    तपाईं कत्तिको असल हुनुहुन्छ, भनी तिनीहरूलाई नदेखाउनु होस्।
²⁸जीवनको पुस्तकबाट तिनीहरूको नाउँ मेटि दिनुहोस्,
    तिनीहरूका नाउँ धर्मी मानिसहरूको साथमा नलेखि दिनुहोस्।
²⁹म दुःखीत र पीडित छु।
    परमेश्वर मलाई उठाउनु होस्, मलाई बचाउनु होस्।
³⁰म परमेश्वरको नाउँ गीतमा प्रशंसा गर्नेछु।
    म धन्यवादको गीतहरूमा प्रशंसा गर्नेछु।
³¹यसले परमेश्वरलाई खुशी पार्नेछ!
    यो साँढे र अन्य पशुहरू मारेर बली चढाउनु भन्दा उत्तम हुनेछ।
³²नम्र मानिसहरू जो परमेश्वरलाई उपासना गर्न आएका छन्।
    यी कुरा जानेर तिनीहरू खुशी हुने छन्।
³³किनकि परमप्रभुले दीन-दुःखी र असहायकहरूको पुकारा सुन्नु हुन्छ।
    कैदमा परेका मानिसहरूलाई पनि परमप्रभुले मन पराउनु हुन्छ।
³⁴स्वर्ग र पृथ्वीले, परमेश्वरको प्रशंसा गरून्।
    समुद्र र यसमा भएका जम्मै चीजहरूहो! परमप्रभुको प्रशंसा गर।
³⁵परमप्रभुले सियोनलाई बचाउनुहुनेछ।
    परमप्रभुले यहूदाका शहरहरू अझ एकपल्ट निर्माण गर्नु हुनेछ
ताकि उहाँका मानिसहरू त्यहाँ फेरि बस्न सकुन्।
³⁶उहाँका दासहरूका सन्तानले त्यो धर्ती पाउनेछन्,
    मानिसहरू ज-जसले उहाँको नाउँलाई प्रेम गर्दछन् उनीहरू त्यहाँ बस्ने छन्।

यशैया 16

16 तिमीहरूले त्यस भूमिको राजालाई उपहार पठाउनु पर्नेछ। तिमीहरूले मरुभूमिमा हुँदा सेलादेखि सियोनको छोरीको पर्वतलाई एउटा थुमा पठाउनु पर्नेछ।

²मोआबका स्त्रीहरूले अर्नोनको अरोण नदी पार गर्ने प्रयास गर्छन्।
    तिनीहरू सहायताका निम्ति एक ठाउँ देखि अर्को ठाउँमा हेरिरहेछन्।
    तिनीहरू रूखबाट गुँड भूईंमा झरेपछि लापत्ता भएका बचेराहरू जस्ता भएका छन्।
³तिनीहरू भन्दछन्, “हामीलाई सहयोग दिनुहोस्!
    के गर्नु पर्ने हो बताउनु होस्!
मध्यदिनहको घामबाट हामीलाई ओझेल पारे जस्तै,
हाम्रा शत्रुहरूबाट हामीलाई बचाउँनु होस्।
    हाम्रा शत्रुहरूबाट हामी भागिरहेका छौं।
हामीलाई लुकाउनु होस्!
    शत्रुहरूको हातमा पर्न नदिनुहोस्।”
⁴ती मोअबबाट आएका मानिसहरूलाई
    जबरजस्ती आफ्ना घरहरू छोड्न लगाए।
    यसकारण तिमीहरूका जग्गामा तिनीहरूलाई बस्न देऊ।

तिनीहरूका शत्रुहरूबाट तिनीहरूलाई लुकाऊ,
    लुटपाट रोकिने छ शत्रु पराजित हुनेछ।
    मानिसहरूलाई दुःख कष्ट दिनेहरू जति यस ठाउँबाट जानेछन्।
⁵त्यसपछि दाऊदको घरानाबाट एकजना नयाँ राजा आउनेछन्।
    उनी देशभक्त, मायालु र कृपालु हुनेछन्।
    यी राजाले निष्पक्ष न्याय गर्नेछन्।
उनले ती कुराहरू मात्र गर्नेछन्
    जुन राम्रो र सही हुन्।

⁶हामीले सुनेका छौं कि
    मोआबका मानिसहरू एकदम अंहकारी र कपटी छन्।
ती मानिसहरू हिंस्रक र ठूला कुराहरू गर्नेवालाहरू छन्।
    तर घमण्ड चहिँ खाली खोक्रो शब्दमात्र हो।
⁷त्यही अहंकारको कारणले मोआबका सारा मानिसहरूले दुःख पाउनेछन्।
    मोआबका सारा मानिसहरू रूनेछन्, मानिसहरू उदास हुनेछन्।
    विगतमा तिनीहरूसित भएका कुरा तिनीहरूले चाहन्छन्।
    तिनीहरूले कीरहारेशेतमा बनाएको नेभाएको केकहरूको इच्छा गर्छन्।
⁸हेशबोन अनि सिब्माका दाखका बोटहरूमा दाखहरू नउप्जिनाले,
मानिसहरू उदास हुनेछन्।
    विदेशी शासकहरूले दाखका बोटहरू ढाल्नेछन्।
शत्रुका सैनिकहरू याजेर शहर र मररुभूमिभरी फैलिए,
    अनि तिनीहरू समुद्र पारि सम्म फैलिए।
⁹“दाखका बोटहरू नष्ट भएकोले गर्दा
    म याजेर अनि सिब्माको मानिसहरूसित रूनेछ।
म हेशबोन र एलालेका मानिसहरूसँग रूनेछ
    किनभने त्यहाँ फसलहरू हुनेछैन्।
त्यहाँ ग्रीष्मऋतुको फलहरू पनि हुने छैन्।
    अनि त्यहाँ आनन्दको हल्ला पनि हुनेछैन्।
¹⁰एक समय फलले परिपूर्ण रहने अङ्गुरको खेतहरूमा,
खुशीको गीतहरू गाइने छैन्।
    बाली भित्राउने समयमा मोज-मज्जा समाप्त पार्नेछु।
अङ्गुरहरू दूध मदमा परिणत हुन तयार छन्।
    तर ती सबै चीजहरू खेर जानेछन्।
¹¹यसैकारण, मोआब प्रति म अत्यन्तै दुःखी छु।
    कीर-हरेशे प्रति म अत्यन्तै दुःखी छु।
    म ती शहरहरू प्रति अत्यन्त दुःखी छु।
¹²मोआबका मानिसहरू आफ्ना पूजा गर्ने ठाउँमा जानेछन्
    तिनीहरू प्रार्थना गर्ने प्रयास गर्नेछन्।
तर त्यहाँ के हुँदैछ तिनीहरूले देख्ने छन्
    अनि तिनीहरू प्रार्थना गर्नु अत्यन्तै दुर्बल हुनेछन्।”

¹³परमप्रभुले मोआबको बारेमा यस्ता कुराहरू धेरै पल्ट भन्नु भएको थियो। ¹⁴अनि अहिले परमप्रभु भन्नुहुन्छ, “तीन बर्षभित्र (ज्यालामा काम गर्नेहरूले आफ्नो समय गने झैं) सबै मानिसहरूका गर्व र वस्तुहरू समाप्त भएर जानेछ। त्यहाँ केही मानिसहरू मात्र रहनेछन् तर धेरै मानिसहरू हुने छैनन्।”

1 पत्रुस 4

परिर्तित जीवन

4 जब ख्रीष्ट आफ्नो शरीरमा हुनु हुन्थ्यो, उहाँले यातना भोग्नु भयो। यसर्थ तिमीहरूले ख्रीष्ट कै विचारमा स्वयंलाई तयार पार्नु पर्छ। एक मानिस जसले आफ्नो शरीरमा रहँदा यातना भोगेकाछन् उसले पाप गर्न छोडेको छ। ²तिमीहरू स्वयंलाई तयार पार जसद्वारा तिमीहरू परमेश्वरको इच्छा अनुसारको कार्यमा बाँचेको जीवन उपयोग गर्नेछौ अनि मानिसहरूको विचार अनुसार होइन। ³बितेको समयमा तिमीहरूले ती कुराहरू गरेर अत्याधिक समय नष्ट गर्यौ जुन विश्वास नगर्नेहरूले गर्छन्। तिमीहरू व्यभिचार कुवासना, अभिलाषा, मोज-मज्जा, मतवालापन अनि निषेदित मूर्ति पूजामा संलग्न रहयौ।

⁴तिमीहरू त्यस्ता “असभ्य वस्तुहरूमा” भाग नलिँदा तिनीहरू आश्चर्य मानिरहेका छन्। येसैले तिनीहरू निन्दनीय कुरा गर्छन्। ⁵तर ती मानिसहरूले ख्रीष्टलाई लेखा दिनेछन् जो मरेका र जिउँदा मानिसहरूको न्याय गर्न तयार हुनुहुन्छ। ⁶ती मानिसहरूलाई सुसमाचार प्रचार गरियो जो अहिले मरिसकेका छन् किनभने तिनीहरूले आफ्नो जीवन कालमा गरेका कर्मका लागि अरू सबैलाई गरिए जस्तै तिनीहरूलाई न्याय गरिनेछ। तर तीनीहरू प्रति सुसमाचार प्रचार गरियो जसद्वारा तिनीहरू परमेश्वर जीवित रहनु भए झैं आत्मामा जीवित रहन सक्छन्।

परमेश्वरका उपहारहरूको असल व्यवस्थापक बन

⁷समय नजिक आइरहेको छ जब सबै कुराको अन्त हुन्छ। यसर्थ आफ्नो मन स्वच्छ राख अनि स्वयंलाई नियन्त्रण गर। यसले तिमीहरूलाई प्रार्थना गर्नमा सहायता दिनेछ। ⁸सबै भन्दा मुख्य, एक अर्कालाई गहन प्रेम गर। प्रेमले धेरै पापहरू ढाक्छ। ⁹विना विरोध एक अर्कामा अतिथि सत्कार गर। ¹⁰तिमीहरू प्रत्येकले परमेश्वरबाट आत्मिक उपहार प्राप्त गरेका छौ। विभिन्न तरिकामा तिमीहरूलाई परमेश्वरले आफ्नो अनुग्रह देखाउनु भएको छ। अनि तिमीहरूले सेवकहरू जस्तै दायित्व बहन गरेका छौ, यसर्थ परमेश्वरको उपहारको सदुपयोग गर। ¹¹मनिस जो बोल्छ उसले परमेश्वरको बचन बोल्नुपर्छ। मानिस जसले सेवा गर्छ उसले त्यो शक्तिद्वारा सेवा गर्नु पर्छ जो परमेश्वरले दिनु भएकोछ। तिमीहरूले त्यस प्रकारले कार्य गर्नु पर्छ जसद्वारा प्रत्येक कुरामा येशू ख्रीष्ट मार्फत परमेश्वर प्रशंसनीय हुनु हुनेछ। शक्ति अनि महिमा सदा सर्वदा उहाँकै हो। आमिन।

ख्रीष्टियानको रुपमा यातना भोग्नु

¹²मेरा मित्रहरू, तिमीहरूले भोगिरहेको भयानक कष्टमा आश्चर्य नमान। यो तिमीहरूको विश्वास जाँच गर्नलाई हो। नसोच कि तिमीहरूमाथि कुनै अलौकिक घट्ना घटिरहेछ। ¹³तर तिमीहरू खुशी हुनु पर्छ किनकि तिमीहरू ख्रीष्टका सहभागी बनिरहेकाछौ। तिमीहरू खुशी हुनेछौ अनि आनन्दले पूर्ण रहने छौ जब ख्रीष्टले आफ्नो महिमा देखाउनु हुनेछ। ¹⁴तिमीहरूले ख्रीष्टलाई अनुशरण गरेकोमा जब मानिसहरूले गाली गर्छन् तिमीहरू धन्य हुन्छौ किनभने महिमाको आत्मा, तिमीहरूसँग हुन्छ। ¹⁵तिमीहरू कसैले पनि हत्यारा, चोरी अनि नराम्रो कर्म गर्ने अथवा अर्काको विषयमा हस्तक्षेप गर्नेहरू जस्तो यातना भोग्न नपरोस्। ¹⁶तर आफू “ख्रीष्टियान” भएकोमा यदि तिमीले कष्ट भोग्छौ भने तिमी लज्जित हुनु पर्दैन। त्यस नामकोलागि बरु तिमीहरूले परमेश्वरको प्रशंसा गर्नु पर्छ। ¹⁷न्याय गरिने समय आएको छ। यो कार्य परमेश्वरको परिवारबाट शुरु गरिने छ। तर यदि त्यो न्याय गरिने कार्य हामीबाट शुरु भयो भने जसले परमेश्वरको सुसमाचार स्वीकार गर्दैनन् तिनीहरूको के अवस्था हुनेछ?

¹⁸“यदि धार्मिक व्यक्तिलाई पनि बचाँउन अत्यन्तै गाह्रो पर्छ भने,
त्यो मानिस जो परमेश्वरको विरुद्धमा छ अनि महा-पापी छ, उमाथि के आउने हो?”^(A)

¹⁹यसर्थ, ती मानिसहरू जो परमेश्वरले चाहेको तरिकामा कष्ट भोग्छन् तिनीहरूले आफ्ना प्राणहरू उनलाई सुम्पिनु पर्छ। परमेश्वर एक हुनुहुन्छ जसले तिनीहरूलाई सृष्टि गर्नु भयो अनि तिनीहरूले उहाँ माथि विश्वास राख्न सक्छन्। यसर्थ तिनीहरूले धार्मिक कार्यहरू गरिरहनु पर्छ।

Nepali Bible: Easy-to-Read Version (ERV-NE)