M’Cheyne Bible Reading Plan

⁷ देव त्याच्या मंदिरात बोलला,
    “मी युध्द जिंकेन आणि विजयाबद्दल आनंदी होईन.
मी ही जमीन माझ्या माणसांत वाटून टाकीन.
    मी त्यांना शखेम आणि सुक्कोथाचे खोरे देईन.
⁸ गिलाद आणि मनश्शे माझी असतील.
    एफ्राईम माझे शिरस्त्राण असेल.
    यहुदा माझा राजदंड असेल.
⁹ मावब माझे पाय धुण्याचे पात्र असेल.
    अदोम माझी पादत्राणे नेणारा सेवक असेल.
    मी पलिष्ट्यांचा पराभव करीन आणि विजयाबद्दल हर्षनाद करीन.”

¹⁰ मला शत्रूच्या किल्ल्यात कोण नेईल?
    मला अदोमशी लढायला कोण नेईल?
¹¹ देवा, फक्त तूच मला या गोष्टी करायला मदत करु शकतोस.
    पण तू आम्हाला सोडून गेलास.
    तू आमच्या सैन्याबरोबर गेला नाहीस.
¹² देवा, आम्हाला आमच्या शत्रूंचा पराभव करायला मदत कर.
    लोक आम्हांला मदत करु शकत नाहीत.
¹³ फक्त देवच आम्हाला बलवान करु शकतो.
    देव आमच्या शत्रूंचा पराभव करु शकतो.

⁶ “माझ्या शत्रूंनी वाईट गोष्टी केल्या त्याबद्दल त्यांना शिक्षा कर.
    ते चुकले आहेत हे सिध्द करण्यासाठी एखादा माणूस शोध.
⁷ माझा शत्रू चुकला आणि तो अपराधी आहे हे न्यायाधीशांना ठरवू दे.
    माझा शत्रू जे काही बोलतो त्यामुळे त्याची परिस्थिती अधिकच बिघडते.
⁸ माझ्या शत्रूला लवकर मरु दे.
    त्याचा व्यवसाय दुसऱ्या माणसाला मिळू दे.
⁹ माझ्या शत्रूच्या मुलांना अनाथ
    आणि त्याच्या बायकोला विधवा कर.
¹⁰ त्यांना त्यांचे घर गमावू दे
    आणि त्यांना भिकारी होऊ दे.
¹¹ माझ्या शत्रूंच्या धनकोंना त्याच्याकडचे सगळे घेऊ दे
    आणि परक्यांना त्याच्या सर्व श्रमांचे फळ घेऊ दे.
¹² माझ्या शत्रूंशी कुणीही दयाळू असू नये असे मला वाटते.
    त्याच्या मुलांना कुणी दया दाखवू नये असे मला वाटते.
¹³ माझ्या शत्रूचा संपूर्ण नाश कर.
    पुढच्या पिढीला त्याचे नाव सर्व गोष्टीवरुन काढून टाकू दे.
¹⁴ परमेश्वराला माझ्या शत्रूच्या वडिलांच्या पापांची आठवण करुन दिली जाईल असे मला वाटते,
    त्याच्या आईची पापे कधीही पुसली जाऊ नयेत असे मला वाटते.
¹⁵ परमेश्वराला त्या पापांची सदैव आठवण राहील अशी मी आशा करतो.
    आणि तो लोकांवर माझ्या शत्रूला पूर्णपणे विसरुन जायची शक्ती देईल अशी मी आशा करतो.
¹⁶ का? कारण त्या दुष्ट माणसाने कधीही काहीही चांगले केले नाही,
    त्याने कधीच कुणावर प्रेम केले नाही.
    त्याने गरीब, असहाय्य लोकांचे आयुष्य कष्टी केले.
¹⁷ त्या दुष्ट माणसाला दुसऱ्या लोकांचे वाईट कर
    असे सांगायला आवडायचे म्हणून त्या वाईट गोष्टी त्या माणसालाच होऊ दे.
तो दुष्ट माणूस लोकांचे भले होवो
    असे कधीही म्हणाला नाही, म्हणून त्याचेही भले होऊ देऊ नकोस.
¹⁸ शाप हेच त्याचे कपडे असू दे.
शाप हेच त्याचे पिण्याचे पाणी असू दे.
    शाप हेच त्याच्या शरीरावरचे तेल असू दे.
¹⁹ शाप त्या दुष्ट माणसांच्या शरीराभोवती गुंडाळण्याचे वस्त्र असू दे,
    आणि शापच त्यांच्या कमरे भोवतीचा पट्टा असू दे.”

²⁰ परमेश्वर या सगळ्या गोष्टी माझ्या शत्रूंच्या बाबतीत करील अशी मी आशा करतो.
    जे लोक मला ठार मारायचा प्रयत्न करीत आहेत,
    त्या सर्वांना परमेश्वर या गोष्टी करेल अशी मी आशा करतो.
²¹ परमेश्वरा, तू माझा प्रभु आहेस म्हणून
    तुझ्या नावाला गौरव प्राप्त होईल अशा रीतीने मला वागव.
माझ्यावर तुझे खूप प्रेम आहे म्हणून मला वाचव.
²² मी फक्त एक गरीब, असहाय्य माणूस आहे.
    मी खरोखरच दुखी: आहे आणि माझे ह्रदयविदीर्ण झाले आहे.
²³ दिवसाच्या शेवटी येणाऱ्या लांब सावल्यांप्रमाणे माझे आयुष्य संपले आहे असे मला वाटते.
    कुणीतरी झटकून टाकलेल्या किड्याप्राणे मी आहे असे मला वाटते.
²⁴ मी भुकेला असल्यामुळे माझ्या गुडघ्यातली शक्ती क्षीण झाली आहे.
    माझे वजन घटते आहे आणि मी बारीक होत आहे.
²⁵ वाईट लोक माझा अपमान करतात.
    ते माझ्याकडे बघतात आणि त्यांच्या माना हलवतात.
²⁶ परमेश्वरा, देवा, मला मदत कर.
    तुझे खरे प्रेम दाखव आणि माझा उध्दार कर.
²⁷ नंतर त्या लोकांना तू मला मदत केल्याचे कळेल.
    तुझ्या शक्तीनेच मला मदत केली हे त्यांना कळेल.
²⁸ ते वाईट लोक मला शाप देतात.
    परंतु परमेश्वरा, तू मला आशीर्वाद देऊ शकतोस.
    त्यांनी माझ्यावर हल्ला केला म्हणून त्यांचा पराभव कर नंतर मी, तुझा सेवक आनंदी होईन.
²⁹ माझ्या शत्रूंना लाज आण.
    त्यांना त्यांची लाजच अंगरख्या प्रमाणे घालायला लाव.
³⁰ मी परमेश्वराला धन्यवाद दिले.
    खूप लोकांसमोर मी त्याची स्तुती केली.
³¹ का? कारण परमेश्वर असहाय्य लोकांच्या मदतीसाठी उभा राहातो
    जे लोक त्यांना ठार मारायची शिक्षा देतात त्यांच्यापासून देव त्यांना वाचवतो.

² “हो ते पवित्र नगराचे नागरिक आहेत.
    ते इस्राएलच्या देवावर अवलंबून राहतात.
सर्वशक्तिमान परमेश्वर अशी त्याची ख्याती आहे.

³ “मी तुम्हाला फार पूर्वीच भविष्यात घडणाऱ्या गोष्टींबद्दल सांगितले.
    मी तुम्हाला त्यांच्याबद्दल सांगितले
    आणि अचानक त्या गोष्टी घडवून आणल्या
⁴ मी तसे केले, कारण तुम्ही हट्टी होतात व ते मला माहीत होते.
    मी सांगितलेल्या गोष्टींवर विश्वास ठेवायला तुम्ही नकार दिलात.
    जस्ताप्रमाणे कठीण आणि लोखंडाप्रमाणे न वाकणारा असा तुमचा हट्ट होता.
⁵ म्हणूनच गोष्टी घडायच्या कितीतरी आधी मी तुम्हाला त्या गोष्टीबद्दल सांगितले,
    असे सांगण्याचे कारण हेच की आम्ही आमच्या सामर्थ्यावर
हे सर्व केले असे तुम्ही म्हणू नये.
    ‘आमच्या मूर्तींनी हे सर्व घडवून आणले’
    असे तुम्ही म्हणू नये म्हणून मी हे केले.”

⁹ “पण मी सहन करीन.
    हे मी माझ्यासाठी करीन.
तुमच्यावर रागावून तुमचा नाश करीत नाही म्हणून लोक माझी स्तुती करतील.
    मी केलेल्या प्रतीक्षेबद्दल तुम्ही माझे स्तवन कराल.

¹⁰ “पाहा! मी तुम्हांला शुध्द् करीन.
    लोक चांदी शुध्द् करण्यासाठी गरम भट्टीचा उपयोग करतात.
    मी तुम्हांला संकटात टाकून शुध्द् करीन.
¹¹ हे मी माझ्यासाठी करीन.
    मला कमी लेखून तुम्हांला चालणार नाही.
माझे वैभव आणि प्रशंसा मी खोट्या देवांच्या वाट्याला जाऊ देणार नाही.
    माझे नाव मी दूषित का होऊ द्यावे?

¹² “याकोबा, माझे ऐक,
    इस्राएल, मी तुला माझे होण्यासाठी बोलाविले,
    तेव्हा माझे ऐक.
मीच आरंभ आहे
    आणि मीच अंत आहे.
¹³ मी माझ्या हाताने पृथ्वी निर्माण केली.
    माझ्या उजव्या हाताने आकाश निर्माण केले
आणि मी जर त्यांना हाक मारली
    तर ती माझ्यासमोर गोळा होतील.

¹⁴ “तुम्ही सगळे इकडे या आणि माझे ऐका.
    कोणत्याही खोट्या देवाने असे कसे होईल म्हणून तुम्हाला सांगितले का? नाही.
देव इस्राएलवर प्रेम करतो बाबेलबाबत
    आणि खास्द्यांबाबत देव त्याला पाहिजे ते करील.”

¹⁵ परमेश्वर म्हणतो, “मी त्याला बोलवीन, असे मी तुम्हाला सांगितले आहे,
    मी त्याला आणीन
    आणि मी त्याला यशस्वी करीन.
¹⁶ इकडे या आणि माझे ऐका.
    बाबेल राष्ट्र म्हणून जगायला लागले तेव्हा मी तेथे होतो
आणि आरंभापासून मी स्पष्टपणे बोललो का
    तर लोकांना मी काय म्हणालो ते समजावे.”

“मीच परमेश्वर तुमचा देव आहे.
    मी तुम्हाला सत्कृत्ये करायला शिकवितो.
    तुम्ही कोणत्या मार्गाने जावे ह्याचे मी मार्गदर्शन करतो.
¹⁸ तुम्ही माझ्या आज्ञा पाळल्या असत्या
    तर पूर्ण भरून वाहणाऱ्या नदीप्रमाणे शांती
    तुमच्याकडे आली असती,
समुद्राच्या परत परत येणाऱ्या लाटांप्रमाणे चांगल्या गोष्टी पुन्हा पुन्हा
    तुमच्याकडे आल्या असत्या.
¹⁹ तुम्ही माझ्या आज्ञा पाळल्या असत्या
    तर वाळूच्या कणांप्रमाणे खूप संतती तुम्हाला झाली असती
आणि तुमचे नाव माझ्यासमोर काढून टाकले
    गेले नसते अथवा नष्ट केले गेले नसते.”

²⁰ माझ्या लोकांनो, बाबेल सोडा,
    खास्दयापांसून पळा, ही वार्ता लोकांना आनंदाने सांगा.
जगातील दूरदूरच्या ठिकाणी
    ही बातमी पोहोचवा.
लोकांना सांगा,
    “परमेश्वराने त्याचा सेवक याकोब याची सुटका केली.
²¹ परमेश्वराने त्याच्या लोकांना वाळवंटातून पार नेले
    पण ते तहानलेले राहिले नाहीत का?
    कारण देवाने आपल्या माणसांसाठी खडकातून पाणी वाहायला लावले.
त्याने खडक फोडला
    आणि पाणी बाहेर वाहू लागले.”

²² पण परमेश्वर म्हणतो,
    “पाप्यांना शांती मिळणार नाही.”

“पडली!
    महान बाबेल पडली!
ती दुष्ट आत्म्यांचे घर बनली आहे.
    आणि प्रत्येक दुष्ट आत्म्याचा आश्रय
आणि प्रत्येक अशुद्ध,
    धिक्कारलेल्या पक्षांचा
    आश्रय झाली आहे.
³ कारण तिच्या व्याभिचाराचा द्राक्षारस जो वेड लावणारा आहे
    तो सर्व राष्ट्रांनी प्याली आहेत.
पृथ्वीवरील राजांनी तिच्याशी व्यभिचार केला आहे
    आणि पृथ्वीवरील व्यापारी तिच्या अति संपत्तीने व ऐषारामाने श्रीमंत झाले आहेत.”

“माइया लोकांनो, तिच्यातून बाहेर
    या यासाठी की तिच्या पापात तुमचा वाटा असू नये यासाठी
    की तुमच्यावर तिच्या कोणत्याही पीडा येऊ नयेत.
⁵ कारण तिची पापे स्वर्गाला भिडली आहेत.
    आणि देवाला तिच्या अपराधांची आठवण झाली आहे.
⁶ तिने ज्याप्रमाणे तुम्हाला दिले आहे, तसे तुम्ही तिचे परत करा.
    तिने जे काही केले आहे त्याच्या दुप्पट तुम्ही तिच्यासाठी करा
तिने दुसऱ्यांना दिले त्याच्या दुप्पट प्रमाणात
    तेच मद्य तिच्या प्याल्यात भरा.
⁷ तिने स्वतःला जसे गौरव आणि ऐषाराम दिला तितक्या प्रमाणात
    तुम्ही तिला छळ व दु:ख द्या.
ती तिच्या अंतःकरणात गर्वाने म्हणते, ‘मी राणीसाखी सिंहासनावर बसते,
    मी विधवा नाही.’
    आणि ‘मी केव्हाच शोक करणार नाही.’
⁸ म्हणून एका दिवसात तिच्या पीडा तिच्यावर येतील.
    (त्या पीडा म्हणजे): मृत्यू, शोक आणि दुष्काळ ती
आगीत भस्म होऊन जाईल
    कारण सामर्थ्यशाली प्रभु देव तिचा न्याय करील.

‘भयंकर! भयंकर, हे महान नगरी बाबेल,
    सामर्थ्याच्या शहरा!
एका तासात तुझा न्याय तुझ्यावर येईल!’

¹⁴ ‘बाबेल, ज्या उत्तम गोष्टींची तुला अपेक्षा होती,
त्या गोष्टी आता तुझ्यापासून गेल्या आहेत तुझी सर्व श्रीमंती व वैभव नाहीसे झाले आहे.
    त्याची तुला परत कधी भरपाई होणार नाही.’

‘भयंकर! भयंकर, हे महानगरी, तलम तागाचे,
    किरमीजी व जांभळे पोशाख
    नेसून जी नगरी सजली होती सोने,
    मौल्यवान रत्ने व मोती यांनी ती झगमगत होती!
¹⁷ एका तासात अशा प्रकारची प्रचंड संपत्ति नष्ट झाली!’

‘भयंकर! भयंकर! हे महान नगरी,
    ज्या सर्वांकडे समुद्रात जहाजे आहेत ते तिच्या संपत्तीमुळे
    श्रीमंत झाले एका तासात तिचा सर्वनाश झाला.
²⁰ हे स्वर्गा, तिच्याबद्दल आनंद कर!
    संतानो, प्रेषितांनो आणि संदेष्ट्यांनो आनंद करा!
तिने ज्या प्रकारे तुम्हाला नागविले त्याबद्दल देवाने तिचा न्याय केला आहे.’”

“अगदी अशीच महान बाबेल नगरी जोराने खाली फेकण्यात येईल
    आणि परत ती कधीही कोणाला सापडणार नाही.
²² वीणा वाजविणाऱ्यांचा, संगीत वाजविणाऱ्यांचा, बासरी वाजविणाऱ्यांचा
    आणि कर्णा वाजविणाऱ्यांचा आवाज परत कधी तुझ्या येथे ऐकू येणार नाही.
कोणताही कारागिरीचा व्यापारी
    तुझ्यामध्ये आढळणार नाही
तुझ्या येथे जात्याचा आवाज
    कधी ऐकू येणार नाही.
²³ दिव्याचा प्रकाश तुझ्यामध्ये
    पुन्हा कधी प्रकाशणार नाही
तुझ्या येथे वधूवरांचा आवाज
    पुन्हा कधी ऐकू येणार नाही
तुझे व्यापारी जगातील मोठी माणसे होती
    तुझ्या जादूटोण्यामुळे सर्व राष्ट्रे बहकली गेली
²⁴ त्या नगरीमध्ये संदेष्ट्यांचे देवाच्या पवित्र लोकांचे
    आणि जगात ज्यांची हत्या करण्यात आली अशांचे रक्त सांडल्याचे दिसून आले.”