M’Cheyne Bible Reading Plan

³⁸ परंतु देव दयाळू होता.
    देवाने त्यांना त्यांच्या पापांबद्दल क्षमा केली आणि त्याने त्यांचा नाश केला नाही.
देवाने अनेक वेळा स्वत:चा राग आवरला.
    त्याने स्वत:ला खूप राग येऊ दिला नाही.
³⁹ ती केवळ माणसेच आहेत याची देवाने आठवण ठेवली.
    लोक वाऱ्याप्रमाणे आहेत. तो वाहातो आणि ओसरतो.
⁴⁰ त्या लोकांनी वाळवंटात देवाला अनेक संकटांत टाकले
    त्यांनी त्याला खूप दु:खी केले.
⁴¹ मग लोकांनी पुन्हा पुन्हा देवाच्या सहनशक्तीची परीक्षा घेतली,
    त्यांनी इस्राएलाच्या पवित्र परमेश्वराला खूप दु:ख दिले.
⁴² ते लोक देवाची शक्ती विसरले.
    देवाने त्यांचा किती वेळा त्यांच्या शत्रूंपासून बचाव केला हे ते विसरले.
⁴³ मिसर देशातल्या चमत्कारा बाबत ते विसरले.
    सोअन प्रांतातला चमत्कारही ते विसरले.
⁴⁴ देवाने नद्यांचे रक्तात रुपांतर केले.
    मिसरमधले लोक पाणी पिऊ शकले नाहीत.
⁴⁵ देवाने चावणाऱ्या माशांचे थवे पाठवले.
    ते मिसरमधल्या लोकांना चावले, देवाने बेडूक पाठवले.
    त्यांनी मिसरमधल्या लोकांच्या आयुष्याचा नाश केला.
⁴⁶ देवाने त्यांची पिके नाकतोड्यांच्या हवाली केली
    आणि इतर झाडांवर टोळ धाड पाठवली.
⁴⁷ देवाने त्यांच्या द्राक्षवेलींचा नाश करण्यासाठी गारांचा पाऊस पाडला
    आणि झाडांचा नाश करण्यासाठी त्याने बर्फाचा उपयोग केला.
⁴⁸ देवाने गारांच्या वर्षावाने त्यांच्या प्राण्यांचा नाश केला
    आणि त्यांच्या पशुधनावर त्याने वीज पाडली.
⁴⁹ देवाने मिसरच्या लोकांना आपला राग दाखवला.
    त्याने त्याचे विध्वंसक दूत त्यांच्याविरुध्द पाठवले.
⁵⁰ देवाने आपला राग व्यक्त करण्यासाठी एक मार्ग शोधला.
    त्याने त्या लोकांपैकी कुणालाही जगू दिले नाही.
    त्याने त्यांना एका भयंकर रोगाचे बळी केले.
⁵¹ देवाने मिसरमध्ये जन्मलेल्या सर्व पहिल्या मुलांना मारुन टाकले.
    त्याने हाम कुटुंबात जन्मलेल्या पहिल्या मुलांनाही मारले.
⁵² नंतर देवाने इस्राएलला मेंढपाळा सारखे नेले.
    त्याने त्याच्या लोकांना मेंढ्यासारखे वाळवंटात नेले.
⁵³ त्याने त्याच्या माणसांना काळजीपूर्वक मार्गदर्शन केले
    देवाच्या माणसांना कशाचीच भीती वाटली नाही.
    देवाने त्यांच्या शत्रूंना लाल समुद्रात बुडविले.
⁵⁴ देवाने त्याच्या माणसांना त्याच्या पवित्र देशात
    त्याने त्याच्या सामर्थ्याने घेतलेल्या डोंगरावर नेले.
⁵⁵ देवाने इतर देशांना ती जमीन सोडून जायला भाग पाडले.
    देवाने प्रत्येक कुटुंबाला जमिनीचा त्यांचा हिस्सा दिला.
    देवाने इस्राएलाच्या प्रत्येक कुटुंबाला राहायला स्वःतचे घर दिले.
⁵⁶ परंतु त्यांनी सर्वशक्तिमान देवाची परीक्षा घेतली आणि त्याचे त्याला खूप वाईट वाटले.
    त्या लोकांनी देवाच्या आज्ञा पाळल्या नाहीत.
⁵⁷ इस्राएलाच्या लोकांनी देवाकडे पाठ फिरवली.
    जसे त्याचे पूर्वज त्याच्याविरुध्द गेले तसेच ते त्याच्या विरुध्द गेले.
    ते वाकवलेल्या धनुष्याप्रमाणे अतिशय वाईट होते.
⁵⁸ इस्राएलाच्या लोकांनी प्रार्थनेसाठी उंच जागा बांधल्या आणि देवाला क्रोधित केले.
    त्यांनी चुकीच्या देवाचे पुतळे केले आणि देवाला असूया आणली.
⁵⁹ देवाने हे ऐकले आणि तो खूप रागावला,
    देवाने इस्राएलला पूर्णपणे झिडकारले.
⁶⁰ देवाने शिलोहचा पवित्र तंबू सोडून दिला.
    देव लोकांच्या बरोबर त्यांच्या तंबूत राहिला.
⁶¹ देवाने इतर देशांना त्याच्या माणसांना पकडू दिले.
    शत्रूंनी देवाचे “सुंदर रत्न” घेतले.
⁶² देवाने त्याच्या माणसांवरचा त्याचा राग व्यक्त केला,
    त्याने त्यांना युध्दात मरु दिले.
⁶³ तरुण माणसे जळून मेली आणि ज्या मुलींशी ते लग्न करणार होते
    त्यांनी विवाहाची गाणी म्हटली नाहीत.
⁶⁴ याजक मारले गेले पण विधवा
    त्यांच्यासाठी रडल्या नाहीत.
⁶⁵ शेवटी आमचा प्रभु झोपेतून उठलेल्या माणसासारखा,
    खूप द्राक्षारस प्यायलेल्या सैनिकासारखा उठला.
⁶⁶ देवाने त्याच्या शत्रूंना माघार घ्यायला भाग पाडले आणि त्यांचा पराभव केला.
    देवाने त्याच्या शत्रूचा पराभव केला आणि त्यांना कायमची नामुष्की आणली.
⁶⁷ परंतु देवाने योसेफाच्या कुटुंबाला झिडकारले,
    देवाने एफ्राईमच्या कुटुंबाचा स्वीकार केला नाही.
⁶⁸ नाही, देवाने यहुदाच्या कुटुंबाला निवडले,
    देवाने त्याच्या आवडत्या सियोन पर्वताची निवड केली.
⁶⁹ देवाने त्याचे पवित्र मंदिर उंच पर्वतावर बांधले.
    देवाने त्याचे मंदिर पृथ्वीसारखे कायमचे राहील असे बांधले.
⁷⁰ देवाने दावीदाला स्वत:चा खास सेवक म्हणून निवडले.
    दावीद मेंढ्यांच्या वाड्यांचे रक्षण करीत होता.
    परंतु देवाने त्याला त्याच्या कामापासून दूर नेले.
⁷¹ दावीद मेंढ्यांची काळजी घेत होता.
    परंतु देवाने त्याला त्या कामापासून दूर नेले.
देवाने दावीदाला त्याच्या माणसांकडे, याकोबाच्या माणसांकडे,
    इस्राएलाच्या माणसांकडे आणि देवाच्या मालमत्तेकडे लक्ष देण्याचे काम करायला सांगितले.
⁷² आणि दावीदाने त्यांना शुध्द मनाने मार्ग दाखवला,
    त्याने त्यांना शहाणपणाने मार्ग दाखवला.

¹³ परमेश्वरा, तू आमचा देव आहेस.
    पूर्वी आम्ही इतर भोंदू देवांना
अनुसरलो आम्ही त्यांना जवळ केले.
    पण आता लोकांनी फक्त तुझेच नाव घ्यावे असे आम्हाला वाटते.
¹⁴ ते मृत देव जीवंत होणार नाहीत.
    त्यांची भुते आता उठणार नाहीत.
तू त्यांचा नाश करायचे ठरविलेस
    आणि त्यांची आठवण देणाऱ्या सर्व खाणाखुणा तू नष्ट केल्यास.
¹⁵ तुझ्या आवडत्या राष्ट्राला
    तू मदत केलीस.
इतर लोकांना त्या राष्ट्राचा
    पराभव करण्यापासून थांबविलेस.
¹⁶ परमेश्वरा, संकटात असताना लोक
    तुझे स्मरण करतात.
तू शिक्षा केल्यास लोक मनात
    तुझा धावा करतात.
¹⁷ परमेश्वरा, आम्ही तुझ्याबरोबर नाही.
    प्रसूति वेदना होऊन रडणाऱ्या स्त्रीसारखे आम्ही आहोत.
    ती वेदनेने विव्हळते.
¹⁸ त्याचप्रमाणे आम्हाला वेदना आहेत.
    आम्ही जन्म देतो पण तो फक्त वाऱ्याला.
आम्ही जगासाठी नवीन लोक तयार करत नाही.
    आम्ही देशासाठी तारण आणत नाही.
¹⁹ परंतु परमेश्वर म्हणतो,
“तुझे लोक मेले असले
    तरी जिवंत होतील.
आमच्या माणसांचे मृतदेह सजीव होतील.
    मृतांनो, थडग्यातून उठा
आणि आनंदित व्हा.
    तुमच्यावर पडलेले दव
हे जणू नव्या दिवसाचा प्रकाश आहे.
    तो प्रकाश नवाकाळ येत आहे हे दाखवितो.
मृत लोकांना आता जमिनीत पुरले आहे
    पण त्यांना नवजीवन मिळेल.”

²⁰ माझ्या लोकांनो, आपापल्या खोल्यांत जा.
    दारे लावून घ्या.
थोडा वेळ खोलीतच लपून बसा.
    देवाचा राग शांत होईपर्यंत लपून राहा.
²¹ परमेश्वर दुष्कृत्यांबद्दल जगातील लोकांचा न्यायनिवाडा करण्यासाठी
    देव आपले स्थान सोडून येईल.
मारल्या गेलेल्या लोकांचे रक्त
    पृथ्वी त्याला दाखवील.